ტური საქართველოს მნიშვნელოვანი ადგილები

საქართველოს მნიშვნელოვანი ადგილები

-

8 დღე / 7 ღამე

საქართველოს  8  დღიანი  ტურის  განმავლობაში,  თქვენ  ეწვევით:  ძველ  და  თანამედროვე  თბილისს,  კლდეში  ნაკვეთ  ქალაქს - უფლისციხეს,  რაბათის  ციხეს,  რომლის  ისტორია  IX-ე  საუკუნით  თარიღდება  და  კიდევ  ბევრ  საინტერესო  ადგილს.

მარშუტი

დღე  1: თბილისში  ჩამოსვლა,  აეროპორტში  დახვედრა  და  ტრანსფერი  სასტუმროში.  (საღამოს,  გიდთან  ერთად  მოინახულებთ:  სამების  საკათედრო  ტაძარს,  მეტეხის  ეკლესიას,  ნარიყალას  ციხე-სიმაგრეს,  გოგირდის  აბანოებს,  მეჩეთს,  სიონის  საკათედრო  ტაძარს,  ანჩისხატის  ეკლესიას,  საათის  კოშკს,  რომელიც  ცნობილია  რეზო  გაბრიაძის  თეატრით,  რიყის  პარკს  და  ეთნოგრაფიულ  მუზეუმს  ღია  ცის  ქვეშ,  სადაც  თქვენ  აღმოაჩენთ  ტრადიციულ  სახლებს  საქართველოს  ყველა  რეგიონიდან).  ღამისთევა  თბილისში.

დღე  2:  თბილისი - მცხეთა - ანანურის  კომპლექსი - სტეფანწმინდა - ქუთაისი  (მცხეთა  საქართველოს  რელიგიური  ცენტრია.  თქვენ  ეწვევით  ჯვრის  მონასტერს,  საიდანაც  იშლება  ულამაზესი  ხედი  მტკვრის  და  არაგვის  შესართავთან.  შემდეგი  სვეტიცხოვლის  საკათედრო  ტაძარია.  ანანურის  არქიტექტურულ  კომპლექსში,  ეკლესიები  და  კოშკები  აგებულია  XVI-XVIII  სს-ში.  ჟინვალის  წყალსაცავიდან  იშლება  ასევე  ულამაზესი  ხედი.  მოგზაურობა  გაგრძელდება  საქართველოს  სამხედრო  გზის  გავლით,  რომელიც  ზღვის  დონიდან  2379 მეტრ სიმაღლეზე  მდებარეობს.  სტეფანწმინდაში  ჩასვლის  შემდეგ  გერგეტის  სამების  ეკლესიას  ეწვევით).  ღამისთევა გუდაურში.

დღე  3:  გუდაური - გორი - უფლისციხე - ქუთაისი  (დილით  გაემგზავრებით  გორში  და  ეწვევით  იოსებ  სტალინის  სახლ - მუზეუმს.  შემდეგ  კი  კლდეში  ნაკვეთ  ქალაქს - უფლისციხეს,  რომელიც  დათარიღებულია  ელინისტური  პერიოდით.  ქუთაისში  გამგზავრებისას,  გზად  მოინახულებთ  უბისის  მონასტერს,  რომელიც  ცნობილია  ფერადი  ფრესკებით  და  თარიღდება  XIX ს-ით).  ქუთაისში  გამგზავრება  და  ღამისთევა.

დღე  4:  ქუთაისი - მოწამეთა - პრომეთეს  მღვიმე - მარტვილის  კანიონი - ქუთაისი  (დილით  ეწვევით  ბაგრატის  ტაძარს  (XI ს.),  რომელიც  შუა  საუკუნეების  ერთ-ერთი  საუკეთესო  არქიტექტურული  ძეგლია.  ტური  გაგრძელდება  მოწამეთას  ტაძარში,  სადაც  ისიამოვნებთ  ხეობის  ფანტასტიური  ხედით.  გაემგზავრებით  პრომეთეს  მღვიმის  და  მარტვილის  კანიონების  მოსანახულებლად.  ნავით  იმოგზაურებთ  კანიონებზე  და  იხილავთ  ყველაზე  ლამაზ  ჩანჩქერს).  ღამისთევა  მარტვილში.

დღე  5:  ქუთაისი - პეტრას  ციხე - ბოტანიკური  ბაღი - ბათუმი  (ბათუმში  გამგზავრებისას,  გზად  ეწვევით  პეტრას  ციხეს,  რომელიც  მწვანე  ბაღების  გარემოცვაში  მდებარეობს.  მოინახულებთ  ბათუმის  უძველეს  ბოტანიკურ  ბაღს  მთელს  სამხრეთ  კავკასიაში,  რომელიც  ორი  ათასზე  მეტ  ხის  ჯიშს  მასპინძლობს).  ბათუმში  ჩასვლა,  თავისუფალი  დრო  და  ღამისთევა.

დღე  6:  ბათუმი - ბორჯომი  (დილით  ეწვევით,  გონიოს  უძველეს  ციხე - სიმაგრეს  საქართველოში.  ბათუმში  დაბრუნებისას  გელოდებათ  სანახაობრივი  ტური,  ეწვევით:  ევროპის  და  პიაცას  მოედნებს,  ანბანის  კოშკს,  ,,ალის  და  ნინოს“  სკულპტურას,  გაისეირნებთ  ბათუმის  ბულვარში.  შუადღით  გამოემგზავრებით  ბორჯომში).  ღამისთევა  ბორჯომში

დღე  7:  ბორჯომი - ახალციხე - ხერთვისის  ციხე - ვარძია - თბილისი  (ქ.  ახალციხეში  ეწვევით  ყველაზე  მნიშვნელოვან  ადგილს - რაბათის  ციხეს.  ტური  გაგრძელდება  ხერთვისის  ციხის  და  ვარძიის  მონახულებით.  თბილისში  დაბრუნებისას,  გზად  ბორჯომის  პარკს  და  ცნობილ  მინერალურ  წყლებს ეწვევით).  ღამისთევა  თბილისში.

დღე  8:  თბილისი - გამგზავრება  (ტრანსფერი  აეროპორტში).

 

დამატებითი  ინფორმაცია

საუკეთესო  დრო  ტურისთვის:  აპრილიდან  ოქტომბრის  ჩათვლით

დაგჭირდებათ  კომფორტული  ტანსაცმელი,  მანდილოსნებს  შარფები  ტაძარში  შესასვლელად

1562