ადამ მიცკევიჩის ქუჩა N11

info@oktravel.ge

ყველაზე ძვირად ღირებული ქალაქი, სადაც სასტუმროში 1 ღამის გატარების ღირებულება ყველაზე მაღალია

კვლევის თანახმად მსოფლიოს ყველაზე ძვირად ღირებული ქალაქი, სადაც სასტუმროში 1 ღამის გატარების საშუალო ღირებულება ყველაზე მაღალია, ნიუ-იორკია, აქ  სასტუმროში 1 ღამის გატარების საშუალო ღირებულება 306 ამერიკული დოლარია. რეიტინგში მეორე ადგილზეა ვაშინგტონი, სადაც 282 დოლარად არის სასტუმროში გაჩერება შესაძლებელი. მას მოსდევს სიდნეი - 240 ამერიკული დოლარით. 
მე-4 და მე-5 ადგილებს კი ჩამონათვალში ტოკიო და ლონდონი იკავებენ, სადაც სასტუმროში 1 ღამის საშუალო ღირებულება შესაბამისად, 220 და 2017 დოლარია. 

ჩამონათვალში მოხვდა ასევე: ციურიხი, ოსლო, კოპენჰაგენი, სინგაპური და ტორონტო. 

ვრცლად ნახვა
ექსკურსიამძღოლის მნიშვნელობა მოგზაურობის დროს

მოგზაურობა დასვენებასთან, ახლის შეცნობასთან, განტვირთვასთან და შემეცნებასთან ასოცირდება. ამა თუ იმ ქალაქში სტუმრობის დროს ვცდილობთ მოვინახულოთ ადგილობრივი ღირსშესანიშნაობები, მუზეუმები, ისტორიული ძეგლები და ქუჩები. როდესაც დრო გათვლილი გაქვს და მარშრუტი დადგენილია დამოუკიდებლად ამ ყველაფრის ნახვა, გაცნობა და შემეცნება ცოტა რთულია.  

სიახლეები, რომლებსაც მოგზაურობისას იძენთ,ერთგვარი რელაქსაციაა, რომელიც თქვენს სამომავლო ცხოვრებაზე მხოლოდ დადებითად აისახება. მეცნიერებმა დაამტკიცეს, რომ მოგზაურობა ტვინის მუშაობას აუმჯობესებს.  აღმოჩნდა, რომ აქტიური ტურისტების ტვინის მოქმედება ბევრად უფრო მაღალია, ვიდრე იმ ადამიანების, ვინც შვებულებას სახლში ატარებს.  ამას ადასტურებს ექსპერიმენტი, რომელშიც 250 ადამიანი მონაწილეობდა.  მათ გონებრივი შესაძლებლობები შეუმოწმეს და შემდეგ ნაწილი სამოგზაუროდ გაუშვეს, ნაწილს კი შემდგომი დღეების პასიურად გატარება დაავალეს. შედეგად კი აღმოჩნდა, რომ ის ადამიანები ვინც ტურიდან ახალი დაბრუნებული იყო, სხვადასხვა ლოგიკურ ამოცანებს ბევრად უფრო მარტივად ხსნიდა.  ექსპერტების აზრით, მოგზაურობის დროს ადამიანი უამრავ ახალ შთაბეჭდილებას იღებს და ტვინის გააქტიურების მიზეზიც სწორედ ეს ხდება.

როდესაც დრო გათვლილი გაქვს და მარშრუტი დადგენილია დამოუკიდებლად ქალაქის შემეცნება, მნიშვნელოვანი ადგილების მონახულება, გაცნობა და შემეცნება ცოტა რთულია.  იმისათვის რომ მოგზაურობა მეტად კომფორტული, საინტერესო და შემეცნებითად დატვირთული გამოვიდეს გამოცდილი ადამიანის დახმარება დაგვჭირდება.

რა ხდის საინტერესოს თქვენს მოგზაურობას ?

მოგზაურობა სრულყოფილი და საინტერესო რომ იყოს, საჭიროა ამა თუ იმ ადგილის შესახებ, რომელსაც ეცნობი, მიიღო სრული ინფორმაცია. იცოდე მისი ისტორია, კულტურა, ტრადიციები, ადათ-წესები.  სხვაგვარად, შენი მოგზაურობა მშრალი, უინტერესო და ერთფეროვანი გახდება, ყველაფერ ამის შეცნობაში ექსკურსიამძღოლი, ე.წ გიდი გეხმარება. როდესაც პარიზში, ლუვრს ესტუმრები და მონა ლიზას ღიმილის ნახვა მოგინდება, შენ კი გათვლილი გაქვს მუზეუმის მონახულების დრო და არ იცი როგორ გადაანაწილო შენი ყურადღება,  ექსკურსია მძღოლის დახმარება აუცილებლად დაგჭირდება, ან ფლორენციაში ბარჯელოს მუზეუმში სტუმრობისას დონატელოს დავითის შექმნის ისტორიის, ან სკულპტურის „ბუნების“ აღწერის მოსმენას არაფერი სჯობს, ამაშინც, რა თქმა უნდა გიდი დაგეხმარებათ.

