ყაზბეგი  ამჟამად  ცნობილია,  როგორც  სტეფანწმინდა.  ტურისტები  სხვადასხვა  ქვეყნებიდან  ჩამოდიან  გერგეთის  სამების  ტაძრის  და  ულამაზესი  ბუნების  სანახავად,  რომელიც  სამუდამოდ  რჩება  მათ  გონებაში.

დღე 1: თბილისი - მცხეთა - ჟინვალის  წყალსაცავი - სტეფანწმინდა - ელიას გორაკი

დილით  გავემგზავრებით  თბილისიდან  საქართველოს  რელიგიურ  ცენტრისკენ - მცხეთის  სანახავად,  სადაც  ვეწვევით ისტორიულ  ადგილებს:  ჯვრის  და  სვეტიცხოვლის  ტაძრებს.  გზად  გავივლით  ანანურის  არქიტექტურულ  კომპლექსს,  2 ტაძარს  და  ჟინვალის  წყალსაცავს.  მოგზაურობა  იქნება  საკმაოდ  სასიამოვნო  კავკასიის  მთების  ხედების  მეშვეობით. სტეფანწმინდაში  ჩასვლის  შემდეგ,  ელიას  მთას  მოვინახულებთ,  საიდანაც  იშლება  უმშვენიერესი  ხედი.  ღამისთევა სტეფანწმინდაში.

დღე 2: სტეფანწმინდა - გერგეთი - გველეთი - სტეფანწმინდა

დილიდან  გაგრძელდება  ტური  საფეხმავლო  გზით.  გავივლით  ლამაზ  ხეობებს  და  ტყეს  გერგეთის  სამების  ტაძრამდე. შემდეგ  კი  ვნახავთ  გასაოცარ  გველეთის  ჩანჩქერს.  ღამისთევა  სტეფანწმინდაში.

დღე 3: სტეფანწმინდა - სნოს ხეობა - ჭაუხები - სტეფანწმინდა

დილით,  სნოს  ხეობის  გავლით  ვესტუმრებით  სოფელ  ჯუთას,  რომელიც  მგზავრებს  აუცილებლად  დაუტოვებს დაუვიწყარ  შთაბეჭდილებებს.  ჯუთადან  კი  დავიწყებთ  ფეხით  სვლას  ჭაუხის  მთაზე.  ღამისთევა  სტეფანწმინდაში.

დღე 4: სტეფანწმინდა - თრუსოს  ხეობა - გუდაური - თბილისი

დილით  გავემგზავრებით  თრუსოს  ბრწყინვალე  ხეობისკენ  და  ვიხილავთ  მის  მიმზიდველ  ბუნებას.  შემდეგი გუდაურის  სათხილამურო  კურორტია.  საღამოს  კი  დაბრუნება  თბილისში.

საუკეთესო დრო ტურისთვის: მაისიდან ოქტომრბრამდე