ექსტრემალური ტურიზმის განვითარების მიზნით  საქართველოში მღვიმეებისა და კანიონების  შესწავლა მიმდინარეობს. 

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით დასავლეთ საქართველოს  ამერიკის შეერთებული შტატებებიდან წყალქვეშამღვიმეებში ყვინთვის სპეციალისტიები ეწვივნენ.  ჯგუფის წევრები ერთი კვირის განმავლობაში წყალტუბოს, მარტვილის, წალენჯიხისა და ჩხოროწყუს მუნიციპალიტეტებში ტურისტულად აუთვისებელ  სპელეოლოგიურ  რესურსებს გამოიკვლევენ,  ადგილობრივ სპეციალისტებს კი ტრენინგს ჩაუტარებენ და სპეციალურ აღჭურვილობას გადასცემენ, რომლითაც ტურისტებს მოემსახურებიან.  

მიმდინარე ექსპედიციის და საქართველოს ექსტრემალური ტურისტული პოტენციალის შესახებ  ჟურნალები:  National Geographic, Underwater Speleology, და Quest სტატიებს და ბლოგებს მოამზადებენ.    წყალტუბოში ამერიკელ სპეციალისტებს ტურიზმის ეროვნული ადმინისტრაციის ხელმძღვანელი გიორგი ჩოგოვაძე შეხვდა, მათ სამუშაოებს გაეცნო და ექსპედიციაში მიიღო მონაწილეობა.

2017 წელს 108%-ით გაიზარდა მგზავრთნაკადი შიდა ფრენებზე, - ამის შესახებ  "საქართველოს აეროპორტების გაერთიანების" ხელმძღვანელმა ქეთევან ალექსიძემ განაცხადა. 

"2017 წელს დაახლოებით 108%-ით გაიზარდა მგზავრთნაკადი შიდა ფრენებზე. ერთ-ერთი ახალი კომპონენტი ამბროლაურის აეროპორტია, რომელიც საკმაოდ წარმატებით მუშაობს და მნიშვნელოვნად ახალი სიტყვა თქვა რაჭის განვითარებაში. მოთხოვნა ძალიან დიდია, როგორც ზაფხულში, ასევე ზამთარშიც. წელიწადის ნებისმიერ დროს საკმაოდ დიდი მოთხოვნაა. იყო შემთხვევები, როდესაც კვრაში 9-10 რეისიც კი გვქონია, მაგალითად, მესტიის მიმართულებით. ჩვენ კონკრეტული გრაფიკი გვაქვს, რომლითაც ვახორციელებთ ფრენებს. ბევრი რეისი გვაქვს ამბროლაურის, ქუთაისისა და მესტიის მიმართულებით და ამ მხრივ, ფრენები საკმაოდ დატვირთულია. როგორც მოთხოვნა ჩნდება და ჩვენ მას ვერ ვაკმაყოფილებთ, მაშინვე ვამატებთ ფრენებს",- აღნიშნა ქეთი ალექსიძემ. 

წყარო: bm.ge

საქართველოს მუნიციპალური განვითარების ფონდი ურეკში ბულვარის და სანაპიროს განახლებას გეგმავს. ურბანულ დაგეგმარებასა და ლანდშაფტურ დიზაინზე ტენდერი გამოცხადდა, რომლის საერთო ღირებულება 212 ათასი ლარია. 

პროექტის ფარგლებში ბულვარის პარალელურად სანაპიროს პირველი და მეორე ზოლის ქუჩების რეკონსტრუქციაც მოხდება. მოეწყობა ასევე ტროტუარები, გადასასვლელები, სანაპიროზე ჩასასვლელი საფეხმავლო გზები და ორზოლიანი ველო-ბილიკი. შტორმის დროს გზის ქვიშით გადაფარვა რომ არ მოხდეს, საფეხმავლო ბილიკი და ველობილიკი სანაპიროს ქვიშიანი ნაწილისგან დაბალი ჯებირით გამოიყოფა. მოეწყობა საზოგადოებრივი სან-კვანძები და საშხაპეებიც. ტენდერის ფარგლებში დამონტაჟდება სასმელი წყლის შადრევნები, სადრენაჟე სისტემა და განათება. იგეგმება მოსასვენებელი ფანჩატურების სკამების და სანაგვე ურნების განთავსებაც. მოეწყობა ფრენბურთისა და ბავშვთა სათამაშო მოედნებიც. 

"განხორციელებული სამუშაოები ხელს შეუწყობს ურეკის მაცხოვრებელთა და სტუმართა დასასვენებელი და ტურისტული მომსახურების პირობების სრულყოფას, დამატებითი სივრცის შექმნას როგორც აქტიური დასვენებისათვის (ფრენბურთის მოედანი, ბავშვთა სათამაშო სივრცე, ველობილიკი და ა.შ.), ასევე პასიური დასვენებისათვის (საფეხმავლო ზონა, გამწვანება და ა.შ.)", - ნათქვამია სატენდერო დოკუმენტაციაში.

წყარო: bm.ge

ამერიკული ბიზნესგამოცემა Bussines insider-ი „დემოგრაფიის საერთაშორისო სახლის“ 2018 წლის კვლევაზე დაყრდნობით  აქვეყნებს საცხოვრებლად  ყველაზე ძვირადღირებული 10 ქალაქის სიას.

კვლევაში ქალაქების გამოსავლენად გამოიყენეს ე.წ median multiple-ის მიდგომა, რომელიც მსოფლიოს ბანკის მიერ არის რეკომენდირებული. ეს მეთოდი ითვალისწინებს საცხოვრებლის საშუალო ფასისა და მოქალაქის საშუალო შემოსავლის შეფარდებას. შეფარდების შედეგად მიღებული რიცხვი თუ 5-ს აღემატება, ის ქალაქი საცხოვრებლად ძვირადღირებულად ითვლება.

საცხოვრებლად მსოფლიოს ძვირადღირებული ქალაქების სია ასე გამოიყურება:

10. ახალი ზელანდია, ქალაქი ტაურანგა - ახალი ზელანდიაში საცხოვრებელი სახლისა და შემოსავლის შეფარდება 5.8-ია, ხოლო ტაურანგაში ეს მაჩვენებელი 8.9-მდე ადის.

9. სალინა, მონტერეი,  აშშ, კალიფორნია - ქალაქ სალინაში მოსახლეობა 150 000-ზე ნაკლებია, სან-ფრანცისკო სალინასგან განსხვავებით უფრო დასახლებულია. თუმცა ორივე ქალაქში ცხოვრების დონე 9.1-ით განისაზღვრა.

8. ჰონოლულუ, ჰავაი, ამერიკის შეერთებული შტატები - კუნძულ ჰავაის ქალაქი ჰონოლულუ 9.2-ით ძვირად ღირებულთა სიაში მოხვდა.

7. ლოს-ანჯელესი, კალიფორნია, აშშ - ლოს-ანჯელესი ამერიკის მეორე ძვირად ღირებული ქალაქია, რომელიც სიაში 9.4 დონით მოხვდა. მე-7 ადგილზე იგივე მაჩვენებლით ასევე სანტა ბარბარაც გავიდა.

6. მელბურნი, ავსტრალია - ცხოვრების დონე 9.9-ია. მელბურნში საშუალო შემოსავალმა ზრდა 2001 წლიდან დაიწყო.

5. სან-ხოსე, კალიფრონია, აშშ - სან-ხოსეში ცხოვრების დონე 10.3-ია.

4. სანტა-კრუზი, კალიფორნია, აშშ - სანტა-კრუზი ერთ-ერთი ძვირად ღირებული ქალაქია ამერიკის შეერთებულ შტატებში, ხოლო ცხოვრების დონე 10.4-ია.