ტურისტული კომპანია OKTRAVEL ყოველთვის ცდილობს თქვენი მოთხოვნები მაქსიმალურად დააკმაყოფილოს და თქვენი მოგზაურობა კომფორტული, შემეცნებითი და პოზიტიური გახადოს ამიტომ  გთავაზობთ:

-გთავაზობთ გიდის მომსახურებას, მსოფლიოს ნებისმიერ წერტილში!

 

-ჩვენი გიდები თქვენთვის სასურველ ენაზე მოგაწვდიან ამომწურავ ინფორმაციას, ტურისტებისთვის საინტერესო ნებისმიერ თემაზე.

 

-ჩვენთან თანამშრომლობით, მიიღებთ გიდის მომსახურების უმაღლეს სერვისს, ნებისმიერ ენაზე;

 

-ტურგიდები, რომლებით თქვენ მოგემსახურებიან, საფუძვლიანად იცნობენ მსოფლიოს ისტორიასა თუ კულტურას;

 

-ისინი ფლობენ და ზედმიწევნით იცავენ OK თრეველის ტურ-მენეჯერების მიერ შემუშავებულ მოთხოვნებს;

 

-ისინი ემსახურებიან როგორც ინდივიდუალურ მოგზაურებს, ასევე ტურისტთა ჯგუფებს, მეგზურობას უწევენ მათ კულტურულ და სათავგადასავლო ტურებზე.

 

 

ვრცლად ნახვა
Cucina italiana-ანუ იტალიური სამზარეულო

იტალია ყოველმხრივ მრავალფეროვანი, საინტერესო და  იდეალური ქვეყანაა. იქ სამოგზაუროდ და ყველაფრის შესაცნობად მთელი ცხოვრებაც არ გეყოფა, მაგრამ ერთ-ერთი აუცილებელი, რაც ქვეყანაში მოგზაურობისას უნდა გააკეთო იტალიური სამზარეულოს შედევრების დაგემოვნებაა. მაშ ასე, სანამ იტალიურ ტურნეს დაგეგმავდეთ და ცას სამხრეთ-დასავლეთი ევროპისაკენ გაუყვებოდეთ გაგაცნობთ იტალიური სამზარეულოს თავისებურებებს და  მთავარ კერძებს, რომლებიც აუცილებლად უნდა დააგემოვნოთ!

 

ზოგადად, კულინარიის მთავარი „ინგრედიენტი“ ფანტაზიაა. იშვიათია ისეთი მრავალფეროვანი სამზარეულო, როგორიც იტალიურია. უმაღლესი ხარისხის ფქვილისგან დამზადებული „მაკარონის“ ნაწარმის ფართო ასორტიმენტს ემატება: პიცა, მინესტრონე, რიზოტო, ანტიპასტო.

 

ლათინური სამზარეულოს სამშობლოა იტალია, რომელმაც საერთაშორისო გასტრონომიაში უდიდესი წვლილი შეიტანა. მისი კლასიკური რეცეპტურა რეგიონების მრავალფეროვან კერძებს მოიცავს-ჩრდილოეთში ძირითადი ინგრედიენტია კარაქი, სამხრეთში მას ზეითუნის ზეთი ცვლის, ხმელთაშუა ზღვის საუკეთესო სანელებლები კერძებს გაცილებით არომატულს ხდის.

 

კუნძულების სამზარეულო- სიცილიის, სარდინიის და სამრეთის სამზარეულო ყურადღებას ზღვის პროდუქტებზე ამახვილებს. ტარანტო და აპულია მიდიების, განსაკუთრებით ხამანწკების გამრავლებითაა დაკავებული, ხოლო სიცილიის ხმელთაშუა ზღვისპირეთის სამზარეულო განთქმულია თევზის და პასტის ნაირსახეობებით, ხშირია მათი გონივრული კომბინაციებიც. აქ ტრადიციულია ასევე, სიცილიური თინუსისა და ხმალთევზას ჭერა.

 

იშვიათად მოიძებნება ისეთი გეოგრაფიული სახელებით გაჯერებული რეცეპტები, როგორებიც იტალიურ სამზარეულოშია. უამრავ კერძს ამშვენებს იმ ქალაქის სახელი, სადაც ის პირველად მომზადდა, ასევე ხშირია ამა თუ იმ რეგიონისთვის დამახასიათებელი პროდუქტის შერწყმა. ვინ არი იცნობს ნეაპოლიტანურ სოუსს ან სოუს ბოლონეზეს(ხორცის სოუსი იტალიური პასტისთვის).

 

ცენტრალური იტალიის სამზარეულო-იტალიის ამ რაიონში განთქმულია ხორცი და ბოსტნეული, მათი კომბინაციის შედეგი კი ბოსტნეულის წვნიანი კერძები, ანუ მინესტრონეა. მაღალმთიანი რეგიონებისათვის დამახასიათებელი ცივი კლიმატი სამზარეულოში ისეთი საკმაზ-სანელებლების გამოყენებას განაპირობებს, როგორებიცაა წიწაკა ჩილი ან რომაული პასტა გულიაშით-ცხარე კერძების მოყვარულთათვის. იტალიის ცენტრალურ ნაწილში კერძებს, ძირითადად, ცხოველურ ცხიმზე ამზადებენ, თუმცა არომატულ სუნელებთან ერთად ზეითუნის ზეთის სანელებლების ფუნქციას ასრულებს.

