ადამ მიცკევიჩის ქუჩა N11

info@oktravel.ge

10 ყველაზე იაფი მიმართულება შვებულების გასატარებლად

Businessinsider-მა Postoffice-co.uk-ის მონაცემებზე დაყრდნობით ევროპის 10 ქალაქი წარმოადგინა, სადაც შვებულების გატარება ყველაზე იაფი დაგიჯდებათ. 
სულ გამოკითხულია 36 ქვეყანა. ფასები კი ადგილობრივი ტურისტული სააგენტოებისა და სასტუმროების გამოყენებითაა შედგენილი. 

მოცემულ ფასებში შედის - 3-ვარკვლავიანი სასტუმროს ორი ღამე ორ ადამიანზე, ასევე ორ ადამიანზე სამჯერადი კვება, ყავა, ლუდი და ტრანსპორტი. 

კრაკოვი, პოლონეთი - 164.80 ფუნტი (232.62 დოლარი)
ფინჯანი ყავა: 1.79 ფუნტი
ერთი ბოთლი ლუდი: 1.57 ფუნტი
სამჯერადი კვება ორ ადამიანზე ერთი ბოთლი სახლის ღვინით: 42.72 ფუნტი
ტრანსფერი ავტობუსით აეროპორტიდან ქალაქის ცენტრამდე: 3.58 ფუნტი
48 საათიანი მგზავრობის ბარათი: 5.37 ფუნტი
ორი ღამე სამჯერადი კვებით, ორ ადამიანზე: 78.00 ფუნტი

ვილნიუსი, ლიტვა - 165.53 ფუნტი (233.65 დოლარი)
ფინჯანი ყავა: 1.36 ფუნტი
ერთი ბოთლი ლუდი: 2.26 ფუნტი
სამჯერადი კვება ორ ადამიანზე ერთი ბოთლი სახლის ღვინით: 42.69 ფუნტი
ტრანსფერი ავტობუსით აეროპორტიდან ქალაქის ცენტრამდე: 1.27 ფუნტი
48 საათიანი მგზავრობის ბარათი: 9.06 ფუნტი
ორი ღამე სამჯერადი კვებით, ორ ადამიანზე: 89 ფუნტი

რიგა, ლატვია -172.17 ფუნტი ( 243.03 დოლარი)
ფინჯანი ყავა: 2.72 ფუნტი
ერთი ბოთლი ლუდი: 2.72 ფუნტი
სამჯერადი კვება ორ ადამიანზე ერთი ბოთლი სახლის ღვინით: 65.53 ფუნტი
ტრანსფერი ავტობუსით აეროპორტიდან ქალაქის ცენტრამდე: 2.08 ფუნტი
48 საათიანი მგზავრობის ბარათი: 9.05 ფუნტი
ორი ღამე სამჯერადი კვებით, ორ ადამიანზე: 62 ფუნტი

ვარშავა, პოლონეთი -180.53 ფუნტი ( 254.83 დოლარი)
ფინჯანი ყავა: 2.24 ფუნტი
ერთი ბოთლი ლუდი: 1.79 ფუნტი
სამჯერადი კვება ორ ადამიანზე ერთი ბოთლი სახლის ღვინით: 42.50 ფუნტი
ტრანსფერი ავტობუსით აეროპორტიდან ქალაქის ცენტრამდე: 1.97 ფუნტი
48 საათიანი მგზავრობის ბარათი: 5.37 ფუნტი
ორი ღამე სამჯერადი კვებით, ორ ადამიანზე: 94 ფუნტი

ბუდაპეშტი, უნგრეთი - 183.51 ფუნტი (259.03 დოლარი)
ფინჯანი ყავა: 1.68 ფუნტი
ერთი ბოთლი ლუდი: 1.53 ფუნტი
სამჯერადი კვება ორ ადამიანზე ერთი ბოთლი სახლის ღვინით: 44.08 ფუნტი
ტრანსფერი ავტობუსით აეროპორტიდან ქალაქის ცენტრამდე: 2.45 ფუნტი
48 საათიანი მგზავრობის ბარათი: 12.71 ფუნტი
ორი ღამე სამჯერადი კვებით, ორ ადამიანზე: 84 ფუნტი

მოსკოვი, რუსეთი - 199.64 ფუნტი (281.80 დოლარი)
ფინჯანი ყავა: 2.17 ფუნტი
ერთი ბოთლი ლუდი: 3.53 ფუნტი
სამჯერადი კვება ორ ადამიანზე ერთი ბოთლი სახლის ღვინით: 47.91 ფუნტი
ტრანსფერი ავტობუსით აეროპორტიდან ქალაქის ცენტრამდე: 13.57 ფუნტი
48 საათიანი მგზავრობის ბარათი: 5.63 ფუნტი
ორი ღამე სამჯერადი კვებით, ორ ადამიანზე: 80 ფუნტი

პრაღაში, ჩეხეთი - 199.86 ფუნტი ( 282.11 დოლარი)
ფინჯანი ყავა: 2.06 ფუნტი
ერთი ბოთლი ლუდი: 1.35 ფუნტი
სამჯერადი კვება ორ ადამიანზე ერთი ბოთლი სახლის ღვინით: 47.22 ფუნტი
ტრანსფერი ავტობუსით აეროპორტიდან ქალაქის ცენტრამდე: 2.39 ფუნტი
48 საათიანი მგზავრობის ბარათი: 8.23 ფუნტი
ორი ღამე სამჯერადი კვებით, ორ ადამიანზე: 93 ფუნტი

ათენი, საბერძნეთი - 200.42 ფუნტი (282.90 დოლარი)
ფინჯანი ყავა: 2.26 ფუნტი
ერთი ბოთლი ლუდი: 3.44 ფუნტი
სამჯერადი კვება ორ ადამიანზე ერთი ბოთლი სახლის ღვინით: 37.11 ფუნტი
ტრანსფერი ავტობუსით აეროპორტიდან ქალაქის ცენტრამდე: 10.86 ფუნტი
48 საათიანი მგზავრობის ბარათი: 8.15 ფუნტი
ორი ღამე სამჯერადი კვებით, ორ ადამიანზე: 90 ფუნტი