3. ვანკუვერი, კანადა - ვანკუვერში ცხოვრების დონე 12.6-ია, ამ ქალაქში ცხოვრების დონის მნიშვნელოვნად გაუმჯობესება 2004 წლიდან დაიწყო.

2. სიდნეი, ავსტრალია - სინდეის ცხოვრების დონე 12.9 აქვს, თუმცა 2001 წლიდან ეს მაჩვენებელი 6.3 იყო.

1.ჰონკ-კონგი, ჩინეთი - ყველაზე ძვირად ღირებულ ქალაქებს შორის პირველ ადგილზე ჰონკ-კონგია, რომელსაც მაჩვენებელი 19.4 აქვს. ეს რიცხვი წინა წელს 18.1 იყო.

 ტურისტულ კომპანია „Oktravel“-სა და თბილისის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა.

 ხელშეკრულებას ხელი ტურისტული კომპანია „Oktravel“-ის დირექტორმა, ოთარ კაჭკაჭაშვილმა და თბილისის სახელმწიფო უნივერსიტეტის რექტორმა, გიორგი შარვაშიძემ მოაწერეს.

  დოკუმენტის თანახმად, თბილისის სახელმწიფო უნივერსიტეტის სტუდენტებს  „Oktravel“-ში ანაზღაურებადი სტაჟირების გავლისა და ასევე, დასაქმების შესაძლებლობა ექნებათ.   მემორანდუმის მიზანი მაღალი აკადემიური მოსწრების მქონე სტუდენტთა დასაქმება და შრომის ბაზარზე კვალიფიციური კადრების გაზრდაა.

ტურისტული კომპანია  „Oktravel“-ის დირექტორის, ოთარ კაჭკაჭაშვილის თქმით, მემორანდუმს რამდენიმე დადებითი შედეგის მოტანა შეუძლია.

 „კომპანია „Oktravel“-ს ამ ტიპის მემორანდუმები რამდენიმე უმაღლეს სასწავლებელთან აქვს დადებული და ამის საკმაოდ კარგი გამოცდილება გვაქვს. აქამდე, სტუდენტები თავიანთი ინიციატივით მოდიოდნენ ჩვენს კომპანიაში დასაქმებისთვის, ახლა კი ამას უფრო ორგანიზებული ფორმა ექნება, რაც რამდენიმე კუთხით მოიტანს სარგებელს- ერთი, რომ სტუდენტები, დასაქმების პერსპექტივის გამო გაიუმჯობესებენ აკადემიურ მოსწრებას, უნივერსიტეტს გაეზრდება შესაძლებლობა, რომ სტუდენტებს დაეხმაროს დასაქმებაში და შემდეგი სარგებელი ის არის, რომ შრომის ბაზარზე კვალიფიციური კადრების რაოდენობაც გაიზრდება“- განაცხადა ოთარ კაჭკაჭაშვილმა.

 კომპანიის მხრიდან მემორანდუმის გაფორმების ინიციატივა დადებითად შეაფასა თბილისის სახელმწიფო უნივერსიტეტის რექტორმა, გიორგი შარვაშიძემ. მისი თქმით, კერძო სექტორის მხრიდან დასაქმების მაჩვენებლის ზრდაზე ზრუნვა განსაკუთრებით მნიშვნელოვანია.

 „მსგავსი ინიციატივები კერძო სექტორის მხრიდან განსაკუთრებით გვახარებს და მისასალმებელია, რომ მომავალი თაობისთვის სამუშაო ადგილების შექმნაზე ზრუნავთ; ვფიქრობ, ეს სტუდენტებისთვის დიდი სტიმული იქნება,“- განმარტა გიორგი შარვაშიძემ.

 თბილისის სახელმწიფო უნივერსიტეტთან  ურთიერთთანამშრომლობის მემორანდუმი გააფორმეს  „OKGROUP“- ში შემავალმა სხვა კომპანიებაც : საადვოკატო ბიურო „OK&CG“-მ, დასუფთავების კომპანია „Mycleaner.ge“-მ და უძრავი ქონების სააგენტო „Myclient.ge“-მაც გააფორმა.

ამერიკულმა გამოცემა Bussines insider-მა გამოაქვეყნა 12 ქალაქის სია, რომლებიც უახლოეს მომავალში მანქანებზე უარის თქმას აპირებენ. მათი ინფორმაციით 2016 წლის ბოლოს მადრიდის მერმა, მანუელა კარმენმა, განაცხადა, რომ ქალაქის ცენტრში მანქანების აკრძალვას გეგმავს. მან პირობა დადო, რომ მისი მერობის პერიოდში, 2019 წლის მაისამდე ცენტრალური ნაწილი მხოლოდ ფეხით მოსიარულეებისთვის, ველოსიპედებისა და საზოგადოებრივი ტრანსპორტისთვის იქნება ხელმისაწვდომი.

მაგრამ, მადრიდი არ არის ერთადერთი ქალაქი, რომელიც მანქანების აკრძალვის მზაობას გამოთქვამს, სიის წევრი ქვეყნები არიან:

-ოსლო, ნორვეგია - 2019 წლისთვის ქალაქის ცენტრში მანქანები უნდა აიკრძალოს. 2025 წლისთვის კი ქვეყანა მანქანებზე უარის თქმას ქვეყნის მასშტაბით გეგმავს. მათი თქმით საავტომობილო ტრასებს ველობილიკები ჩაანაცვლებენ;

-მადრიდი, ესპანეთი - 2019 წლამდე ცენტრალურ ნაწილში მანქანით სიარული აიკრძალება. იგეგმება საფეხმავლო ბილიკების მოწყობა. ინიციატივა არის ქალაქის "მდგრადი მობილობის გეგმა", რომელიც მიზნად ისახავს ყოველდღიურიად მანქანის გამოყენების შემცირებას 29% დან 23% -მდე. მძღოლები, რომლებიც უგულვებელყოფენ ახალ წესებს, გადაიხდიან ჯარიმას- მინიმუმ $100;

- ჩენგდუ, ჩინეთი - ქალაქი მანქანებზე სრულად უარის თქმას არ აპირებს, თუმცა, 2020 წლისთვის მთლიანი მოსახლეობის - 80 ათასი ადამიანის- მხოლოდ ნახევარს ექნება მანქანის ყოლის უფლება;

- ჰამბურგი, გერმანია - ქალაქი მანქანებს არ კრაძლავს, მაგრამ ზრდის ისეთი ტერიტორიების რაოდენობას, სადაც სიარული მხოლოდ ფეხითმოსიარულეებისთვის ან ველოსიპედებისთვის იქნება შესაძლებელი. ეს სისტემა 2035 წლისთვის ქალაქის 40%-ს მოიცავს;

-კოპენჰაგენი, დანია. დღეს, კოპენჰაგენის მოსახლეობის ნახევარი ველოსიპედით გადაადგილდება. აღსანიშნავია, რომ ქალაქს, ევროპაში მანქანების რაოდენობით, ერთ-ერთი ყველაზე დაბალი პროცენტული მაჩვენებელი აქვს;

-პარიზი, საფრანგეთი. როდესაც პარიზმა 2014 წლისთვის მანქანების გარკვეული რაოდენობა აკრძალა ქალაქის დაბინძურების მაჩვენებელი 30%-ით შემცირდა. ქალაქი გამოთქვამს მზაობას, რომ ქალაქის ცენტრში მანქანების მოძრაობა მთლიანად აიკრძალოს. ქალაქში ველობილიკების რიცხვი გაორმაგდება და დიზელზე მომუშავე მანქანები აიკრძალება;