 

სამხრეთის სამზარეულო- სამხრეთის სამზარეულო სისადავით გამოირჩევა. ის ზეითუნის ზეთს, პომიდორს და თევზს ედუძნება, რაც ხმელთაშუა ზღვის „ტრილოგიას“ ქმნის. არომატული მწვანილით შეზავებულ ნედლ ბოსტნეულთან ერთად არ უნდა დაგვავიწყდეს სოკო და ზღვის პროდუქტების მრავალფეროვნება.

 

ნეაპოლი- „ნეაპოლიტანური“ ამ ქალაქის სახელი უამრავ კერძს ამშვენებს, მათს შორის, პიცის ნაირსახეობასა. მისი მთავარი ინგრედიენტებია“ პომიდორი და არომატული საკაზმ-სანელებლები.

 

იტალიურ სამზარეულოში პრაქტიკულად ნებისმიერი გასტრონომიული ნაწარმი არომატული სანელებლებითაა გამდიდრებული. იტალიელები ძირითადად, იყენებენ-როზმარინს, ქინძს, ცერეცოს, პიტნას, ორეგანოს, ტარხუნას, ბეგქონდარას, ოხრახუშს, ბაზილიკს.

 

ხორცპროდუქტებიდან იტალიურ კერძებში, თითქმის ყველაფერს შეხვდებით-საქონლის ხორცი, ღორის ხორცი, თხის ხორცი, ცხვრის ხორცი, ბატის ხორცი, იხვის და ქათმის ხორცი.

 

პურის ნაირსახეობებიდან ცნობილია-გრისინი, ფოკაჩა, პანიოტა, ჩამბელა, ფილონე, პიტა, სარდინილული პური.

 

იტალია ყველის სახეობებითაც მდიდარი და ცნობილია- პარმეზანი, მოცარელა, გრანა პადანო, მასკარპონე და სხვ.

 

ცნობილი იტალიური კერძებია- პიცა, რიზოტო, მინესტრონე, კანელონი, პაპარდელე, ანიოლოტი, გარგანელი, ფეტუჩინი, ტალიოლინი, ლაზანია, ტირამისუ, პანაკოტა და სხვ.

ვრცლად ნახვა
ქართულ ავიაბაზარზე შემოსვლა კიდევ 4 ავიაკომპანიას სურს

სამოქალაქო ავიაციის სააგენტოს ინფორმაციით ქართულ ავიაბაზარზე შემოსვლა 4 ავიაკომპანიას სურს. მათი თქმით, საქართველოს საავიაციო ბაზრის მიმართ დაინტერესება მაღალია. მუდმივად ჩნდება ახალი მიმართულებები, ბაზარზე შემოდიან ახალი ავიაკომპანიები, იზრდება ფრენების სიხშირე და ფართოვდება საავიაციო მიმოსვლის გეოგრაფიული არეალი. მაგალითისთვის სააგენტოს 2015 წლის ზაფხულის სანავიგაციო სეზონი მოჰყავს, როცა ავიაბაზარზე 33 ავიაკომპანია ოპერირებდა, გასულის წლის ზაფხულში კი მათი რაოდენობა 33%-ით გაიზარდა და 2017 წლის ზაფხულში საქართველოს ავიაბაზარზე 42 ავიაკომპანია ოპერირებდა. 

მათი ინფორმაციით, სააგენტოში იანვრიდან დაწყებულია ავიაკომპანიების განაცხადების მიღება 2018 წლის ზაფხულის სეზონზე (მარტის ბოლოდან ოქტომბრის ბოლომდე) ფრენების განხორციელებასთან დაკავშირებით. ამ ეტაპზე სააგენტოსთან კონსულტაციებს აწარმოებს 4 ახალი ავიაკომპანია. მათი თქმით, მიმდინარეობს წარმოდგენილი დოკუმენტაციის შესწავლა და ნებართვის გაცემის შემთხვევაში ცნობილი გახდება რომელი ავიაკომპანიები დაემატება ქართულ ავიაბაზარს.

ვრცლად ნახვა
სად უნდა ვიმოგზაუროთ მარტის თვეში

გაზაფხული საუკეთესო დროა მოგზაურობისთვის, ეს არის სეზონი შუალედური ტემპერატურით, უმარავი ფესტივალით და სასიამოვნო მიმართულებებით მსოფლიოს მასშტაბით!

OKTRAVEL გთავაზობთ ამერიკული გამოცემა CNN-ის  საინტერესო რუბრიკას თვეების მიხედვით მოგზაურობაზე-რედაქტორები გვირჩევენ რომელ თვეში რომელი მიმართულება ავირჩიოთ!