ლისაბონი, პორტუგალია - 208.85 დოლარი (294.80 დოლარი)
ფინჯანი ყავა: 1.36 ფუნტი
ერთი ბოთლი ლუდი: 1.81 ფუნტი
სამჯერადი კვება ორ ადამიანზე ერთი ბოთლი სახლის ღვინით: 47.07 ფუნტი
ტრანსფერი ავტობუსით აეროპორტიდან ქალაქის ცენტრამდე: 5.43 ფუნტი
48 საათიანი მგზავრობის ბარათი: 11.86 ფუნტი
ორი ღამე სამჯერადი კვებით, ორ ადამიანზე: 99 ფუნტი

ლილე, საფრანგეთი - 208.95 ფუნტი (294.94 დოლარი)
ფინჯანი ყავა: 2.62 ფუნტი
ერთი ბოთლი ლუდი: 5.34 ფუნტი
სამჯერადი კვება ორ ადამიანზე ერთი ბოთლი სახლის ღვინით: 57.02 ფუნტი
ტრანსფერი ავტობუსით აეროპორტიდან ქალაქის ცენტრამდე: 9.05 ფუნტი
48 საათიანი მგზავრობის ბარათი: 7.87 ფუნტი
ორი ღამე სამჯერადი კვებით, ორ ადამიანზე: 95 ფუნტი

ვრცლად ნახვა
თელ-ავივის აეროპორტში ორი თვითმფრინავი ერთმანეთს დაეჯახა

ისრაელში, თელ-ავივის აეროპორტში ორი სამგზავრო თვითმფრინავი ერთმანეთს შეეჯახა. შემთხვევის შედეგად არავინ დაშავებულა და ყველა მგზავრის ევაკუაცია დროულად მოხდა.

უცხოური მედიის ინფორმაციით, Germania-ს თვითმფრინავი აფრენას აპირებდა, რა დროსაც ის El Al-ის თვითმფრინავს კუდით დაეჯახა.

აეროპორტის ადმინისტრაციის წარმომადგენლების თქმით, მომხდარზე გამოძიება დაწყებულია და მიზეზები დადგინდება.

tabula.ge

ვრცლად ნახვა
შენგენის ზონაში უვიზო მიმოსვლის ამოქმედებიდან 1 წელი გავიდა!

დღეს საქართველოს მოქალაქეებისთვის შენგენის ზონაში უვიზო მიმოსვლის ამოქმედებიდან 1 წელი გავიდა. ევროკავშირთან ვიზალიბერალიზაციის ამოქმედებიდან დღემდე, უვიზო რეჟიმით საქართველოს 192 ათასზე მეტმა მოქალაქემ ისარგებლა. თითოეულმა მოქალაქემ საზღვარი რამდენჯერმე გადაკვეთა, შესაბამისად, დაფიქსირებულია საზღვრის 250 ათასზე მეტი კვეთა. ამასთან, ერთი წლის განმავლობაში, შენგენის ზონაში შესვლაზე უარი საქართველოს 1001 მოქალაქეს უთხრეს.

ვრცლად ნახვა
თბილისის საერთაშორისო აეროპორტი აღმოსავლეთ ევროპის საუკეთესო აეროპორტებს შორის მოხვდა

სტოკჰოლმში გამართულ „Skytrax World Airport Awards 2018“-ზე თბილისის საერთაშორისო აეროპორტი აღმოსავლეთ ევროპის ერთ-ერთ საუკეთესო აეროპორტად ზედიზედ მეხუთედ დასახელდა.

მგზავრთა გამოკითხვის შედეგად – ბუდაპეშტის, ტალინის, კიევის ბორისპოლის, ბუქარესტის, რიგის, ბელგრადის, თბილისის, ბრატისლავას სოფიას და სკოპიეს საერთაშორისო აეროპორტები – 2018 წლის აღმოსავლეთ ევროპის 10 საუკეთესო აეროპორტად დასახელდნენ.

Skytrax გავლენიანი ბრიტანული საკონსულტაციო კომპანიაა, რომელიც 1999 წლიდან მსოფლიოს აეროპორტებსა და ავიაკომპანიებში მომსახურების ხარისხს იკვლევს და აფასებს. World Airport Awards“-ი მსოფლიოს 106 სხვადასხვა ეროვნების, 13 მილიონზე მეტი მგზავრის მიერ 550 აეროპორტის შეფასებას ეფუძნება. გამოკითხვის ფარგლებში მგზავრები აეროპორტის სერვისს აფასებენ.

ვრცლად ნახვა
Wizz Air-ი ქუთაისიდან 6 ახალ მიმართულებას ამატებს

Wizz Air-ი ქუთაისის აეროპორტიდან 6 ახალ მიმართულებას ამატებს.

პირველი რეისი რიგის მიმართულებით რამდენიმე დღის წინ შესრულდა. როგორც კომპანიაში განმარტავენ, მომავალში Wizz Air-ი ქუთაისის ბაზაზე კიდევ 6 ახალ მიმართულებას და ერთ ეარბასის ტიპის თვითმფრინავს ამატებს.