- ათენი, საბერძნეთი - პარიზს უერთდება საბერძნეთის დედაქალაქიც და დიზელის საწვავზე მომუშავე მანქანების აკრძალვას ქალაქის ცენტრიდან 2025 წლისთვის გეგმავს;

-ლონდონი, დიდი ბრიტანეთი - ქალაქი „საერთო მხიარულებას“ 2020 წლისთვის უერთდება და დიზელზე მომუშავე მანქანების აკრძალვას გეგმავს. მანამდე კი ქალაქის ხელისუფლება 13 დოლარამდე აჯარიმებს იმ ადამიანებს, რომლებიც ქალაქის კონკრეტულ ნაწილში დიზელზე მომუშავე მანქანებით გადაადგილდებიან პიკის საათებში;

-ბრიუსელი, ბელგია - ქალაქში ევროპაში ყველაზე დიდი ადგილი გამოიყო, სადაც მხოლოდ ფეხით შეიძლება სიარული. ამასთან, ქალაქი 2018 წლიდან კრძალავს დიზელზე მომუშავე ავტომობილებს, რომლებიც 1998 წლამდეა გამოშვებული;

-მეხიკო, მექსიკა - ხელისუფლებამ სპეციალური სისტემა შექმნა, რომლითაც ცენტრში მოსახლეობას მანქანით გადაადგილების კონკრეტული დღეები დაუწესდა;

-ვანკუვერი, კანადა - მაშინ, როდესაც სხვადასხვა ქალაქის ხელისუფლებები მანქანებს კრძალავენ, ვანკუვერის ხელისუფლება ამას სხვა გზით აბალანსებს. ქალაქის ხელისუფლება უფროდაუფრო მეტ სივრცეს ქმნის, სადაც გადაადგილება მხოლოდ საზოგადოებრივი ტრანსპორტით და ფეხით შეიძლება; 

-ნიუ-იორკი, აშშ - ნიუ-იორკი მანქანების აკრძალვას არ გეგმავს, თუმცა, ავითარებს საფეხმავლო გზებს, მეტროსა და ველობილიკებს;

ამერიკული  გამოცემა- businessinsider-ი, რომელიც  ფინანსებისა და ბიზნესის ახალი ამბების კუთხით მუშაობს, ეკონომიკური თანამშრომლობისა და განვითარების ორგანიზაციაზე (OECD) დაყრდნობით იმ ქვეყნების სიას აქვეყნებს, სადაც საცხოვრებლად ყველაზე კარგი პირობებია და შესაბამისად, ცხოვრების  მაღალი ხარისხით გამოირჩევა. საინტერესო და შემეცნებით ვიდეორგოლში 8 ქვეყნის უპირატესობები და ფოტომასალაა განთავსებული.

ქვეყნების სია კი ასე გამოიყურება.

8. ნიდერლანდები - მთელს მსოფლიოში წიგნიერების ყველაზე მაღალი დონე ნიდერლანდებშია.

7. შვედეთი - ეს ქვეყანა პოლიტიკაში მაღალი ჩართულობით გამოირჩევა. შვედეთის ბოლო საპარლამენტო არჩევნებზე მოსახლეობის 86% მივიდა.

6. კანადა - ქვეყანა სახლის მოწყობის მაღალი სტანდარტით გამოირჩევა და ერთ სულ მოსახლეზე, საშუალოდ,  საცხოვრებლის  2,5 ოთახი მოდის.

5. ამერიკისშეერთებულიშტატები - ქვეყანაში ოჯახის საშუალო შემოსავალი წელიწადში 41.355 დოლარია.

4. ავსტრალია - ამ ქვეყანაში ძლიერი საზოგადოებაა. კვლევების მიხედვით, 92%-ს ერთმანეთის მიმართ მაღალი ნდობა აქვთ.

3. შვეიცარია - მსოფლიოში უმუშევართა ყველაზე დაბალი მაჩვენებელი შვეიცარიაშია. ქვეყანაში უმუშევრობა მხოლოდ 3,5%-ია.

2. ისლანდია- ქვეყანას მსოფლიოში ყველაზე სუფთა ხარისხის წყალი აქვს.

1. ნორვეგია - ქვეყანაში თითქმის ყველა სრულწლოვანი დასაქმებულია, სიცოცხლის საშუალო ხანგრძლივობა კი 82 წელია. ნორვეგია ასევე გამოირჩევა განათლების მაღალი ხარისხით.

ამბობენ, რომ ლუდი ისეთივე ძველია, როგორც ცივილიზაცია, მის „უზენაესობას“ კი საზღვრები არ აქვს. ლუდის დაბადებაზე ბევრი არაფერია ცნობილი, მაგრამ მე მის ღვთაებად ღვინის, თრობის და სულიერი სიმშვიდის მომგვრელ მითოლოგიურ ღმერთ დიონისეს მივიჩნევ. ლუდი ბევრი ისმევა, მაგრამ მასზე ცოტას საუბრობენ. თურმე ყველაზე მეტი ლუდი ერთ სულ მოსახლეზე ჩეხეთში ისმევა.

სი-ენ-ენ-ის რედაქციამ დიდი კვლევა ჩაატარა ხარისხიანი ლუდის ხარშვაზე, მათ დაიხმარეს სტატისტიკური ჩანაწერები, კრიტიკული პუბლიკაციები, ისტორიული წიგნები და ცოცხალი მაგალითები-ბარები. მაშ ასე, საუკეთესო ლუდის მწარმოებელი ქვეყნების სია ასე გამოიყურება.

13.ირლანდია

რა თქმა უნდა, პაბში ლუდის სმა პირველია, რაც ირლანდიური კულტურის განხილვის დროს გვახსენდება. ირლანდიაში, ბოლო პერიოდში, უფრო და უფრო მეტი ლუდსახარშის მშენებლობა მიმდინარეობს.  ათწლეულის წინ მხოლოდ 5 ლუდსახარში აკონტროლებდა ლუდის ბაზარს, მაგრამ დღეს, ეს რიცხვი  უკვე 50-მდეა გაზრდილი.ირლანდიაში  უამრავი ახალი ჯიშის მარცვლეულისგან ხდიან კრაფტ ლუდს. 2013 წელს მთავრობამ წამახალისებელი ნაბიჯები გადადგა ლუდის ტრადიციის გაგრძელების კუთხით, მან დაფინანსდა სასწავლებლები, რომლებშიც ლუდის ხარშვის შესწავლის ტენდენცია გრძელდება.

12. ახალი ზელანდია

ახალი ზელანდიის ეფექტურმა სასოფლო სამეურნეო ღონისძიებებმა ხელი შეუწყო, ქვეყნის წარმატებას საუკეთესო ლუდის წარმოების კუთხით მთელს მსოფლიოში. ქვეყანაში ქერის და ციტრუსების სხვადასხვა ჯიშების განვითარებას უზარმაზარი წვლილი მიუძღვის კონკურენტუნარიან ბაზარზე მოხვედრაში. არაერთმა ახალ ზელანდიურმა ლუდმა მოიპოვა პოპულარობა მსოფლიოს მასშტაბით.

11.  შვედეთი

შვედური ლუდის კულტურა დაიწყო „დიდი აფეთქებით“ მიუხედავად იმისა, რომ ადგილობრივი კანონონები კრძალავს საცალო ლუდის რეალიზაციას სახელმწიფოს კონტროლირებად მაღაზიებში. ადგილობრივი ბრენდები ლუდს  შეზღუდული რაოდენობით აბარებენ  ქვეყნის შიგნით. შვედური ლუდი საერთაშორისო ბაზარზე ყოველთვის ყურადღების ცენტრშია. ქვეყნის საუკეთესო, მსოფლიო დონის ლუდის ბარები არაერთ საერთაშორისო პრესტიჟულ ფესტივალს მასპინძლობენ.