მარტი ახლოვდება, მოდი, ვნახოთ რომელ 3 მიმართულებას გამოარჩევენ გამოცდილი მოგზაურები:

 

1.ბუენოს აირესი- გაზაფხულზე თბილ დღეებს და გრილ ღამეებს გთავაზობთ, თუ სანაპიროზე გასასვლელი ამინდი არ დაგემთხვათ ველოსიპედით სასეირნოდ იდეალური ამინდებია, გირჩევთ შემოიაროთ ქუჩები და გაეცნოთ ქალაქის მრავალფეროვან კულტურას, მოგეხსენებათ ბუენოს აირესი ლათინური ამერიკის ერთ-ერთი ყველაზე მრავალფეროვანი და მრავალეთნიკური ქალაქია. თქვენ საშუალება გექნებათ იხილოთ, როგორც სხვადასხვა ენაზე მოსაუბრე ადამიანები, ასევე გაეცნოთ სხვადასხვა ეთნიკურ კულტურას და სამზარეულოს. თქვენ შეგიძლიათ დააგემოვნოთ სამხრეთ ამერიკის ყველაზე გემრიელი პიცა და ნაყინი. გაერთოთ ატრაქციონებით ან ისეირნოთ ფერად ქუჩებში. ქალაქის მთელს ტერიტორიაზე ველოსიპედით გადაადგილებაა შესაძლებელი, იქ სეირნობისას  კი უამრავ მეგობარს გაიჩენთ.

 

2.ჩიკაგო-მარტს ჩიკაგო ზამთრის სიცივეების ტყვეობიდან გამოჰყავს. გაზაფხულის მოსვლა კი უამრავ ფესტივალთან ასოცირდება, განსაკუთრებულ ყურადღებას კი კინოფესტივალები იპყრობს. ქალაქს მეორენაირად „ქარის ქალაქსაც“ უწოდებენ. მოსახლეობით მესამე უდიდესი ქალაქი აშშ-ში ნიუ-იორკისა და ლოს-ანჟელესის შემდეგ. ქალაქი განლაგებულია  მიჩიგანის ტბის სანაპიროზე – დღევანდელ დღეს ის წარმოადგენს მსოფლიოში ერთერთ დიდ ფინასურ – ინდუსტრიულ ცენტრს. ჩიკაგოს არა მარტო ისტორიულ ცენტრში, არამედ მის გარეუბნებშიც შეგიძლიათ  ნახოთ 108 სართულიანი ცათამბრჯენები, მათ შორის ყველაზე მაღალი 400 მ-მდე აღწევს სიმაღლეში. ქალაქში არის უთვალავი რაოდენობის მობილური ხიდი. ასევე ჩიკაგო აღიარებულია ბლუზის მსოფლიო ცენტრად. ქალაქის სტუმრებს ყველაზე მეტად ჩიკაგოს ლიფთიტ მონახულება იზიდავთ. აქედან ღამის ნებისმიერ  დროს იშლება აშშ-ს ყველაზე დიდი,  მიჩიგანის ტბის და ქალაქის  ულამაზესი ხედები. უსწრაფესი ლიფტით გასეირნების შემდეგ შეიძლება გავემართოთ მიჩიგან ავენიუს მიმართულებით, რომელიც ასევე ცნობილია როგორც Magnificent Mile. ქალაქის  ამ მთავარ ქუჩაზე შეიძლება ნახოთ ყველაზე ლამაზი შენობები, მაღზიები და სასტუმროები. ასევე იხილეთ ჩიკაგოს სამხატვრო მუზეუმი და ადგილობრივი აკვარიუმი.

 

3.ფილიპინებში მთავარი მოვლენები, სწორედ მარტიდან ვითარდება, ამ პერიოდში მანილაში კარგი სითბოა და სამოგზაუროდ საკმაოდ პოპულარული და  იდეალური სეზონი, განსაკუთრებით წმინდა კვირაში, აღდგომამდე. ფილიფინები 7000 კუნძულისგან შედგება, და გაზაფხულის პერიოდში მათი სანაპიროები ნამდვილი სამოთხეა, ზოგიერთ კუნძულსე საკმაოდ  ცნობილი და კომფოპრტული პლაჟებია.

ტურისტებს იზიდავს კუნძული სებუ, რომელიც 100 კვადრატულ კილომეტრზე პატარაა, ეს კუნძული ხელუხლებელი და მიმზიდველია. კუნძული ცნობილია თავისი თეთრი ქვიშებით, ფირუზისფერი წყლებით და მყუდრო ატმოსფეროთი. უნდა აღინიშნოს, რომ კუნძულზე არ არის ხუთვარსკვლავიანი სასტუმრო.

თუ თქვენ შედარებით ძვირ და კომფორტულ ადგილს ეძებთ მაშინ ბორაკაის უნდა ესტუმროთ, ეს ტროპიკული სამოთხე ნამდვილ დღესასწაულს გპირდებათ, აქ შეხვდებით ხუთვარსკვლავიან ოაზისებს და სპა ცენტრებს.

მანილაში შეგიძლიათ დააგემოვნოთ ადგილობრივი სამზარეულოს დელიკატესები და გაეცნოთ მის უნიკალურობას და საუცხოო გემოს.