ავიაკომპანია რიგის (ლატვია) მიმართულებით ფრენას კვირაში ორჯერ, ოთხშაბათსა და კვირას განახორციელებს. ბილეთების ფასი 114,99 ლარიდან იწყება.

imedinews.ge

ვრცლად ნახვა
საქართველოს მოქალაქეებს უვიზოდ კიდევ ერთ ქვეყანაში შეუძლიათ გამგზავრება

იმ ქვეყნების ჩამონათვალს, სადაც საქართველოს მოქალაქეებს უზივოდ გამგზავრება შეუძლიათ, კიდევ ერთი სახელმწიფო შეემატა. სურვილის შემთხვევაში, საქართველოს მოქალაქეებს უვიზოდ ალბანეთში გამგზავრება უკვე შეუძლიათ. საგარეო საქმეთა სამინისტროს მიერ მოწოდებული ინფორმაციის თანახმად, აღმოსავლეთ ევროპის ამ ქვეყანასთან უვიზო რეჟიმი 28 თებერვალს ამოქმედდა. ინფორმაცია საგარეო საქმეთა სამინისტროს ოფიციალურ გვერდზე უკვე განახლდა.

უწყების ინფორმაციით, საქართველოს მოქალაქე, რომელიც ალბანეთის რესპუბლიკაში მიემგზავრება, შეუძლია, ვიზის გარეშე შევიდეს და დარჩეს ალბანეთის რესპუბლიკის ტერიტორიაზე 90 დღე ნებისმიერი 180 დღის განმავლობაში. ამისთვის მას მხოლოდ პასპორტი დასჭირდება. 

ალბანეთის რესპუბლიკის საგარეო საქმეთა სამინისტროს ოფიციალურ ვებ-გვერდზე ნათქვამია, რომ საუდის არაბეთის, ბელარუსის, საქართველოს, კატარის, ომანისა და

რუსეთის მოქალაქეებს ალბანეთის რესპუბლიკაში C კატეგორიის ვიზის გარეშე შესვლა შეუძლიათ, რომელიც ქვეყანაში მოკლევადიან (3 თვე) ყოფნას ითვალისწინებს და ძირითადად ტურისტული დანიშნულება აქვს.

allnews.ge

ვრცლად ნახვა
რაჭას ეროვნული პარკი და რამდენიმე ბუნების ძეგლი ექნება

2019 წლისთვის რაჭაში სხვადასხვა კატეგორიის რამდენიმე დაცული ტერიტორია შეიქმნება. ამის შესახებ  დაცული ტერიტორიების სააგენტოს თავმჯდომარემ დავით მარკოზაშვილმა განაცხადა. 
მისივე თქმით, ტერიტორიების შესწავლა აქტიურად მიმდინარეობს, შემოდგომაზე კი კანონპროექტი უკვე პარლამენტს წარედგინება. 

„რაჭას აუცილებლად ექნება ეროვნული პარკი და რამდენიმე ბუნების ძეგლი. სტატუსი დაცულ ტერიტორიებს სავარაუდოდ, 2018 წლის ბოლოს ან 2019 წლის დასაწყისში მიენიჭება. ახლა აქტიური სამუშაოები მიმდინარეობს, შემოდგომაზე კი კანონპროექტი პარლამენტს წარედგინება“, - განუცხადა „ბიზნესპრესნიუსს“ დავით მარკოზაშვილმა. 

მისივე თქმით, დაცული ტერიტორია დაიწყება ონის რაიონიდან და დასრულდება ამბროლაურის რაიონში. კითხვაზე, თუ რა ფართობზე იქნება დაცული ტერიტორია და რა იქნება მისი ბიუჯეტი, მარკოზაშვილი განმარტავს,რომ ამას ბუნების დაცვის მსოფლიო ფონდის (WWF) კავკასიის წარმომადგენლობის მიერ დაფინანსებული კვლევა აჩვენებს. მისი ინფორმაციით, სად რომელი სტატუსი შეიქმნება, ეს დამოკიდებული იქნება ფონური კვლევების დასკვნის შემდეგ. კვლევები გერმანიის მთავრობის მიერ გამოყოფილი გრანტით ფინანსდება და მისი ბიუჯეტი 1.5 მილიონ ევროს აღემატება.

პროექტის საბოლოო მიზანი დაცული ტერიტორიების იურიდიული დაარსებაა. დაცული ტერიტორიები შექმნისთანავე სამართავად დაცული ტერიტორიების სააგენტოს გადაეცემა.

ამჟამად საქართველოში 88 სხვადასხვა კატეგორიის დაცული ტერიტორიაა: 14 სახელმწიფო ნაკრძალი, 11 ეროვნული პარკი, 42 ბუნების ძეგლი, 19 აღკვეთილი და 2 დაცული ლანდშაფტი. დაცული ტერიტორიებისსაერთო ფართობი 600 597 ჰექტარია, რაც ქვეყნის ტერიტორიის 8 პროცენტია.

bpn.ge

 

ვრცლად ნახვა
TripAdvisor-მა 2018 წლის საუკეთესო ტურისტული მიმართულებები დაასახელა

ამერიკულმა სამოგზაურო ვებგვერდმა, რომელიც მოიცავს ინფორმაციას სასტუმროების, რესტორნების და მსოფლიოს სხვადასხვა მიმართულებების შესახებ, 2018 წლის საუკეთესო ტურისტული მიმართულებები დაასახელა. როგორც აქამდე აღგვინიშნავს "ტრიპადვაისორი" თავის ოფიციალურ ვებ.გვერდზე ატარებს კვლევებს და გამოკითხვებს მოგზაურებსა და თავგადასავლების მოყვარულებში, სწორედ ერთ-ერთმა ასეთმა კვლევამ გამოავლინა 2018 წლის ყველაზე სასურველი მიმართულებები, მაშ ასე:

1.პარიზი, საფრანგეთი 

სასტუმროს დღიური ხარჯი - 231 დოლარი
ყველაზე იაფი თვე - აგვისტო (8%-იანი შეღავათი)

2.ლონდონი, დიდი ბრიტანეთი

სასტუმროს დღიური ხარჯი - 266 დოლარი
ყველაზე იაფი თვე - აპრილი (4%-იანი შეღავათი)

3.რომი, იტალია

სასტუმროს დღიური ხარჯი - 190 დოლარი
ყველაზე იაფი თვე - აგვისტო (8%-იანი შეღავათი)

