ადამ მიცკევიჩის ქუჩა N11

info@oktravel.ge

30 ოქტომბერი, 20186156 ნახვა
თითქოს ნაცნობი, მაგრამ უცნობი პარიზი
თითქოს ნაცნობი, მაგრამ უცნობი პარიზი

პარიზში მოგზაურობა რომ ბევრი ადამიანის (განსაკუთრებით კი ქალების)

ოცნებაა, ეს უცხო არ არის. ეიფელის კოშკის, ლუვრის მუზეუმისა და ტრიუმფალური თაღის მონახულება, შანზელიზეს გამზირზე მდებარე კაფეში შოკოლადის კრუასანის მირთმევა და მოდის სამყაროს შეცნობა- ძირითადად ეს არის ის, რაც პარიზში მოგზაურობის მსურველებს იზიდავს, თუმცა, რა თქმა უნდა, ეს ძალიან მცირედი ჩამონათვალია, რაც შეიძლება ამ ქალაქში ნახო - პარიზი ხომ ევროპის წამყვანი კულტურული, პოლიტიკური და ბიზნეს ცენტრია, დამახასიათებელი ნეოკლასიკური( ხელოვნების მიმდინარეობა, რომელიც განვითარდა XVIII-XIX საუკუნეების მხატვრობაში, არქიტექტურასა და ლიტერატურაში) არქიტექტურითა და მისი გავლენით მოდასა და ხელოვნებაზე.

 

Bonjour Paris! მსოფლიოს მასშტაბით წელიწადში ყველაზე მეტი, დაახლოებით 32-33 მილიონი, სტუმარი საფრანგეთის დედაქალაქ პარიზს სტუმრობს, თუმცა, მათი დიდი ნაწილი ნამდვილი პარიზის შეცნობას ვერ ახერხებს; ზოგი დროის გამო, ზოგი კი უბრალოდ იმის გამო, რომ არ იცნობს ზოგიერთ ადგილს პარიზში, რომელიც აუცილებლად უნდა მოინახულოს.

 

მაშ ასე, Oktravel.ge გაგაცნობთ ადგილებს პარიზში, რომლებიც ბევრი ტურისტისთვის  უცნობია:

 

 

  1. Mur des je t’aime-სიყვარულისკედელი

 პარიზი ხომ სიყვარულის ქალაქადაც მოიხსენიება და შესაბამისად, პარიზში ბევრ ისეთ ადგილს შეხვდებით, სადაც რომანტიკული გარემო მაღალ ხარისხშია აყვანილი. ერთ-ერთი ასეთი ადგილი სიყვარულის კედელია, სადაც ფრაზა „მე შენ მიყვარხარ“ 280 ენაზე, მათ შორის ქართულადაც წერია.  

 

 

  1. Musée de la Vie romantique- რომანტიკისმუზეუმი

1830 წელს დაარსებული ეს მუზეუმი პარიზში მოგზაურთათვის ერთ-ერთი საყვარელი, თუმცა ბევრისთვის არცთუ ისე ცნობილი ადგილია. თუკი პარიზში მოგზაურობას გადაწყვეტთ, რომანტიკის მუზეუმს აუცილებლად უნდა ეწვიოთ, თანაც სიყვარულის ქალაქთან ძალიან ახლოს მდებარეობს, რაც გადაადგილების თვალსაზრისითაც მოსახერხებელია.

 

  1. Sacré-Cœur Basilica-ბაზილიკასეკრე-კიორი

პარიზის ერთ-ერთი ყველაზე დიდი ღირსშესანიშნაობა და ძვირადღირებულ ძეგლებს შორის მეორე ადგილზე სწორედ ბაზილიკა სეკრე-კიორი დგას. ბაზილიკა საკრე-კიორი მდებარეობს  მონმარტრის მთაზე, რომელიც პარიზის უმაღლესი წერტილია (ზღვის დონიდან 130 მეტრი). იგი არქიტექტორმა პოლ აბადიმ 1875-1914 წლებში ააშენა. ბაზილიკა საფრანგეთი- პრუსიის ომში დაღუპულთა პატივსაცემადაა აგებული. თავის დროზე, ვიდრე მისი მშენებლობა დაიწყებდა. საძირკველში ბრინჯაოს მედალიონი ჩააყოლეს წარწერით: „საფრანგეთი ქრისტეს მონმარტრის ბაზილიკას უძღვნის“. ამიტომაც, მონტმარტრზე სეირნობისას არ დაგავიწყდეთ, ეწვიოთ ბაზილიკას და დატკბით ბრწყინვალე პანორამებით!

  1. Jardin du Luxembourg-ლუქსემბურგის ბაღი

 თუკი პარიზს თბილ სეზონზე ესტუმრებით, გაისეირნეთ ლუქსემბურგის ბაღში, იქვე კაფეში, ბაგეტი და გემრიელი ყავა აიღეთ, მოხერხებულად მოკალათდით გრძელ სკამზე და დატკბით ბაღის სილამაზით.

 

  1. Château de Versailles-ვერსალი, საფრანგეთის მეფეთა სასახლე

საფრანგეთის მეფეთა სადღესასწაული სასახლე ვერსალში, პარიზის გარეუბანში მდებარეობს. სასახლის აშენების პერიოდში ვერსალი სოფელი იყო, ამჟამად კი იგი პარიზის გარეუბანია, საკუთარი ქალაქის სტატუსით.  გამომდინარე იქიდან რომ სასახლე ქალაქგარეთაა განთავსებული, მის დასათვალიერებლად დიდი დრო, ფაქტობრივად, მთელი დღე დაგჭირდებათ, ამიტომ, გირჩევთ, ამისთვის ერთი მთლიანი დღე გამოჰყოთ და მაქსიმალურად დატკბეთ მისი დიდებული არქიტექტურით.