 

 

ვრცლად ნახვა
ლამაზი ცხენების ქვეყანა-ანუ მოგზაურობა წარსულში

თუ თქვენ მისტიკა, მღვიმეები და გამოქვაბულები, ისტორიული ადგილები, რელიგიური დანიშნულების ძეგლები და ფრესკები გიზიდავთ აუცილებლად უნდა მოინახულოთ კაბადოკია!

კაბადოკიას, „ლამაზი ცხენების“ ქვეყანას, ბევრი მსოფლიოს მერვე საოცრებად მოიხსენიებს. ბუნების უჩვეულო სასწაული თითოეულ ადამიანში გაოცებას და ზღვა ემოციას  იწვევს. გამოქვაბულები, ისტორიული ძეგლები და ულამაზესი ფრესკები მისტიკურ გარემოს ქმნის. კაპადოკიის ისტორია მოიცავს ძალიან დიდ პერიოდს. სხვა ანატოლიურ რაიონებთან ერთად კაპადოკია შედის იმ ადგილების რიცხვში, სადაც აღმოჩენილია ადამიანური ცივილიზაციის უძველესი ძეგლები.

ამ საოცრებების რელიეფს ვულკანური პროცესების შედეგად წარმოქმნილი სვეტები ქმნის, რამდენიმე მილიონი წლის სამი ვულკანის ამოფრქვევამ ასი კილომეტრის რადიუსის ტერიტორიაზე უცნაური ფორმების, ულამაზესი ლანდშაფტი წარმოშვა. წვიმის, ეროზიისა და სხვა ბუნებრივი მოვლენების გარდა მოგვიანებით მის შექმნაში ადამიანმაც მიიღო მონაწილეობა , დღეს კი, ქალაქ გიორემში - სასტუმროთა 90% -ია მოწყობილი.

კაპადოკია ტურისტებისათვის საინტერესო ტერიტორიაა, ის ერთ-ერთი ჰარმონიული ადგილია დედამიწაზე, სადაც ადამიანისა და ბუნების კავშირი ერთმანეთთან დისკომფორტს არ ქმნის. ტერიტორია გამორჩეულია ბუნებრივი წარმონაქმნების, ვულკანური წარმოშობის ლანდშაფტებით, კლდეში ნაკვეთი და მიწისქვეშა ქალაქებით.  

კაპადოკიის ტერიტორიაზე 36 მიწისქვეშა ქალაქია. მიწისქვეშა კაბადოკიის ყველაზე კარგი ექსპონატი გიორემიდან 25 კილომეტრში მდებარეობს ,, Derinkuyu Underground City „მიწიშქვესა ქალაქი, რომელიც 7 სართულია მიწისქვეშ, სადაც მაღალ დონეზეა მოწყობილი სავენტილაციო, საკანალიზაციო და წყლის სიტემები, ქალაქში ასევე იყო მაღაზიის,აფთიაქის, სასწავლებლის და სამლოცველოსათვის გამოყოფილი სპეციალური ადგილები.

კაპადოკიის მოსანახულებლად ყველაზე კარგი პერიოდია მაისის, სექტემბრისა და ოქტომბრის თვეები. არანაკლებ ლამაზია ეს ტერიტორია ზამთარში, როცა ეს ძეგლები მთლიანად თოვლის თეთრ საბურველშია გახვეული.

ტურისტებს, ძირითადად, გორემეს უძველესი ეკლესიები, ღია მუზეუმები, უალამზესი ფრესკები და მონასტები იზიდავთ.  ამ დასახლებულ პუნქტში ყველაზე მეტი კლდეში ნაკვეთი ქალაქი, ეკლესია-მონასტერი, უზარმაზარი კომპლექსი და უნიკალური ბუნების ძეგლია. ასევე ინტერესდებიან იჰლარის და სელიმეს სამონასტრო კომპლექსებითაც. უცხოელ სტუმრებს, განსაკუთრებით იზიდავთ გამოქვაბულებსა და მღვიმეებში გაკეთებული უნიკალური სასტუმროს ნომრები.

 

კაბადოკია არის  ბუნებისა  და  ადამიანის სულის შედევრი,  რომლის ნახვაც  აუცილებელია ყველა ქრისტიანთათვის.”

ილია  II  –  სრულიად  საქართველოს კათოლიკოს პატრიარქი

 

ვრცლად ნახვა
თეთრი ოცნება ლურჯი თავსაბურავით-ანუ მოგზაურობა სანტორინიზე

– ჩემი აზრით მწერალს სამუშაო მაგიდაზე უნდა ეწყოს დაახლოებით 20-30 შედევრი ნაწარმოები.

– მაინც რომლები? წამოიყვირეს ახალგაზრდა მწერლებმა.

– ოო! აი ამისათვის კი, ათასობით შედევრი უნდა წაიკითხოთ … (ისააკ ბაბელი)

ამ მინი დიალოგს თუ მოგზაურის თვალსაწიერზე განვაზოგადებთ და ვიტყვით, რომ თავგადასავლების მოყვარულს თავის ფოტოალბომში სულ მცირე 10  საყვარელ ქვეყანაში გადაღებული ფოტო უნდა ედოს, ამისთვის მას ბევრი მათგანის მონახულება მოუწევს. ამჯერად OKTRAVEL-ი ვულკანურ მთაზე გაშენებულ დახვეწილ, გემოვნებიან და ისტორიულ კუნძულ სანტორინიზე გამოგზაურებთ.