10. იტალია

ქვეყნის ხელისუფლება ღვინის წარმოების გარდა ლუდის წარმოებასაც წარმატებულად ლობირებს. მსოფლიოში პოპულარობით არაერთი იტალიური ლუდსახარში სარგებლობს, მაგალითად, როგორებიცაა : „დელ დუკატო“;  „ლოვერბერერი“  და „დელ ბორგო“. იტალიური ლუდის პოპულარობა ტრადიციულმა სტილმა და კომპლექსურმა მიდგომებმა განაპირობეს. რამდენიმე წელიწადში კიდევ უფრო მზარდ პოტენციალს და დიდ  წარმატებას წინასწარმეტყველებენ იტალიური ლუდის სამყაროში.

9. ნორვეგია

ნორვეგიული ლუდის ბარებს აქვთ დიდი პოტენციალი მოხვდნენ საუკეთესო სიაში მთელი პლანეტის მასშტაბით. ორი ნორვეგიული ლუდსახარში, როგორებიცაა Fjell Bryggeri და Lindheim Ölkompani 2015 წლის საუკეთესო ლუდსახარშების სიას მიემატნენ.

8. ჰოლანდია

ჰოლანდიური ლუდის საერთაშორისო რეპუტაცია, ძირითადად ჰეინეკენზე და ამსტელზეა დაფუძნებული. ქვეყნის მასშტაბით უამრავი მსოფლიოს კლასის  ლუდის ბარია. ჰოლანდიაც, რა თქმა უნდა, მსოფლიოს საუკეთესო ლუდის მწარმოებელი ქვეყნების სიაში შედის.

7. კანადა

წლების განმავლობაში კანადაში ლუდის კულტურა მცირე ნაბიჯებით ვითარდებოდა, თავიდან იყო მცირე ზომის ადგილობრივი ლუდსახარშები, მაგრამ 80-იანი წლებიდან კანადამ მასშტაბურად დაიწყო ლუდის წარმოება და დღეს მას აქვს პრეტენზია, ატარებდეს მსოფლიოს საუკეთესო ლუდის მწარმოებელი ქვეყნის სახელს. ქვეყნის ყველაზე რეიტინგული ლუდის, თითქმის, ნახევარი პროვინციებიდან მოდის, მათს შორისაა- Unibroue, Dieu du Ciel და McAuslan. კანადას ნამდვილად აქვს პოტენციალი გლობალური კონკურენცია გაუწიოს ლუდის მწარმოებელ არაერთ ქვეყანას.

6. იაპონია

იაპონია ცნობილია, როგორც დეტალებზე ორიენტირებული ქვეყანა და გასაკვირი არ არის, რომ მას აქვს პრეტენზიები იყოს ერთ-ერთი წარმატებული ამ სფეროში.  ძირითადად, ლუდის მასობრივი წარმოება 90-იანი წლებიდან იღებს სათავეს, ამ დროისათვის მთავრობის შეზღუდვები მინიმუმამდეა დაყვანილი, ამის შემდეგ არ არსებობს შეზღუდვა ლუდის სტილზე, ისინი აწარმოებენ ყველანაირი ტრადიციის და მარცვლეულის ლუდს. არაერთ საერთაშორისო ფესტივალში გაუმარჯვიათ იაპონელ მეწარმეებს, ამ მაფქტმა კი პროდუქციის ზრდა გამოიწვია.

5. დანია

დანიის ლუდის სახეობები არ იყოს ისეთივე ცნობილი და პოპულარული, როგორებიც იყვნენ  ბელგიური და გერმანული, მაგრამ დანიური ლუდისთვის დამახასიათებელი იყო  ტრადიციული სეზონური სტილი. ბოლო პერიოდში დანიურმა ლუდსახარშებმა თანამედროვეობას აუწყვეს ფეხი და დახვეწეს წარმოების სტილიც. დღეს დანიური ლუდი მსოფლიოს საუკეთესო ლუდების სიაშია და ქვეყნის ბარები და პაბები დიდი პოპულარობით სარგებლობენ მსოფლიოს მასშტაბით.

4. გერმანია

გერმანია , რაოდენობრივად, ლუდის წარმოებით პირველია მსოფლიოში, ხოლოდ ერთ სულ მოსახლეზე ლუდის მოხმარებით-მე-3. გერმანული ლუდის ხარშვის უნიკალური რეცეპტი საუკუნეების მანძილზეა დაცული. გერმანული ლუდის სახეობები ოქროს სტანდარტებს აკმაყოფილებენ, ეს კი  განპირობებულია, ქვეყნაში,  ლუდის ხარშვის სპეციფიკური და დახვეწილი ტრადიციებით.

3. გაერთიანებული სამეფო

კრაფტ ლუდი ბრიტანეტში ძალიან წარმატებულია. „დიდი აფეთქება“ ნელ-ნელა დაიწყო და მეორე მსოფლიო ომის შემდეგ ქვეყანაში უამრავი ლუდსახარში შეიქმნა. ეს განაპირობა ინდუსტრიაში ინვესტიციების და ტექნოლოგიების განვითარებამ. ინგლისი ცნობილია ინოვაციური ლუდსახარშებით, რომელთა მუშაობაც ტრადიციულ რეცეპტებს ეფუძნება. ბრიტანეთი, ბელგიასთან და გერმანიასთან ერთად ქმნის უნიკალური სტილის  ისტორიულ ბირთვს, რომელიც თანამედროვე ლუდის დამზადების „სვეტად“ მიიჩნევა.

2. შეერთებული შტატები

ტრადიციების მოყვარე ადამიანებმა, შეიძლება, უარყონ ამერიკული ლუდის ჰეგემონია, მაგრამ დღეს შეერთებული შტატები მსოფლიოს ლიდერია. იმდენად პოპულარული გახდა ლუდის ხარშვის ამერიკული სტილი, რომ მას ევროპაშიც იყენებენ, მით უმეტეს ისეთ ქვეყნებში, როგორებიც არიან-გერმანია და შვედეთი. აშკარაა, რომ ამერიკული ლუდის კულტურაში დიდი აფეთქება მოხდა, ამან კი ქვეყანა  სიის თავში გადაისროლა.

1. ბელგია

ბელგია ტრადიციისა და ინოვაციის შერწყმის  ერთადერთი და უნიკალური მაგალითია. ცნობილი ბელგიური ბრენდები, როგორებიცაა- კვაკი, როდენბუკი, გულიდენ დრაკი, ჩიმეი, კანტოლონი, ტილკინი და სხვ. დიდი პოპულარობით სარგებლობს მთელი მსოფლიოს მასშტაბით. ბელგიური ლუდის პოპულარობის საიდუმლოც ძველ და უნიკალურ რეცეპტებშია.

  ტურისტულმა კომპანია „Oktravel.ge“-მ შავი ზღვის საერთაშორისო უნივერსიტეტთან ურთიერთთანამშრომლობის მემორანდუმი გააფორმა.

  მემორანდუმს ხელი კომპანია „Oktravel.ge“-ის დამფუძნებელმა, ოთარ კაჭკაჭაშვილმა და შავი ზღვის საერთაშორისო უნივერსიტეტის რექტორმა, ილიას ჩილოღლუმ მოაწერეს ხელი. ხელშეკრულების თანახმად, შავი ზღვის უნივერსიტეტის სტუდენტებს „Oktravel.ge“-ში  ანაზღაურებადი სტაჟირების გავლის შესაძლებლობა ექნებათ.