4.ბალი, ინდონეზია 

სასტუმროს დღიური ხარჯი - 155 დოლარი
ყველაზე იაფი თვე - აპრილი (8%-იანი შეღავათი)

5. კრეტა, საბერძნეთი

სასტუმროს დღიური ხარჯი - 169 დოლარი
ყველაზე იაფი თვე - ოქტომბერი (36%-იანი შეღავათი)

6.ბარსელონა, ესპანეთი 

სასტუმროს დღიური ხარჯი - 231 დოლარი
ყველაზე იაფი თვე - ნოემბერი (15%-იანი შეღავათი)

7. პრაღა, ჩეხეთი 

სასტუმროს დღიური ხარჯი - 147 დოლარი
ყველაზე იაფი თვე - ნოემბერი (12%-იანი შეღავათი)

8. მარაქეში, მაროკო

სასტუმროს დღიური ხარჯი - 175 დოლარი
ყველაზე იაფი თვე - ივნისი (9%-იანი შეღავათი)

9.სტამბოლი, თურქეთი

სასტუმროს დღიური ხარჯი - 109 დოლარი
ყველაზე იაფი თვე - მაისი (9%-იანი შეღავათი)

10. ნიუ-იორკი, ამერიკა

სასტუმროს დღიური ხარჯი - 406 დოლარი
ყველაზე იაფი თვე - აგვისტო (4%-იანი შეღავათი)
 

ვრცლად ნახვა
10 ყველაზე ბედნიერი ქვეყანა მსოფლიოში

 გაერო აქვეყნებს ბენდიერების მსოფლიო რეიტინგს  (World Happiness Report),სადაც ქვეყნები რანგირებულია მოქალაქეთა კეთილდღეობის დონის მიხედვით.

კვლევის დროს შესწავლილია ისეთი კრიტერიუმები, როგორიცაა მშპ, სიცოცხლის ხანგძლივობა, ადამიანის უფლებების დაცვის დონე, დასაქმების გარანტიები, კორუფციის დონე, საზოგადოებრივი აზრის გამოკითხვის შედეგები. 

მაშ ასე, 10 ყველაზე ბენდიერი ქვეყანის სია ასე გამოიყურება :

 

1.ფინეთი

დიდი ხნის მანძილზე ფინეთის უპირატესობა იყო და რჩება პოლიტიკური სტაბილურობა, ეკონომიკის ღიაობა, კაგრად განვითარებული ინფრასტრუქტურა და ასევე ბიზნესის მაღალი დონის ურთიერთქმედება სამეცნიერო ცენტრებთან და უნივერსიტეტებთან. ამის გარდა,  ფინეთის კონკურენტუნარიანობას ხელს უწყობს ისეთი ფაქტორები, როგორიცაა ტექნოლოგიების სწრაფი ათვისება, მოსახლეობის განათლების მაღალი დონე, კარგი ბიზნეს-კლიმატი.

 

2.ნორვეგია

ჩრდილოეთ ევროპაში ნავთობის და გაზის უმსხვილესი მწარმოებელი, ნორვეგია მუდმივად შედის საცხოვრებლად საუკეთესო ქვეყანების სიაში. სანავთობო ფონდებში აკუმულირებული თანხენი ხმარდება მომავალი თაობების განვითარებას.  ქვეყანა გამოირჩევა დაბალი ინფლაციით (3%) და ასევე უმუშევრობის დაბალი მაჩვენებლით - 3%.

 

3. დანია

ყველაზე სამხრეთული ქვეყანა სკანდინავიაში. მაღალგანვითარებული აგრარულ-ინდუსტრიული სახელმწიფო.

 

4. ისლანდია

ქვეყნის მთავრობა ახორციელებს ალუმინის ქარხნების მშენებლობის  მასშტაბურ პროგრამას. ისლანდიაში ასევე აქტიურად ვითარდება ბიოტექოლოგიები, საბანკო სექტორი, საინფორმაციო ტექნოლოგიები და ტურიზემი. დასაქმების სტრუქტურით ისლანდია გამოიყურება როგორც განვითარებული ინდუსტრიული ქვეყანა. ბოლო წლებში ხდება  ეკონომიკის დივერსიფიცირება იაფი განახლებადი ენერგიის საფუძველზე.

 

5. შვეიცარია

მსოფლიოს ერთ-ერთი ყველაზე განვითარებული და მდიდარი ქვეყანა, ძლიერი ინდუსტრიით, სოფლის მეურნებოთ და თითქმის ყოველგვარი ბუნებრივი რესურსების გარეშე. შედის მსოფლიოს 10 ყველაზე კონკურენტუნარიანი ქვეყნების სიაში. ასევე მუდმივად ხდება ყველაზე მაღალი ცხოვრების დონის მქონე სახელმწიფოთა რიცხვში.

 

6. ჰოლანდია

ქვეყნის ეკონომიკას გააჩნია კარგი რეპუტაცია ცნობილი კომპანიების და კონცერნების გამო - ისეთების, როგორიცაა Philips.ცხოვრების დონე ჰოლანდიაში ძალიან მაღალია, ამიტომაც ის მუდმივად იკავებს მოწინავე პოზიციებს ყველა საერთაშორისო რეიტინგში.

 

7. კანადა

ერთ-ერთი ყველაზე მდიდარი ქვეყანა მსოფლიოში, დიდი შვიდეულის წევრი. Heritage Foundation-ის შეფასებით,  ეკონომიკური თავისუფლების დონე კანადაში უფრო დაბალია ვიდრე აშშ-ში, თუმცა ევროპის ქვეყნების უმრავლესობასათან შედარებით - საკმაოდ მაღალია. ეკონომიკური ინტეგრაცია შტატებთან საგრძნობლად გაიზარდა მე-2 მსოფლიო ომის შედმეგ.