სანტორინი  მცირე ზომის ცირკულარული განლაგების ვულკანური კუნძულების ჯგუფის სახელია, რომელიც სამხრეთ ეგეოსის ზღვაში, დაახლოებით 200 კმ-ში საბერძნეთის კონტინენტური ნაწილის სანაპიროდან სამხრეთ-აღმოსავლეთის მიმართულებით მდებარეობს. ის ასევე ცნობილია სახელით „თერა. კუნძულის დედაქალაქია ფირა.

ნამგალის ფორმის სანტორინის კუნძული კრეტას ჩრდილოეთით მდებარეობს. კუნძულებს დახლოებით 90 კვ.კმ. ფართობი უკავია და 14 000 ადამიანითაა დასახლებული.სანტორინი, თავის მხრივ,  სამი კუნძულისგან შედგება.

სანტორინისთვის დამახასიათებელია თეთრი და ყვავილებით შემკული სახლები, წისქვილები, ლურჯსახურავებიანი შენობები - ისინი პატარა ზომის მართლმადიდებლური ეკლესიებია. ყოველი ასეთი პატარა ეკლესია, რომელიმე ადგილობრივი ან ჩამოსული ოჯახის მიერ არის აშენებული რაიმე ღირსშესანიშნავი მოვლენის აღსანიშნავად და უფლისადმი მადლიერების გამოსახატავად.

სანტორინის ვიწრო ქუჩებში სეირნობით ტკბობისას აუცილებლად შენიშნავთ, რომ გარშემო თითქმის ყველა კედელი ვარდისფერი, იასამნისფერი, ან წითელი ყვავილებიანი სუროთია დაფარული. ტერიტორიაზე ლურჯი ფერი დომინირებს, ადგილობრივებს ამავე ფერში ხიბლავთ კარებისა და ფანჯრების შეღებვა - შედეგად, კუნძული მეტად მიმზიდველი და რომანტიკული ხდება.

კუნძული უამრავ ტურისტს იზიდავს  თავისი სისადავით, ეგეოსის ზღვის თვალისმომჭრელი ფერით და მომაჯადოვებელი სუნით, დამახასიათებელი არქიტექტურის და ფლორის კომპოზიციური შერწმით. კუნძულზე გამეფებული სიმშვიდე და ჰარმონია სრულ ბედნიერებას გგვრით და  მთელი ძალით ეგეოსის ზღვისკენ გექაჩებათ. ყოფითი პრობლემებისგან გასაქცევად სანტორინი საუკეთესო ადგილია. მოგეხსენებათ თეთრი ფერი, წყლის ხმა და ზღვის სუნი ერთგვარი თერაპიაა.

დამსვენებლებს განსაკუთრებით იზიდავთ  გამოქვაბულის ტიპის სასტუმროები, რომლებიც მისტიკურ ისტორიას ატარებენ. აქ ყოფნისას სასურველია, მოინახულოთ: პრეისტორიული თერას მუზეუმი, არქეოლოგიუი მუზეუმი, აკროტირი, სოფელი ემპორიო, სოფელი ოია. ძალიან დიდი პოპულარობით სარგებლობს ექსკურსიები და დაივინგი. გემით სეირნობით დიდ სიამოვნებას მიიღებთ.

დიდი პოპულარობით სარგებლობს ღია კაფე-რესტორნები - რასაკვირველია, ფერადოვანი ყვავილებით გაფორმებული ინტერიერითა და მაგიდებით. შეუძლებელია, სანტორინს ესტუმრო და არ დააგემოვნო თევზი და ღვინო.

კუნძულზე საცურაო აუზები, კომფორტული სასტუმროები, კლუბები და ბარები გიმასპინძლებთ - ყველაფერია იმისთვის, რომ შვებულება დაუვიწყარი გახდეს. როგორც ამბობენ, მზის ჩასვლა ასეთი ლამაზი არსადაა - საღამოს ტურისტები სასტუმროს აივანზე რჩებიან და შთამბეჭდავი ხედით ტკბებიან.

 

ვრცლად ნახვა
"თბილისის აეროპორტში" ზაფხულიდან ოპერირებას სამი ახალი ავიაკომპანია დაიწყებს

"თბილისის საერთაშორისო აეროპორტში" ზაფხულის სეზონიდან ოპერირებას სამი ახალი კომპანია Kuwait Airways, Jazeera airways და Iran Air დაიწყებს. მომავალი წლიდან სიას "ბლუ ეირიც" შეემატება. 

აღსანიშნავია ქართული ავიაკომპანიების აქტიური ჩართულობაც.

 შეგახსენებთ, რომ  "აირზენას"  28 მარტიდან 8-9 ახალი მიმართულება ექნება.  ასევე კიდევ ერთი ახალი ქართული კომპანია "მაი ვეი" ჩაერთვება საქმეში და მალე დაიწყებს ოპერირებას. ველოდებით, რომ ახალი ქართული ავიაკომპანია, "მაი ვეი",და ის სავარაუდოდ მარტიდან დაიწყებს ოპერირებას.

