ხუთ დღიანი სათავგადასავლო ტური მცხეტა-მთიანეთის რეგიონში
21699
მცხეთა-მთიანეთი
მცხეთა-მთიანეთი აღმოსავლეთ საქართველოში მდებარეობს და რამდენიმე ისტორიულ-გეოგრაფიულ პროვინციას მოიცავს. ადმინისტრაციულ ცენტრს ქალაქი მცხეთა წარმოადგენს, რომელიც საქართველოს უძველესი დედაქალაქია.
მცხეთა ისტორიული ძეგლებით გაჯერებული, პატარა დასახლებაა. იგი შეტანილია იუნესკოს მსოფლიო მემკვიდრეობის ნუსხაში, როგორც ქალაქი-მუზეუმი. ცხადია, რომ მცხეთა, როგორც კულტურული ტურიზმის ცენტრი საქართველოს ერთ-ერთი ყველაზე მნიშვნელოვანი ატრაქციაა. იგი მხოლოდ 20 კილომეტრითაა საქართველოს დედაქალაქ თბილისიდან დაშორებული.
მცხეთა-მთიანეთში მდებარეობს ცნობილი სამთო-სათხილამურო ცენტრი გუდაური, რომელიც დიდი პოპულარობით სარგებლობს ზამთრის სპორტის მოყვარულთა შორის.
მცხეთა-მთიანეთი ცნობილია ადგილობრივი წესებით მოხარშული უგემრიელესი ლუდით. ასევე, პოპულარულია ღორის ან საქონლის გულ-ღვიძლისაგან დამზადებული კერძი - ყაურმა და ხაჭოს გულიანი ხაჭაპური - კოტორი.
მცხეთა მთიანეთი უამრავ ღირსშესანიშნაობას სთავაზობს არა მარტო ადგილობრივებს, არამედ მის ყველა სტუმარს. იგი გამოირჩევა მთისა და ბარის გასაოცარი კომბინაციით, რაც კიდევ უფრო მეტად მიმზიდველსა და მრავალფეროვანს ხდის მას.