 

8. ახალი ზელანდია

განვითარებული ქვეყანა, რომლის ეკონომიკის საფუძველია სოფლის მეურნეობა, გადამამუშავებელი მრეწველობა და ტურიზმი. წარმოება ძირითადად ორიენტირებულია ექსპორტზე - უმსხვილესი სავაჭრო პარტნიორებია აშშ, იაპონია და ჩინეთი. ახალი ზელანდია იღებს მაღალ შეფასებებს სხვადასხვა საერთაშორისო რეიტინგში - ცხოვრებვის დონით, ბიზნესის წამოების სიმარტივით და ა.შ.

 

9. შვედეთი

ქვეყნის მოსახლეობა შეადგენს 10 მლნ. ადამიანს, თუმცა, ამის მიუხედავად, შვედეთში შეიქმნა და ფუნქციონირებს 50 გლობალური კომპანია - მაგალითად, Volvo, Saab, IKEA, Bang and Olfsen და ა.შ. ქვეყანაში ძალიან მაღალია ინოვაციების დონე, ინფრასტურქტურა ძალიან მაღალგანვითარებული და თანამედროვეა, ასევე შვედეთი გამოირჩევა კვალიფიცირებული კადრებით.

 

10. ავსტრალია

მსოფლიოს მე-13 ეკონომიკა, იკავებს მე-6 ადგილს მსოფლიოში ერთ სულ მოსახლეზე მშპ-ს მიხედვით. ქვეყანა იკავებს მე-2 ადგილს მსოფლიოში ადამიანური პოტენციალის განვითარების ინდექსში და ლიდერობს მრავალ სფეროში. მაგალითად, ცხოვრების ხარისხი, ჯანდაცვა, განათლება, ეკონომიკური თავისუფლება, ადამიანის უფლებები.

commersant

ვრცლად ნახვა
17 საათიანი უწყვეტი ფრენის შემდეგ თვითმფრინავი ლონდონში დაეშვა

17 საათიანი უწყვეტი ფრენის შემდეგ ავსტრალიიდან ლონდონში პირველი, ყველაზე ხანგრძლივი რეისი უსაფრთოდ დაეშვა. ამის შესახებ BBC წერს.

Qantas ავიახაზების თვითმფრინავმა მსოფლიოში ერთ-ერთი ყველაზე ხანგრძლივი ფრენა შეასრულა. პირველი ასეთი რეისი ჰითროუს აეროპორტში დაეშვა. 

თვითმფრინავმა სტარტი ავსტრალიის ქალაქ პერსიდან, ადგილობრივი დროით 19:00 საათზე, 24 მარტს აიღო და 25 მარტს დილის 5 საათზე ლონდონში დაეშვა. 

რეისზე 16 ბორტგამცილებელი და 200-ზე მეტი მგზავრი იყო. თვითმფრნავმა 14 498 კილომეტრი ბოინგ 787-9-ით დაფარა.

ვრცლად ნახვა
ყველაზე აქტუალური მიმართულებები-თურქეთი

ცხელი სეზონის კიდევ ერთი სასურველი მიმართულება თურქეთი და მისი კურორტებია. ჩვენი მოსახლეობის ინტერესი თურქეთის მიმართ განაპირობა ქვეყნის ადგიმდებარეობამ, მისაღებმა ფასებმა, კომპფორტულმა კურორტებმა და კლიმატმა.

თურქეთის რესპუბლიკა მდებარეობს დასავლეთ აზიაში, ანატოლიის ნახევარკუნძულზე და სამხრეთ-აღმოსავლეთ ევროპის ბალკანეთის რეგიონში, კერძოდ თრაკიაში. თურქეთს ესაზღვრება რვა ქვეყანა: ბულგარეთი, საბერძნეთი, საქართველო, სომხეთი, აზერბაიჯანი (ნახიჩევანი), ირანი, ერაყი და სირია. სამხრეთით თურქეთს ესაზღვრება ხმელთაშუა ზღვა, დასავლეთით ეგეოსის ზღვა, ხოლო ჩრდილოეთით შავი ზღვა. ანატოლიას თრაკესგან აშორებს მარმარილოს ზღვა და თურქეთის სრუტეები (ბოსფორი და დარდანელი), რომლებსაც აზიასა და ევროპას შორის საზღვრად მიიჩნევენ, რის გამოც თურქეთი ტრანსკონტინენტური ქვეყანაა.

ხმელთაშუა ზღვის გასწვრივ სანაპირო რეგიონს ზომიერი ხმელთაშუა კლიმატი ახასიათებს, ცხელი, მშრალი ზაფხულითა და ნესტიანი, გრილი ზამთრით.]

თურქეთში კარგად არის განვითარებული ტურისტული სერვისი. ეს არის გამოწვეული ზღვისპირა კურორტებით, ასევე სხვადასხვა ატრაქციონებით.

 

ტურისტული მიმართულებებიდან აღსანიშნავია:

სტამბოლი- თურქეთის უდიდესი და ხალხმრავალი ქალაქია. ქვეყნის ეკონომიკური, კულტურული და ისტორიული ცენტრი. ის  მდებარეობს ბოსფორის სრუტის გასწვრივ მარმარილოსა და შავი ზღვის სანაპიროზე. ქალაქის ევროპის კულტურულ დედაქალაქად გამოცხადების შემდეგ სტამბოლს  მილიონობით უცხოელი ტურისტი სტუმრობს, ის  მსოფლიოს მეხუთე ყველაზე პოპულარულ ტურისტული მიმართულებაა. ქალაქის უდიდესი ღირშესანიშნოებას წარმოადგენს მისი ისტორიული ცენტრი, ნაწილობრივ იუნესკოს მსოფლიო მემკვიდრეობის ძეგლთა სიაშია შეტანილი, ხოლო ქალაქის კულტურული და გასართობი ნაწილი მდებარეობს ბუნებრივი ნავსადგურის, ოქროს რქის  მეორე ნაპირზე, ბეიოღლუს რაიონში.