გასულ წელს "თბილისის საერთაშორისო აეროპორტი" 3 120 000 მგზავრს მოემსახურა, 40%-ით მეტს, ვიდრე 2016 წელს. მიმდინარე წელს კი მგზავრთნაკადის კიდევ 20-25%-იან ზრდას ელიან.

ასევე ქუთაისის აეროპორტში ირლანდიური დაბალბიუჯეტიანი ავიაკომპანია Ryanair- შესაძლოა 2019 წელს შემოვიდეს. საბოლოო გადაწყვეტილება საქართველოს საავიაციო ხელისუფლებასთან მიღწეული მოლაპარაკებებისა და კომპანიის მიერ ავიაპარკის შევსების შემდეგ იქნება მიღებული. 

 

ვრცლად ნახვა
ოკეანეში ჩაძირული სამოთხე-ანუ ფირუზისფერი დასვენება

ლეგენდის თანახმად მიწიერი სამოთხე ინდოეთის ოკეანეში, 1190 კუნძულადაა  გაფანტული. თეთრი სანაპიროები, მარჯნის გამოქვაბულები, ქოქოსის და ბანანის პალმები, ფირუზისფერი წყალი, ულამაზესი წყალქვეშა სამყარო, ბუნგალოები წყალში და ხმელეთზე. მართალია ყველას თავისი სამოთხე აქვს დედამიწაზე, მაგრამ ყველა ერთხმად  აღიარებს, რომ მალდივის კუნძულები ნამდვილი სამოთხეა, რომელიც დედამიწელებს გვერგო საჩუქრად!

 

მალდივები აზიის ყველაზე პატარა და პლანეტის ყველაზე დაბალი ქვეყანაა, რომელიც ზღვის დონიდან 1.5 მეტრს არ სცდება. მოიცავს 26 მარჯნის კუნძულს. თითოეული კუნძული კი ოკეანის ქვეშ მდებარე მთათა დიდი სისტემის მწვერვალს წარმოადგენს.

 

ტურისტული თვალსაზრისით კუნძულები მსოფლიოში ერთ-ერთ ლიდერ პოზიციას იკავებენ,  უკვე დიდი ხანია. მალდივები ერთ-ერთ რომანტიკულ ადგილად ითვლება დედამიწაზე, ამიტომ ის  იზიდავს წყვილებს, ახალდაქორწინებულებს ან უბრალოდ, ეგზოტიკური დასვენების მოყვარულებს. ის დამსვენებლებს სთავაზობს კომფორტულ სასტუმროებს, სპა ცენტრებსა და მასაჟის კაბინეტებს, ეგზოტიკურ რესტორნებსა და სათავგადასავლო ექსკურსიებს.  

 

მალდივის კუნძულები ნამდვილი სამოთხეა წყალქვეშა ყვინთვის მოყვარულთათვის: სუფთა, ფირუზისფერი წყალი, უამრავი ეგზოტიკური თევზი, ულამაზესი მარჯნის რიფები და მრავალფეროვანი ნიჟარები.  ჩამოსულ ტურისტთა დაახლოებით 60% ერთხელ მაინც ჩადის წყლის ქვეშ. იქ შეგიძლიათ იხილოთ წყალქვეშა ღირსშესანიშნაობები, რომელთა უმრავლესობა განლაგებულია კურორტების მახლობლად, სადაც ხორციელდება დაივინგ-კრუიზები.აქ ასევე ნახავთ უზარმაზარ კუებს, ზვიგენებს. შესაძლებელია დაათვალიეროთ ჩაძირული გემები.

 

წარმოიდგინეთ ფირუზისფერი წყალი, თეთრი ქვიშები, პალმები და ჰამაკები, ზღვის პროდუქტების ნაირსახეობა, ეგზოტიკური კოქტეილები, ბუნგალოები, ღამის გართობა, აუზები, სპა ცენტრები, ოკეანეში  ჩაძირული ვარსკვლავები, წყლის ხმა და თეთრი ქაფის შეხების შეგრძნება, რომელიც ამ ყველაფრის რეალობაში გარწმუნებს!

 

მალდივები ორი შეყვარებული ადამიანისთვის შეიქმნა, აჩუქეთ თქვენს მეორე ნახევარს ბილეთები სამოთხის მიმართულებით და მოიწყვეთ ფანტასტიკური და საოცნებო დასვენება შთამბეჭდავ მალდივებზე!

 

მოგზაურობისას გასათვალისწინებელი ფაქტორები:

-ალკოჰოლური სასმელების საზღვარზე შეტანა, საზოგადოებრივ ადგილებში დალევა, გარდა კურორტებისა, მკაცრად აკრძალულია.

-ასევე დაუშვებელია ნარკოტიკების, პორნოგრაფიისა და ღორის ხორცის პროდუქტების შეტანა.

-მარჯნის მოჭრა, ნიჟარების შეგროვება და თევზის დამოუკიდებლად დაჭერა ჯარიმდება.

-მალეში სეირნობისას ტანსაცმელი უნდა იყოს მუსულმანური ტრადიციების შესაბამისი. გრძელი ქვედაბოლო ან შარვალი.