 სტაჟირების გავლის მსურველ სტუდენტთა შერჩევას შავი ზღვის საერთაშორისო უნივერსიტეტი უზრუნველყოფს. უნივერსიტეტის რექტორმა, ილიას ჩილოღლუმ იმედი გამოთქვა, რომ კომპანია „Oktravel.ge“-ს ინიციატივა  სტუდენტებში დიდ დაინტერესებას გამოიწვევს, რადგან მსგავსი პროგრამები ახალგაზრდებისთვის დეფიციტიურია.

 კომპანია „Oktravel.ge“-ის დამფუძნებლის, ოთარ კაჭკაჭაშვილის თქმით, სტაჟირება გარკვეულ ანაზღაურებასაც ითვალისწინებს, რაც სტუდენტებს  პრაქტიკულ გამოცდილებასთან ერთად, საკუთარი შემოსავლის წყაროსაც გაუჩენს. მისი თქმით, ეს იქნება განსხვავებული მიდგომა იმ პრაქტიკისგან, რაც თანამედროვე ქართული შრომის ბაზარზეა.

 „ჩვენი კომპანიის მიდგომა სტუდენტურ დასაქმებასთან დაკავშირებით სრულიად განსხვავდება ქვეყანაში არსებული პრაქტიკისგან. საქმე ის არის, რომ ჩვენს ქვეყანაში როგორც კერძო, ასევე საჯარო სექტორში სტუდენტის რესურსს იყენებენ ყოველგვარი  ანაზღაურების გარეშე, რაც ჩვენთვის მიუღებელია. სწორედ ამიტომ ვაფორმებთ უნივერსიტეტებთან მემორანდუმს, რომლითაც სტუდენტებს,  ჩვენთან დასაქმების შემთხვევაში, კონკრეტული ანაზღაურებაც ექნებათ,“-განაცხადა ოთარ კაჭკაჭაშვილმა.

იტალია, იმ უნიკალური ქვეყნების რიცხვს მიეკუთვნება, რომლებიც ნებისმიერი სქესის, ასაკის, მსოფლმხედველობის და გემოვნების ადმიანის სურვილებს აკმაყოფილებენ. მე იტალიას „ამოუწურავ მადანს“ ვეძახი, ქვეყნიდან დაბრუნებულს ყოველთვი დაგრჩება დაუკმაყოფილებლობის შეგრძნება და ასაფრენ ბილიკზევე დაგეგმავ შენს განმეორებით მოგზაურობას, რომელიც ამოუცნობი იტალიის ახალი გზების ძიებაში დაგეხმარება. არსებობს ოქროს წესები, რომლებიც იტალიაში მოგზაურობამდე  უბის წიგნაკში უნდა ჩაიწერო და თან ატარო. მაშ ასე, შემდეგი გაჩერება- იტალია!

1. დაივიწყეთ მითი იტალიაში მოგზაურობის საუკეთესო სეზონთან დაკავშირებით. იტალია წელიწადის ნებისმიერ დროს სასურველი, საინტერესო და შთამბეჭდავია. წარმოიდგინეთ იტალიური ახალი წელი, ილუმინაციებით მორთული ქუჩები, სახალხო ღონისძიებები, გრანდიოზული ფოიერვერკები. ან ვენეციური კარნავალი წარმოიდგინეთ თებერვლის თვეში-მისტიკურ  ნიღბებში გამოწყობილი ადამიანები და ფერადი აღლუმები, თეატრალური წარმოდგენები და საზეიმო ვახშმები. გაზაფხულობით აყვავებულ იტალიაზე რას იტყვით? ვერონაში „ჯულიეტას სახლის“ ეზო შთამბეჭდავი სანახავია. ეს პერიოდი კარგია ქუჩაში სეირნობისთვის და ტემპერამენტიანი იტალიელების ცხოვრების წესის გაცნობისათვის. ზაფხულის თავბრუდამხვევი ღამეები იტალიაში, შადრევნებთან ცეკვა და დღისით მუზეუმების დათვალიერება დაუვიწყარ და შემეცნებით შთაბეჭდილებებს გპირდებათ. შემოდგომით ტოსკანას რეგიონს უნდა ესტუმრო, ადგილობრივი სოფლის ვენახებში ისეირნო და რთველში მიიღო მონაწილეობა, ვერ შეგპირდებით, რომ  გვიან შემოდგომაზე „თათარაობას“ დაესწრებით, მაგრამ ტოსკანური ღვინით და იტალიური ყველის სახეობების დაფით აუცილებლად გაგიმასპინძლდებიან.

2. აუცილებლად დააგემოვნეთ იტალიური სამზარეულოს საოცრებები- აქ უკვე ლაპარაკი ზედმეტია. ყველასათვის ცნობილი პიცა, რომელიც სასურველია ნეაპოლში დააგემოვნოთ.  უამრავი ვარიაციის პასტა, (განსაკუთრებით გემრიელია ზღვის პროდუქტებით, კერძოდ კრევეტებით და „ტომატის“ სოუსით) ცნობილი იტალიური ყველი(პარმეზანი, მოცარელა, მასკარპონე, გორგონზოლა) იტალიური პესტო, ლაზანია, განუმეორებელი რიზიტო(კერძის მთავარი ინგრედიენტი ბრინჯია), რომელიც ასევე უამრავი ვარიაციის საშუალებას იძლევა და რა თქმა უნდა, იტალიური ნაყინი (ჟელატო).  გარდა ამისა იტალია ცნობილია ღვინის საოცარი ნაირსახეობებით.

3. ფლორენციაში სტუმრობისას აუცილებლად მოინახულეთ რენესანსის ეპოქის სკულპტურა, დონატელოს „დავითის“ ქანდაკება და ასევე, მოინახულეთ ორსანმიკელეს ეკლესიის წმინდა გიორგის და წმინდა მარკის ქანდაკებები.

4. აუცილებლად ესტუმრეთ ტოსკანას რეგიონს, ისეირნეთ ველოსიპედით, მიირთვით ტოსკანური, ნახევრად მშრალი წითელი ღვინო, შეიგრძენით ტირენიის ზღვის თავბრუდამხვევი სურნელი და მიეფიცხეთ ტოსკანურ, ოქროსფერ მზეს.

5. თუ საშუალება მოგეცემათ ერთი დღით მაინც დარჩით ტიპურ იტალიურ ოჯახში, ასე უკეთ შეიცნობთ ნამდვილი, წმინდა იტალიური ცხოვრების საიდუმლოებებს.

ცნობილი ამერიკული ტელეკომპანია cnn-ის რედაქცია თებერვლის თვეში მოსანახულებელ 5 ადგილს ასახელებს. საინტერესოა თუ რომელ ქვეყნებში გვამოგზაურებენ  რედაქციის გამოცდილი და პროფესიონალი ბლოგერები.

ამბობენ, რომ თებერვლის თვე შეყვარებულებისაა, თუმცა ასევე უნდა აღინიშნოს, რომ ეს თვე მოგზაურობის მოყვარულებისაცაა.

რომანტიკული მიმართულებები, ხშირად, პირველ ყოვლისა,  ვალენტინობის დღესთან ასოცირდებ, მაგრამ თებერვლის თვე მეტია, ვიდრე ვნებიანი დღესასწაული. სანამ თებერვლის „ვოიაჟს“ დაიწყებდეთ, მხოლოდ, რამდენიმე დეტალი უნდა გაითვალისწინოთ.

თებერვლის წარმატებული შვებულების საიდუმლო კვლევა და იმ დადებითი და უარყოფითი მხარეების წარმოჩენაა, რომელიც მას ახლავს თან.