 

ანტალია- თურქეთის სამხრეთ-დასავლეთით ულამაზეს ხმელთაშუა ზღვისპირეთის სანაპიროზე მდებარეობს. უნიკალური სილამაზით, ისტორიით, კულტურით და არქეოლოგიური სანახაობებით, ანტალია გთავაზობთ საუკეთესო მოგზაურობას და შთაბეჭდილებებს. კურორტი მდებარეობს ხმელთაშუა ზღვის სანაპიროზე თურქეთის სამრეთ-დასავლეთით, ტაურუსის მთებსა და ხმელთაშუა ზღვას შორის. ანტალია წარმოადგენს თურქეთის ტურიზმის ინდუსტრიის ცენტრს, და იზიდავს უცხოელი ტურისტების 30%-ს რომლებიც თურქეთს სტუმრობენ. ანტალიის პროვინცია მდებარეობს უძველესი პამფილიის მიწების აღმოსავლეთით და ლიციის დასავლეთით. მისი სანაპირო ზოლი 657 კმ-ს (408 მილი) შეადგენს პლაჟებით, პორტით, და უძველესი ქალაქებით, მათ შორის მსოფლიო მემკვიდრეობის ძეგლი ხანტროსი.

 

ბოდრუმი- თურქეთის ერთ-ერთი ყველაზე პოპულარული კურორტია. ის მდებარეობს მუღლის პროვინციაში, ანტალიიდან დაახლოებით 300 კმ-ის დაშორებით. ბოდრუმი ითვლება ეგეოსის ზღვის სანაპიროზე ყველაზე ლამაზ ქალაქად და ტურიზმისა და დასვენების პოპულარულ ცენტრად. ეგეოსის და ხმელთაშუა ზღვის შესაყარზე მდებარე თურქეთის ეს მოდური კურორტი დიდი ხანია უკვე კარგადაა ცნობილი ევროპელებისთვის. ბოდრუმს უწოდებენ თურქეთის „ლაჟვარდოვანი სანაპიროს“ დედაქალაქს. ბოდრუმი ცნობილია, როგორც თავისი ღირსშესანიშნაობებით: ჰელიკარნასის მავზოლეუმი, რომელიც შედის მსოფლიოს შვიდ საოცრებათა სიაში, წმ. პეტრეს ციხესიმაგრე, ამფითეატრი და მრავალი სხვა ანტიკური ძეგლი, რომელთა სანახავად დედამიწის სხვადასხვა კუთხიდან აქ ჩამოდიან უამრავი ტურისტი, ასევე ცნობილია  ულამაზესი სანაპიროებით, ფირუზისფერი წყლით, ულამაზესი არქიტექტურით და მომსახურების მაღალი დონით. უძველესი ძეგლების, თანამედროვეობის და ულამაზესი ბუნების  კომპოზიციური შერწყმა   ბოდრუმს აქცევს საუკეთესო დასასვენებელ ადგილად. ბოდრუმი ყოველთვის უამრავ ტურისტს იზიდავს.  ზღვაში საბანაოდ კარგი პერიოდია  აპრილის თვიდან ოქტომბრამდე. მყუდრო და ულამაზეს ყურეებში ყველაფერია თავმოყრილი რაც კი შესაძლებელია მოისურვოთ  ზღვაზე აქტიური დასვენებისთვის: სერფინგი,  დაივინგი, წყლის თხილამურები, იახტა და სხვა მრავალი აქტივობა. კურორტზე უამრავი კეთილმოწყობილი და მაღალი დონის რესტორანი, კაფე და ბარია.  საინტერესო ექსკურსიები კი თქვენს დასვენებას შემატებენ  განსხვავებულ, შემეცნებით ღირებულებას.

 

კუშადასი- საკურორტო ქალაქი დასავლეთ თურქეთში, ეგეოსის ზღვის სანაპიროზე, მდებარეობს თურქეთის ზღვისპირა რაიონის ცენტრში და შედის აიდინის პროვინციის შემადგენლობაში. ქალაქ აიდინის შემდეგ, ყველაზე დიდი და მნიშვნელოვანი ქალაქია საკუთარ პროვინციაში. მას ზაფხულის განმავლობაში ჰყავს უამრავი ტურისტი და არის ერთ-ერთი უდიდესი ქალაქი თურქეთში ტურისტების რაოდენობის მიხედვით. ესაზღვრება მუღლასა და იზმირის პროვინციებს. კუშადასი ერთ-ერთი ყველაზე მიმზიდველი ქალაქია ეგეოსის ზღვის სანაპიროზე.  კურორტზე  ყველაფერია იმისთვის, რომ თქვენი დასვენება და მოგზაურობა იდეალურად წარიმართოს. აქ არის ტიპური ხმელთაშუა ზღვის კლიმატი, ცხელი ზაფხულითა და ზომიერად თბილი ზამთრით, რაც უზრუნველყოფს ხანგრძლივ საზღვაო ტურისტულ სეზონს. ქვიშიანი სანაპიროები, თბილი და ფირუზისფერი ზღვის წყალი,  მრავალფეროვანი გასართობი საშუალებები, როგორებიცაა: წყლის თხილამურები, ნაოსნობა, სერფინგი, დაივინგი, პლაჟის ხელბურთი-ეს ის უპირატესობებია, რომლებიც კუშადასს ტურისტულად მიმზიდველ რეგიონად წაროაჩენს. შეგიძლიათ ისიამოვნოთ იახტებითა და გემებით, პანორამული ხედებითა და მზის ჩასვლის დაუვიწყარი სანახაობით.  რესტორნებსა და ღია კაფეებში კი ადგილობრივი კერძების დაგემოვნებას შეძლებთ.

