პრაღა, „მოგზაურთა სამოთხე“-ასე უწოდებენ ხშირად ჩეხეთის რესპუბლიკის დედაქალაქს ადამიანები, რომლებიც ერთხელ მაინც მოხვედრილან ცენტრალური ევროპის ამ ულამაზეს ქალაქში. თუმცა, რა გასაკვირია, რომ ასე აღაფრთოვანებს მოგზაურებს ეს ქალაქი?! პრაღა ხომ მსოფლიოს ერთ-ერთ ულამაზეს ქალაქადაა მიჩნეული?! თანაც, 1992 წლიდან პრაღის ისტორიული ცენტრი იუნესკოს მიერ მსოფლიო მემკვიდრეობის სიაშია შეტანილი.
 გარდა ზემოაღნიშნულისა, ქალაქს რამდენიმე მეტსახელი აქვს, დროისა და კონტექსტის მიხედვით, მათ შორის: „ოქროს ქალაქი“, „ოთხმოცდაათიანების მარცხენა სანაპირო“, „ქალაქთა დედა“ და „ევროპის გული“ და ა.შ.

 მაშ ასე, მოდი, მოვემზადოთ პრაღაში სამოგზაუროდ! Oktravel- გირჩევთ რამდენიმე ადგილს, რომელიც აუცილებლად უნდა მოინახულოთ პრაღაში მოგზაურობისას:

წმინდა ვიტის საკათედრო ტაძარი

 პრაღაში ყოფნისას წმინდა ვიტის საკათედრო ტაძრის უნახავობა იგივეა, რაც პარიზში მოგზაურობა და ეიფელის კოშკშის არ ნახვა.
 საკათედრო ტაძარი პრაღის არქიეპისკოპოსის სამბრძანებელია, რომელიც პრაღის ციხე-სიმაგრის ტერიტორიაზე მდებარეობს. ტაძარი გოტიკური არქიტექტურის ერთ-ერთი ბრწყინვალე ნიმუშია და უდიდესი და ყველაზე მნიშვნელოვანი ეკლესიაა ჩეხეთში. ამჟამინდელი ტაძრის ადგილას პირველი ეკლესია ადრეული რომანული როტონდის სტილის იყო და ასევე წმინდა ვიტოს ეძღვნებოდა.

შუა საუკუნეების კარლის ხიდი

 არსებობს გამოთქმა „ყველა გზა რომისკენ მიდისო“, ჩეხები კი ამბობენ, „ყველა გზა კარლის ხიდამდე მიდისო“. ამ ხიდს ყოველდღუირად ასობით და ათასობით ტურისტი სტუმრობს. ისტორიული ხიდი პრაღაში მდინარე ვლტავაზე მდებარეობს და აერთებს ლეგენდის თანახმად, ამ ხიდზე ნებისმიერი ჩაფიქრებული სურვილი აუცილებლად ასრულდება.

ცნობილი ლუდის სტაროპრამენი

პრაღა მხოლოდ არქიტექტურული შედევრებითაა ცნობილი, არამედ ლუდითაც. სწორედ ლუდია ჩეხეთის ერთ-ერთი სავიზიტო ბარათი და ეს მთელს მსოფლიოშია აღიარებული.    1869 წელს ინჟინერმა გუსტავ ნობაკმა და ორმა მეწარმემ დაარსეს ერთ-ერთი უდიდესი და უძველესი ჩეხური ლუდსახარში - სტაროპრამენი, რომელიც ითარგმნება, როგორც „ძველი წყარო“.

ვაცლავის მოედანი

პრაღის ცენტრში არსებული მოედანი, დედაქალაქის ერთ-ერთი ისტორიული ადგილია და უამრავი ისტორიული მოვლენითაა სახელგანთქმული.  მოედანს ყოველდღიურად უამრავი ტურისტი სტუმრობს და ტკბებიან იმ სანახაობებით (ფესტივალები,გასართობი ღონისძიებები), რომლებიც მოედანზე მუდმივად ეწყობა.

მოცეკვავე სახლი

ყველაზე უჩვეულო შენობა პრაღაში- მოცეკვავე სახლია, რომლის არქიტექტურაც ეკუთვნის ფრენკ გერის ეკუთვნის, რომელიც განთქმულია შენობათა დიზაინის სკულპტურული გადაწყვეტის სტილით. მოცეკვავე სახლი შედგება ორი ცილინდრული ფორმის კოშკისგან, რომელთაგან ერთი მოხრილია და სწორედ ამიტომ ჰგვანან ეს კოშკები მოცეკვავე წყვილს.  თავად პრაღის მოსახლეობამ ხუმრობით ამ „წყვილს“ მეტსახელად „ჯინჯერი და ფრედი“ შეარქვა (მოცეკვავე წყვილის ჯინჯერ როჯერსისა და ფრედ ასტერის საპატივცემულოდ).