თბილი ამინდები, სანაპირო ქალაქები და კუნძულები, ასევე, სათხილამურო კურორტები, როგორც წესი, თებერვლის თვეში, წორედ,   ეს ლოკაციებია ტენდენციური.

რედაქციის მიერ შემოთავაზებული ქალაქების ჩამონათვალი ასე გამოიყურება- მაიამი (ფლორიდა) ; ვენეცია (იტალია) ; ბრიტანეთის კოლუმბია ; სენეგალი ; ხაინანი (ჩინეთი).

1. მაიამი

ამერიკის კონტინენტის ზოგიერთი შტატისგან განსხვავებით, თებერვალში, მაიამი,  სითბოსა და მზის „ბრწყინავი ბუშტია“. მიუხედაად იმისა, რომ მაიამიში დასვენება ძვირი სიამოვნებაა, მას ყოველთვის უამრაი ტურისტი სტუმრობს. შუადღისას, როდესაც ქალაქში მზე პიკს აღწევს, თქვენ შეგიძლიათ დრო დაუთმოთ ხელოვნებას და კულინარიულ ფესტივალებს. ყველაზე პოპულარული ფესტივალი „სამხრეთ სანაპიროს ღვინისა და საჭმლის ფესტივალია“. მსოფლიოს სხვადასხვა ქვეყნის საუკეთესო შეფ მზარეულები ამზადებენ ყველანაირ კერძს, დაწყებული ბარბექიუდან,  დასრულებული ვეგეტარიანული სამზარეულოთი.ღვინის მოყვარულებს ეს ფესტივალი ძალიან მოსწონთ, ასევე ცალკე ადგილია გამოყოფილი სპირტიანი სასმელების და სიგარის მოყვარულთათვისაც. გარდა ამ ფესტივალისა, თებერვლის თვეში არაერთ ღონისძიებას და გასართობ პროგრამას მასპინძლობს მაიამი. თებერვლის თვე საუკეთესო დროა მაიამის აღმოსაჩენად, დასათვალიერებლად და გასაცნობად. თქვენ შეგიძლიათ გაისეირნოთ, როგორც ცნობილ „ Miami beach“-ზე,  ასევე ესტუმროთ პატარა ჰავანასაც, სადაც შეგიძლიათ დაკავდეთ წყალქვეშ ყვინთვით, ან ეზიაროთ  უამრავ  კულტურულ თუ გასართობ ღონისძიებას.

 2 ვენეცია

ულამაზესი ხიდები, შთამეჭდავი ხეივნები,  ესთეტიკურად მოწყობილი არხები- გასაკვირი არ არის რომ ვენეცია მსოფლიოს საუკეთესო ქალაქების რიგშია. თებერვალი საუკეთესო პერიოდია ვენეციის მოედნების, სასახლეების, გალერეების და მაღაზიების სანახავად. თვის დასაწყისი საუკეთესო პერიოდია ვენეციაში სტუმრობისთვის. 2018 წელს ვენეციის ცნობილი კარნავალი 27 იანვარს იწყება და 13 თებერვალს სრულდება. ამ პერიოდში თქვენ საშუალება გეძლევათ დაესწროთ საზეიმო ვახშმებს და ცეკვებს, შეხვდეთ მისტიკურ ნიღბიან იდუმალ უცნობებს, იხილოთ ფერადი აღლუმები და ქუჩის შთამბჭდავი შოუები.

3 ბრიტანული კოლუმბია

ულამაზესი ბრიტანული კოლუმბია წლის ნებისმიერ სეზონზე იქცვეს დამსვენებელთა ყურადღებას, მაგრამ ის მეტად მიმზიდველია  ზამთრის პერიოდში, ის ტურისტებს ზამთრის სპორტის სახეოებით, განსაკუთრებით სათხილამურო სპორტით იზიდავს. ვანკუვერში  დიდი თოვლი, უამრავი სათხილამურო ბილიკი და  თანამედროვე სტანდარტების სასტუმროებია, როგორც ხედავთ თოვლის მოყვარულთათვის ეს ადგილი ნამდვილი სამოთხეა. თუ თქვენ ვანკუვერს თებერვლის ბოლოს ესტუმრებით საშუალება გექნებათ ღვინის ფესტივალსაც დაესწროთ, ასევე ისიამოვნოთ თოვლის მოედნებით.

4. სენეგალი

ისეთი ქვეყნები, როგორებიცაა-მაროკო, კენია და სამხრეთ აფრიკა, ყოველთვის დიდი ყურადღების ქვეშ ექცევიან, მაგრამ პატარა სენეგალიც არანაკლებ იმსახურებს სასურველი ქვეყნების სიაში დამატებას. სენეგალი დასავლეთ აფრიკაში მდებარეობს, ჩრდილოეთიდან მას საჰარა ესაზღვრება, სამხრეთითი კი აფრიკის ტროპიკული, წვიმიანი მხარე უწევს. ქვეყნის დედაქალაქი დაკარი ატლანტიკის სანაპიროზეა გაშენებული. თებერვალი სენეგალში საუკეთესო თვეა, ის, როგორც წესი ყოველთვის მშრალია. დიდ ყურადღებას იქცევს დაკარის ერთ-ერთი კომუნა, კუნძული გორე, რომელიც მონებით ვაჭრობით იყო ცნობილი, დღეს ის გამოიყენება ტურისტულ ღირსშესანიშნაობად, რათა ხალს  მონებით ვაჭრობის საშინელი მხარე აჩვენონ. სენეგალი  ცნობილია თავისი სანაპიროებით და სერფინგით, ასევე მუსიკალური ფესტივალებითაც.

5 ხაინანი.

უამრავი ლამაზი ადგილია ჩინეთში და მაინც და მაინც რატომ ხაინანი? ეს, მეტწილად, თებერვლის დამსახურებაა. ეს დიდი კუნძული ჩინეთის სამხრეთ ნაწილში მდებარეობს, ამიტომ ზამთარში ძალიან თბილა. თქვენ შეგიძლიათ ისიამოვნოთ პლაჟებით, ხაინანს „ჩინეთის ჰავაისაც“ უწოდებენ. კუნძული მდიდარია სხვადასხვა, ერთმანეთისგან განსხვაბებული სანახაობებით, გასართობებით და ადგილებით, ამიტომ ის თითქმის, ყველა ტიპის და გემოვნების ადამიანის სურვილს აკმაყოფილებს. კულტურის და არქიტექტურის მოყვარულებმა ხაინანის ბუდისტური ტაძარი აუცილებლად უნდა ნახონ. კუნძულზე ადგილობრივი სამზარეულოს დაგემოვნებაც შეგიძლიათ, ის, ძირითადად, ზღვის პროდუქტებისგან შედგება, ამიტომ უამრავი ეგზოტიკური კერძის გემოს გაიგებთ.

ანკარა-ტრაბზონის პეგასუსის ავიახაზების სამგზავრო თვითმფრინავი ბოინგ 737-800, ჯერ ჯერობით დაუდგენელი მიზეზით, კონტროლიდან გამოვიდა და ტრაბზონის აეროპორტში, დაშვების დროს,  გზის სავალი ნაწილიდან გადავიდა და ფერდობზე, ზღვის პირას ჩაცურდა. თვითმფრინავი ზღვიდან, დაახლოებით,  25 მეტრში გაჩერდა.