 

მარმარისი- არის ულამაზესი ქალაქი დასავლეთ თურქეთში, მუღლის პროვინციაში, მდებარეობს ხმელთაშუა ზღვის სანაპიროზე და არის ერთ-ერთი უდიდესი შემოსავლის წყარო თურქეთში ტურიზმის მიხედვით. მარმარისს აქვს ძალიან კარგი მდებარეობა, იგი არის ყველაზე მნიშვნელოვანი და დიდი ქალაქი საკუთარ პროვინციაში, ადმინისტრაციულ ცენტრ ქალაქ მუღლასა და ბოდრუმის შემდეგ. კურორტი მარმარისი მდებარეობს ულამაზეს ყურეში, სადაც ერთმანეთს ერწმის  ხმეთაშუა და ეგეოსის ზღვები. ის ითვლება თურქეთის ერთ-ერთ ყველაზე პრესტიჟულ და ელიტარულ კურორტად. საკმაოდ თბილი და სასიამოვნო კლიმატით. მარმარისის დევიზია  „ყველაფერი ტურისტებისთვის“.  ის გამორჩეულია ულამაზესი ბუნებით–მთიანი ლადშაფტი, ფიჭვნარი, აკაციის ხეები და რაც მთავარია ქვიშიანი, კეთილმოწყობილი სანაპირო ზოლი.  მარმარისს სანაპირო ზოლი თურქეთის კურორტებს შორის ყველაზე გრძელია. სანაპიროსთან ახლოს განლაგებულია კაფეები, ბარები, კლუბები.  თითოეული რესტორნიდან და კაფედან ულამაზესი პეიზაჟი იშლება. უამრავი იახტა და საექსკურსიო მცირე ზომის გემები მარმარისში დამსვენებლებს სთავაზობს დაუვიწყარ ვოიაჟს. აქ შეგიძლიათ დაკავდეთ სხვადასხვა აქტოვობით-დაივინგი, სერფინგი, ნაოსნობა და სხვ.

ვრცლად ნახვა
ავიაკომპანია "ატლასგლობალი" 27 აპრილიდან ფრენებს წყვეტს

ავიაკომპანია "ატლასგლობალი" 27 აპრილიდან გარკვეული დროით, ფრენებს წყვეტს. შეწყვეტის მიზეზი და ხანგრძლივობა ჯერ-ჯერობით არ არის ცნობილი. 

შეგახსენებთ, რომ "ატლასგლობალი" თურქული ავიაკომპანიაა, რომელიც ფრენებს 58 მიმართულებით ასრულებს.

ვრცლად ნახვა
„CNN“– მა საუკეთესო აერეპორტების ათეული შეადგინა

ცნობილი ამერიკული კომპანია CNN-ი დაინტერესდა მსოფლიოს ყველაზე კომფორტული, პუნქტუალური და მოწესრიგებული აეროპორტებით:

პირველი ადგილი-პირველობას არ თმობს ჩანგი – სინგაპურის აეროპორტი.

მეორე ადგილი- ტოკიოს ჰანედის აეროპორტმა დაიკავა. აეროპორტმა ასეთი პატივი განსაკუთრებული სისუფთავისთვის დაიმსახურა.

მესამე ადგილი – მას სამხრეთ კორეა და სეულის ინჩხონის აეროპორტი ფლობს. სეული საუკეთესო განსაკუთრებულად გემრიელი სამზარეულოს გამო გახდა.

მეოთხე ადგილი – მიუნხენის აეროპორტი საუკეთესო კომფორტისა და წესრიგისთვის გახდა.

მეხუთე ადგილი- ჰონგ-კონგმა და დოჰამ კი ეს წოდება საუკეთესო პერსონალისთვის დაიმსახურეს.

აღსანიშნავია, რომ საუკეთესოთა სიაში ასევე – ნაგოიას(იაპონია), ციურიხის (შვეიცარია), ფრანკფურტის (გერმანია)  და ლონდონის ჰითროუს აეროპორტებიც მოხვდნენ.

ვრცლად ნახვა
მეცხრე სიმფონია-ანუ მოგზაურობა ვენაში

ვენა ავსტრიის დედაქალაქია 1,6 მილიონი მცხოვრებით. ვენის ფართობი შეადგენს 414,89 კმ²–ს.  ის ქვეყნის უდიდესი ქალაქი და ამავდროულად მისი ეკონომიკური და პოლიტიკური ცენტრია. ქალაქი მდინარე დუნაის ორივე სანაპიროზეა გადაჭიმული. ვენა ცენტრალური ევროპის სამხრეთ-აღმოსავლეთ კუთხეში მდებარეობს და ძალიან ახლოსაა ჩეხეთთან, სლოვაკეთთან და უნგრეთთან.

 

ვენა ევროპის ერთ-ერთი ყველაზე დახვეწილი ქალაქია და საკუთარი ხანგრძლივი და მდიდარი ისტორიით დამსახურებულად უჭირავს დასავლეთის ცივილიზაციასა და მსოფლიო კულტურაში განსაკუთრებული ადგილი. ვენის განვითარებას ევროპის უდიდეს და უმნიშვნელოვანეს ქალაქებს შორის ხელი შეუწყო მისმა მოსახერხებელმა გეოგრაფიულმა მდებარეობამაც. ქალაქი მდებარეობს ალპების ჩრდილო–აღმოსავლეთ მთისწინეთსა და ვენის ქვაბულს შორის.

 

როგორც აღვნიშნე ვენა მსოფლიოს ერთ–ერთი ყველაზე დახვეწილი, გემოვნებიანი და კულტურული ქალაქია. მდიდარი ისტორიითა და უამრავი ღირშესანიშნაობით, უნიკალური, განსაკუთრებული მახასიათებლებით და თავისებურებით. ვენაში ყველა ტიპის ადამიანი მოახერხებს ჩაებღაუჭოს ისეთ რამეს, რაც მას  ამ ქალაქში ხელმეორედ დააბრუნებს.

