რაჭა დასავლეთ საქართველოს ჩრდილო-აღმოსავლეთ ნაწილში მდებარეობს და იყოფა სამ კუთხედ: მთის, ზემო და ქვემო რაჭად. რეგიონი ხასიათდება მთა-გორიანი ლანდშაფტით. მოსახლეობა ძირითადად მთებს შორის მოქცეულ სოფლებში ცხოვრობს.
რაჭველები სიდინჯით გამოირჩევიან. რაჭაში პოპულარულია ფოლკლორული კულტურა, ცეკვეა და სიმღერა. ძველი ტრადიციებიდან საინტერესოა, რაჭული გლოვა „ზარი“, რომლსაც დღესდღეობით მხოლოდ მაღალმთიან სოფლებში თუ შევხვდებით.
რაჭველები მისდევენ მესაქონლეობას, მებაღეობას, მეფუტკრეობას, მაგრამ გამორჩეულად პოპულარულია მევენახეობა. ყველაზე ცნობილია რაჭული ხვანჭკარას ღვინო, რომელსაც სოფელ ხვანჭკარაში ამზადებენ. რაჭული ღვინო მეცხრამეტე საუკუნიდან პოპულარობით სარგებლობდა ევროპის გამოფენებზეც. რაჭაში ხშირად შევხვდებით ადგილობრივების მიერ გამოყვანილ ყურძნის ჯიშებს.
რაჭული სამზარეულოს ყველაზე ცნობილი კერძია შქმერული. ასევე, რაჭველებს განსაკუთრებულად უყვართ ღორის ლორი, ამიტომ ლობიანსა და ხაჭაპურს ლორით ამზადებენ. რაჭველები ლობიანებს პურის მსგავსად თონეში აცხობენ.
რაჭაში ბევრია ფეოდალური ხანის ეთნოგრაფიული ძეგლები. ტერიტორია მდიდარია საკურორტო ზონებით, რომლებიც ყველა სეზონზე აღაფრთოვანებს მნახველს. დიდი პოპულარობით სარგებლოს შაორის წყალსაცავი.