როგორც სი-ენ-ენის თურქული გამოცემა იუწყება თვითმფრინავში 162 მგზავრი და ეკიპაჟის 6 წევრი იმყოფებოდნენ, სამაშველო სამსახურმა მგზავრების ამოყვანა დროულად მოახერხა. შემთხვევის დროს მსუბუქად დაშავდა 3 ადამიანი, რომლებიც საავადმყოფოში გადაიყვანეს. ინციდენტის შემდეგ ტრაბზონის აეროპორტში ფრენები, დროებით შეჩერდა. როგორც სი-ენ-ენის თურქულ გამოცემაში ამბობენ პროკურატურის მხრიდან მოკვლევა დაწყებულია და მალევე გახდება ცნობილი თუ რა გახდა თვითმფრინავის მწყობრიდან გამოსვლის მიზეზი.

წყარო : cnn turk 

  ბალკანეთის ნახევარკუნძულის სამხრეთ ნაწილში მდებარე სამხრეთ ევროპის სახელმწიფო, რომელიც გაშლილია ეგეოსის, იონის და ხმელთაშუა ზღვის ფართო სანაპიროებსა და კუნძულებზე, ყოველწლიურად უამრავ ტურისტს მასპინძლობს.

საბერძნეთის წარმოსახვაში ყველას თეთრი სახლები და ლურჯი სახურავები ესახება, მაგრამ ეს მხოლოდ ქვეყნის გარკვეულ ტერიტორიას ახასიათებს.  გაკვირვებული დარჩებით დანარჩენი რეგიონების მრავალფეროვანი არქიტექტურით, თითოეულის დამახასიათებელი სტილით, რაც თავის მხრივ, ადგილობრივ ისტორიას ასახავს.  ქვეყნის მრავალსაუკუნოვანმა მდიდარმა ისტორიამ შემოინახა როგორც შუა საუკუნოვანი, ისე კლასიკური სტილის ისტორიული ძეგლები. 

მაშ ასე! დროა, უფრო ვრცლად ჩამოვწეროთ ის მიზეზები, რომლებიც საბერძნეთში მოგზაურობას აუცილებლად მოგანდომებთ!

მიზეზი №1 ულამაზესი კრისტალურად სუფთა სანაპირო. უმეტესობა მათგანი დაჯილდოვებულია ცისფერი დროშით რაც ეკოლოგიურად სუფთა წყალს გულისხმობს.

მიზეზი №2 უბრალო მაგრამ ძალიან გემრიელი სამზარეულო. 

მიზეზი №3 არაჩვეულებრივი ხმელთაშუა ზღვის კლიმატი, რომლის მეშვეობითაც წელიწადში რამდენჯერმე მოდის მოსავალი და ნებისმერ ადამიანს შეუძლია წელიწადის ნებისმერ დროს დალიოს ახლადგამოწურული ფორთოხლის წვენი.

მიზეზი №4 ისტორია, ალბათ ყველამ იცით, რომ საბერძნეთის აბსოლიტურად ყველა კუთხეში შეგხვდებათ ძველი ცივილიზაციის ნაშთები. ჩვენი წელთაღრიცხვამდე 5000 წლის წინ კ. კრეტაზე არსეობობდა მიკენური ცივილიზაცია. 

მიზეზი №5 მართმადიდებლური ეკლესიები და რელიგია. 

მიზეზი №6 საბერძნეთში ძალიან ბევრი ყვავილია. ყველაზე ცნობილი მცენარე არის ბუგენვილია რომელიც ცენტრალურ მაგისტრალებზეც კი ხარობს.საბერძნეთის თითქმის ყველა სახლი და ქუჩა მორთულია ულამაზესი ყვავილებით და მცენარეებით, რაც ძალიან ლამაზი სანახავია.

მიზეზი №7 მზის ჩასვლა და ამოსვლა. თუ თქვენ გიმოგზაურიათ საბერძნეთის კუნძულებზე აუცილებლად ნახავდით ამ შთამბეჭდავ მოვლენას რომელიც სამუდამოდ დარჩება თქვენს მეხსიერებაში. 

მიზეზი №8 ადგილობრივი მოსახლეობის სტუმართმოყვარეობა. 

მიზეზი №9 ფასები. საბერძნეთი ითვლება ყველაზე იაფ ქვეყანად ხმელთაშუა ზღვის ქვეყნებს შორის. 

მიზეზი №10 კოლორიტი და უსაფრთხოება. საბერძნეთის სასტურმოები ჩამორჩება თურქულ სასტუროებს , მაგრამ მათი მიზანი არის მხოლოდ ღამის გათენება. საბერძნეთში დასვენების დროს აუცილებელია გახვიდეთ გარეთ დაათავლიეროთ ღირშესანიშნაობები, ეწვიოთ ადგილობრივ სოფლებს და შეიგრძნოთ ბერძნული კოლორიტი.

სიცივისგან თავის დაღწევის სხვადასხვა ხერხი არსებობს: შეგიძლია ჩაიცვა თბილად, მიუჯდე ბუხარს/გამათბობელს, დალიო ცხელი, ბალახების და დეკის ჩაი,  ან აირჩიო ყველაზე ოპტიმალური ვარიანტი და თავად მიხვიდე სითბოსთან.  თუ თქვენც თბილ ქვეყნებში „გადაფრენა“ გირჩევნიათ, ერთად შევარჩიოთ სასურველი მიმართულება.

ცივ სეზონზე ცხელი ეგვიპტე ყველასათის სასურველი მიმართულებაა, მისი კურორტები, როგორებიცაა, ჰურგადა და შარმ-ელ-შეიხი ტურისტებისათვის მიმზიდველ ადილს წარმოადგენს. ოქროსფერი ქვიშა, ლურჯი ზღვა, მცხუნვარე მზე, ეგზოტიკური გარემო და თანამედროვე სტანდარტების მომსახურება, ეს იმ უპირატესობათა ჩამონათვალია, რომლებიც ეგვიპტურ „ტურნეს“ სასიამოვნო და წარუშლელ მოგონებად დატოვებენ თქვენს მეხსიერებაში. ქალაქი მე-20 საუკუნის დასაწყისში დაარსდა, ის თავდაპირველად მეთევზეების პატარა სოფელი იყო, მაგრამ 1980-იანი წლებიდან ქალაქი გაფართოვდა, ამაში წვლილი ეგვიპტელ და უცხოელ ინვესტორებს მიუძღვით, დღეს ჰურგადა წითელი ზღვის ერთ-ერთი მთავარი კურორტია. სასტუმროები უზრუნველყოფენ საზღვაო აქტივობებს, როგორებიცაა, სერფინგი, წყალქვეშ ყვინთვა და სხვ. ზაფხულის თვეებში ჰაერის ტემპერატურა 40 გრადუს ცელსიუსს აღწევს, ამიტომ ტურისტების უმრავლესობა ჰურგადას ზამთრის სეზონზე ირჩევს და შობა-ახალი წლის დასვენებას იქ ატარებს.

ყველასათვის საოცნებო დუბაი ნებისმიერ სეზონზე ტურისტებისათვის სასურველი ადგილია, ის სპარსეთის ყურის სამხრეთ-აღმოსავლეთ სანაპიროზე მდებარეობს. დიდი ხანი არაა, რაც დუბაიმ მსოფლიოს ყურადღება მიიქცია ბევრი ინოვაციური პროექტით – დიდი კონსტრუქციებითა თუ სხვადასხვა სპორტული ღონისძიებებით. ეს ქალაქი გახდა სიმბოლური თავისი ცათამბჯენებითა და მაღალსართულიანი შენობებით, განსაკუთრებით მსოფლიოში ყველაზე მაღლი შენობით – ბურჯ-ხალიფათი. დუბაი დამსვენებლებს უამრავ სანახაობას და აქტივობას ჰპირდება, თქვენ შეგიძლიათ გაერთოთ როგორც პლაჟზე, ასევე რაც არ უნდა გასაკვირი იყოს, დაკავდეთ თხილამურებზე სრიალით. დუბაი, ასევე,  ცნობილია თავისი სავაჭრო ცენტრებით და ჰოლდინგებით.