 

ერთ დროს რომაელი ლეგიონერების, ბარბაროსებისა და მონღოლთა ურდოების მნახველი ვენა, მოგვიანებით ვალსის, მოცარტის, ბეთჰოვენის, შუბერტის, და კლიმტის სამშობლოდ იქცა. გალერეები, მუზეუმები, დახვეწილი პარკები, დიდებული ტაძრები, მდიდრული რეზიდენციები, საოპერო და თეატრის დარბაზები, სასახლეები-ეს ვენის, როგორც კულტურის ერთ-ერთი კერის სავიზიტო ბარათი და ღირსებაა.

 

ვენა ტურისტული თვალსაზრისით ერთ-ერთი საინტერესო და მიმზიდველი ქალაქია, გასაკვირი არცაა, რადგან ის ყველა გემოვნების, სქესის და ასაკის ადამიანის სურვილებს აკმაყოფილებს.

 

ვენის ღირშესანიშნაობები, რაც დღეს ამ ქალაქში უამრავ ტურისტს იზიდავს არის – 100 მუზეუმი, 27 ციხე–სიმაგრე და დაახლოებით 150 სასახლე.

 

წმინდა სტეფანეს ტაძარი – ქალაქისა და მთელი ავსტრიის სიმბოლო ეს ნაგებობაც ჰაბსბურგების ეპოქას ეკუთვნის, ის  მე-12 საუკუნეში ააგეს. აქ სამი ორღანია, ყველაზე დიდს 10 ათასი საყვირი აქვს.

 

წმინდა კარლოსის ეკლესია- სრულიად უჩვეულო არქიტექტურა აქვს კარლსრიხის ეკლესიას, იგივე წმინდა კარლოსის ეკლესიას, რომელიც შავი ჭირისგან დამცველად მიიჩნეოდა. ის XVIII საუკუნეს ეკუთვნის. ეკლესია წარმოადგენს სხვადასხვა სტილებისა და ეპოქების არასტანდარტულ ნარევს: ძველბერძნული პორტიკიდან და ძველრომაული თაღებიდან მასიურ გუმბათებამდე.

 

ვენის ოპერა – მსოფლიოს გამორჩეული თეატრი. რეკორდსმენია სამუშაო დღეების მიხედვით (285 დღე წელიწადში). ყოველწლიურად თეატრის კედლებში ტრადიციული მეჯლისები იმართება.

 

ავსტრიის პარლამენტის შენობია- 1874–1883 წლებში ვენა კიდევ ერთი შედევრით – ავსტრიის პარლამენტის შენობით დამშვენდა, რომლის წინ ცოტა მოგვიანებით ათენა პალადას დახვეწილი სკულპტურა დაიდგა.

 

ხოფბურგი – ჰაბსბურგების საიმპერატორო ოჯახის ერთ-ერთი რეზიდენცია, ამჟამად პრეზიდენტის სასახლე. აქ 2600 ოთახია: უამრავი ბიბლიოთეკა, ღვინის სარდაფი და სამეჯლისო დარბაზები.

 

ბელვედერი – ბაროკოს სტილის სასახლე კომპლექსი, რომელიც XVIII საუკუნეშია აგებული. აქ თქვენ შეგიძლიათ იხილოთ კლიმტის ცნობილი „კოცნა“.

 

შონბრუნი – ჰაბსბურგების კიდევ ერთი რეზიდენცია. უმსხვილესი ანსამბლი ავსტრიული ბაროკოს სტილშია. სასახლის ეზოშია მსოფლიოში უძველესი ზოოპარკი, რომელიც 1752 წლით თარიღდება. „შონბურნი“ გარშემორტყმულია ბაროკოს სტილის ბაღებით და მთელი ამ ტერიტორიის დათვალიერებას ნახევარ საათში მოასწრებთ ღია მატარებლით, რომელიც ტურისტულად მიმზიდველ ადგილებში ჩერდება.

 

ვენის რატუშა – ქალაქის კიდევ ერთი სიმბოლო. ნეოგოთიკური სტილის შენობა რინგშტრასეზე აღებული ქალაქის კედლის ადგილზეა აშენებული.

 

თანამედროვე ვენის ღირშესანიშნაობების სიაშია ძალიან მნიშვნელოვანი ნაგებობა – სამუზეუმო კვარტალი – ერთ-ერთი უმსხვილესი სამუზეუმო კომპლექსი. ეს არაა მთლად ახალი მშენებლობა – სამუზეუმო კვარტლის საფუძველი ყოფილი საიმპერატორო საჯინიბოებია, რომლებმაც XXI საუკუნეში ახალი სიცოცხლე შეიძინა და ხელოვნების ტაძრად იქცა.

 

უბრალოდ ისეირნეთ ქალაქის დახვეწილ ქუჩებში, უსმინეთ ბეთჰოვენს და მოცარტს. ღია კაფეებში დააგემოვნეთ ნამდვილი ვენური ტორტი და ყავა. პაბებში მიირთვით ხბოს შნიცელი და ცნობილი ვენური ძეხვეული. საღამოს კი ქალაქის ულამაზესი პეიზაჟების ფონზე დააგემოვნეთ ერთი "ბოკალი" ღვინო.

ვრცლად ნახვა
გუდაურში საბაგირო მწყობრიდან გამოვიდა - არიან დაშავებულები

გუდაურში საბაგიროს ავარიულად გაჩერების გამო, 10 ადამიანი დაშავდა. როგორც  ჯანდაცვის სამინისტროში განაცხადეს, ათივე დაშავებულს გაეწია სამედიცინო დახმარება. 
ადგილზე მუშაობდა სასწარაფო სამედიცინო დახმარების სამი ეკიპაჟი. პირველადი დახმარების გაწევის შემდეგ, ეკიპაჟებმა დაშავებული მოქალაქეები გუდაურის ამბულატორიაში გადაიყვანეს. 
ასევე თბილისიდან გაგზავნილია რეანომობილები, რომელიც საჭიროების შემთხვევაში პაციენტებს თბილისში გადმოიყვანს. მათ საშუალო სიმძიმის დაზიანებები აღენიშნებათ.

ვრცლად ნახვა