სანტორინი — მცირე ზომის ცირკულარული განლაგების ვულკანური კუნძულების ჯგუფი სამხრეთ ეგეოსის ზღვაში, დაახლოებით 200 კმ-ში საბერძნეთის კონტინენტური ნაწილის სანაპიროდან სამხრეთ-აღმოსავლეთის მიმართულებით. ის ასევე ცნობილია სახელით „თერა“. ციკლადესის ჯგუფის კუნძულთა შორის ყველაზე სამხრეთით მდებარე ნაწილია, ფართობით 73 კმ² და 2001 წლისთვის მისი მოსახლეობა შეადგენდა 13 600 ადამიანს.