ტროპიკული კუნძული შრი-ლანკა  ცნობილია თავისი ეგზოტიკური სანახაობებით და უნიკალური ლანდშაფტით. მას სტრატეგიული პოზიცია უჭირავს ინდოეთის ოკეანეში. შრი-ლანკაში მოგზაურობისას, თქვენ შეგიძლიათ ეზიაროთ კუნძულის ეგზოტიკურ სანახაობებს, როგორებიცაა, მაგალითად, სპილოებით გასეირნება, ბრინჯის აღების პროცესი, მისტიკური და უძველესი ადგილების მონახულება, ძველი საღმრთო სკულპტურების ნახვა. ამასთან ერთად, თქვენ შეგიძლიათ ისიამოვნოთ შრი-ლანკას ულამაზესი სანაპიროებით, ფირუზისფერი ზღვით, თანამედროვე სტანდარტების სასტუმროების მომსახურებით და დააგემოვნოთ ადგილობრივი ტრადიციული სამზარეულო.

თუ თქვენ სიცივემ შეგაწუხათ და სითბოს ნატრობთ ნუ დაელოდებით მას, თუ სითბო არ მოდის თქვენთან, თავად მიდით სითბოსთან, დროა მოიწყოთ საკუთარი დიდი „გადაფრენა“ თბილი ქვეყნებისაკენ, ამაში Oktravel.ge დაგეხმარებათ.

როდესაც, რაიმე კონკრეტულზე ფიქრობ, მასთან სხვადასხვა სიტყვას, ტერმინს, მოვლენას და აზრს აკავშირებ. ამით ქმნი ასოციაციურ ჯაჭვს, რომელიც, საბოლოოდ,  ერთ მთლიან სურათს გვაძლევს. მოდი, ახლა ჩვენი გონება ჩრდილოეთი იტალიის რეგიონის ლომბარდიის ქალაქ მილანისკენ მივმართოთ. მითხარით, რა გახსენდებათ, როდესაც მილანზე ფიქრობთ? ალბათ, საფეხბურთო კლუბი, იტალიური სამზარეულო(პასტა, პიცა, რიზოტო, მოცარელა, პარმეზანი) უნიკალური არქიტექტურული ძეგლები, ხელოვნება, დიზაინი, მანქანები და რა თქმა უნდა,  ყველა დამეთანხმება, რომ მილანი მოდის და მოდა მილანის გარეშე წარმოუდგენელია.

ეს გლობალური ქალაქი აერთიანებს- ხელოვნებას, კომერციას, დიზაინს, განათლებას, გართობას, მოდას, საფინანსო და ჯანდაცვის სფეროებს, მედიას, მომსახურებას, ტურიზმს და რაც ყველაზე მნიშვნელოვანია, აქ ჩამოთვლილ ნებისმიერ სფეროში მილანი, მსოფლიოს მასშტაბით,  ერთ-ერთი ძლიერი ქალაქია. აღსანიშნავია ისიც, რომ მილანს ევროპის ქალაქებს და არამატერიალურ ქალაქებს შორის ყველაზე მდიდარი ეკონომიკური პოტენციალი გააჩნია. მილანი, როგორც მოგეხსენებათ, მსოფლიოს მოდის ქალაქად დასახელდა, ეს განაპირობა რამდენიმე საერთაშორისო ღონისძიებამ და ბაზრობამ, მაგალითად, როგორებიცაა მილანის მოდის კვირეული, რომელიც წელიწადში ორჯერ იმართება და მილანის „ავეჯის გამოფენა“. ღონისძიებებს უამრავი ადამიანი სტუმრობს.

თანამედროვეობისა და სიძველის იდეალური შერწყმა ქალაქს ტურისტებისათვის უნიკალურს ხდის. ღირსშესანიშნაობებიდან ერთ-ერთი მნიშვნელოვანია მილანის საკათედრო ტაძარი-დუომო, ის  გოთიკურ სტილშია აგებული და ყველაზე დიდი  ტაძარია იტალიაში. შთამბეჭდავი და მისტიკურია ტაძრის ვიზუალი, მას 2245 მარმარილოს სტატუა ამშვენებს, სახურავს კი, 135 ქიმი აქვს. მსოფლიოს ერთ-ერთ ყველაზე დიდ ტაძარში 40 000 დასაჯდომი ადგილია, კარგ ამინდში კი, მისი კოშკებიდან ალპური მწვერვალების დანახვაც შეიძლება.

ვიქტორ ემანუელ მეორეს გალერეა მე-19 საუკუნეში აგებული სავაჭრო ცენტრია, ის მილანის ორ მოედანს – პიაცა დელ დუომოს და პიაცა დელა სკალას აერთიანებს, გალერეაში შუშის გუმბათის ქვეშ, უამრავი ბუტიკი, სუვენირების მაღაზია და კაფეა თავმოყრილი. იქ თქვენ შეხვდებით როგორც, ცნობილი იტალიური ბრენდების მაღაზიებს, როგორებიცაა- ვალენტინო, გუჩი, ვერსაჩე, პრადა, არმანი, დოლჩე და გაბანა, ასევე მსოფლიოს სხვადასხვა ცნობილ ბრენდებსაც.

სანტა მარია დე-ლა-გრაციე  ეკლესია და დომინიკელთა ორდენის მონასტერია მილანში. მონასტრის სატრაპეზოს კედელი შეიცავს ლეონარდო და ვინჩის შედევრს- „საიდუმლო სერობას“, ფრესკა, რესტავრაციის შემდეგ 8,5 მეტრისაა. 1980 წლიდან ეკლესია შესულია იუნესკოს მსოფლიო მემკვიდრეობის ძეგლების სიაში.

ლა სკალა, იგივე „თეატრი კიბეზე“ ოპერის შენობაა მილანში.მ შენობაში იდგმებოდა დომენიკო ჩიმაროზას, ჯუზეპე ვერდის და სხვათა ოპერები. ეს ქორეოგრაფიული ხელოვნების მთავარი ადგილი იყო. ყოველ წელიწადს მასში უამრავი ბალეტი იდგმება კალასიკური ცეკვის უდიდესი ოსტატების მონაწილეობით. ამის გამო ლა სკალამ, თითქმის, მითოლოგიური მნიშვნელობა შეიძინა. ლა სკალაში მუსიკალური სეზონი, ტრადიციულად,  7 დეკემბერს იხსნება, მილანის მფარველი წმინდა ამბროზის დღეს. ამავე შენობაში არის ლა სკალას მუზეუმი, რომელშიც ინახება სასცენო ნახატების, დეკორაციების, ქანდაკებების, კოსტიუმების უდიდესი კოლექცია.

მილანის ტრიუმფალური თაღი ნაპოლეონ ბონაპარტემ მილანის აღების შემდეგ ააშენებინა, ის ახალი შესასვლელის სიმბოლოდ იქცა. აქვე მდებარეობს ულამაზესი სემპიონეს ბაღი, ინგლისური ბაღი რომანტიკულ სტილში გადაწყვეტილი. ფართო გზებით, დიდი მდელოებით, სპორტული მოედნებით და წყალსატევბით.

დაგეგმეთ დასვენება მილანში და ეზიარეთ ქალაქის თავბრუდამხვევ ცხოვრებას. მილანი ყოველთვის მოდის სადარაჯოზეა.