თუშეთი მდებარეობს კავკასიონის მთავარი ქედის გადაღმა, მის ჩრდილოეთ კალთაზე. თუშეთში ბევრი პატარა მდინარე და ტბაა, რომელთა უმრავლესობა ზამთარში ნახევრად იყინება. აქ დიდი რაოდენობითაა ქლორიდებისა და რკინის შემცველი, ტუტე-მარილიანი, მჟავე სამკურნალო-მინერალური წყლები. თუშეთის ტერიტორია ხასიათდება მრავალფეროვანი ფლორთ, რომელთა უმრავლესობა ენდემური და უძველესი რელიქტური სახეობისაა.
თუშები მიწათმოქმედებასთან ერთად მისდევენ მეცხვარეობას. მომთაბარე მეცხვარეობის გზით გამოყვანილი ჰყავთ ცხვრის, ცხენისა და მეცხვარის ძაღლის თუშურიმ ჯიშები.
თუშური დღესასწაულების განუყოფელი ელემენტია მუსიკა. ისინი მელოდიებს გარმონზე ასრულებენ, რაც მათ სევდიან ტონალობას აძლევს.
მწყემსების მიერ თაობიდან თაობას გადაეცემოდა და დღემდეა მოღწეული ცხვრის ყველის დამზადების ტექნოლოგიური საიდუმლოებანი. თუშური ცხვრის ყველი „გუდის ყველის“ სახელითაა ცნობილი, რადგან ყველის საგემოვნო თვისებების საბოლოო სრულყოფა სპეციალურად დამუშავებულ ცხვრის ტყავში, „გუდაში“ ხდება. „გუდის ყველი“ სპეციპიკური გემოს გამო, თუშური სამზარეულოს ყველაზე ცნობილი კერძია.
2007 წლის 24 ოქტომბრიდან თუშეთი შეტანილია იუნესკოს მსოფლიო მემკვიდრეობის საცდელ სიაში.