-მაღალი ტემპერატურის გამო არ არის რეკომენდირებული ადგილობრივი წყლის გამოყენება.

-შიშვლად ბანაობა აკრძალულია.

ვრცლად ნახვა
WIZZ AIR ქუთაისიდან 13 ქვეყნის მიმართულებით იფრენს

Wizz Air გაზაფხულიდან რეისების შესრულებას რამდენიმე ახალი მიმართულებით იწყებს. ავიაკომპანია ქუთაისის აეროპორტიდან პარიზში, რომში, პრაღაში, ბარსელონაში, ათენში, რიგასა და ვენაში იფრენს.  ასევე გაიზრდება რეისების სიხშირე ყველაზე მოთხოვნად რამდენიმე მიმართულებაზეც, როგორიცაა შონეფელდისა და დორტმუნდის მიმართულებები. საბოლოოდ, Wizz Air -ის 2018 წლის საზაფხულო განრიგს 12 ახალი რეისი დაემატება. 

 

ამჟამად კომპანია მოგზაურებს რეისებს 9 ქვეყნის 13 მიმართულებით სთავაზობს, თუმცა 2018 წლიდან მომხმარებლებს ქუთაისის აეროპორტიდან 13 ქვეყნის მასშტაბით, 19 მიმართულებით მგზავრობის შესაძლებლობა მიეცემათ.

ვრცლად ნახვა
2018 წელს საქართველოს აეროპორტებიდან ახალი მიმართულებებით ფრენა იქნება შესაძლებელი

2018 წელს საქართველოდან რამდენიმე ახალი მიმართულებით იქნება ფრენა შესაძლებელი.იანვრის მონაცემებით, საქართველოს ყველა საერთაშორისო აეროპორტში მგზავრთ ნაკადის ზრდა ფიქსირდება. 

სიახლეება ავიამიმართულებების კუთხითაც. თბილისის საერთაშორისო აეროპორტიდან უახლოეს მომავალში პირდაპირ ავიარეისებს ამატებს ავიაკომპანია "აირზენა", მათ შორის: პარიზის, ბრიუსელის, ბარსელონის, ბერლინის, ბოლონიის, კიოლნის, სალონიკის, ათენისა და ბრატისლავის მიმართულებით. ასევე ველოდებით ახალ ავიაკომპანიებს სპარსეთის ყურის ქვეყნებიდან. 

ქუთაისის საერთაშორისო აეროპორტში ავიაკომპანია "ვიზ ეარი" ამატებს მეორე საჰაერო ხომალდს და ახალ მიმართულებებს, მათ შორის: ბარსელონა, პარიზი-ბოვე, პრაღა, ათენი, ვროცლავი, ვენა, რომი. ქუთაისიდან ასევე რეისებს ამატებს ავიაკომპანია "ფლაი დუბაი", რომელიც ასევე ახორციელებს ფრენებს თბილისისა და ბათუმის საერთაშორისო აეროპორტებში. ბათუმის საერთაშორისო აეროპორტი წელსაც ძალიან დატვირთული იქნება, იგეგმება რეგულარული და ჩარტერული რეისები სხვადასხვა ქვეყნიდან. 

2017 წელს საქართველოს საჰაერო სივრცის დატვირთვა 13%-ით გაიზარდა და 142 ათასზე მეტი ინსტრუმენტული ფრენა შესრულდა. რაც შეეხება მგზავრთნაკადს, 2017 წელს თბილისის საერთაშორისო აეროპორტის მგზავრთნაკადი 41%-ით, ქუთაისის საერთაშორისო აეროპორტის - 49%-ით, ბათუმის საერთაშორისო აეროპორტის - 59%-ით, ხოლო ადგილობრივი აეროპორტების (მესტია, ამბროლაური) - 108%-ით გაიზარდა. 

ვრცლად ნახვა
დუბაიში მსოფლიოში ყველაზე მაღალი სასტუმრო გაიხსნა

დუბაი სიმაღლის ახალ რეკორდ ამყარებს. ქალაქის ცენტრალურ ნაწილში Sheikh Zayed Road-ზე მსოფლიოში ყველაზე მაღალი სასტუმრო Gevora გაიხსნა, - წერს Khaleej Times. 

სასტუმრო 75 სართულისგან შედგება და მისი სიმაღლე 356 მეტრია. აქამდე ყველაზე მაღალი სასტუმროს ტიტულს კომპლექსი JW Marriott Marquis ფლობდა, რომლის შენობაც 72 სართულია და მისი სიმაღლე 355 მეტრს აღწევს. 

რეკორდსმენ სასტუმროში 4 რესტორანი, ღია აუზი, რამდენიმე სპორტული დარბაზი და 528 ოთახია. შენობის 71-ე სართულზე მდიდრული სპა-სალონია განთავსებული. სასტუმროში 6 ლიფტია, - ბოლოდან პირველ სართულზე დაბრუნებას კი 38 წამი სჭირდება.

ვრცლად ნახვა
ირანში ავიაკატასტროფის შედეგად ყველა მგზავრი დაიღუპა

ირანული ავიაკომპანია Aseman Airlines-ის თვითმფრინავმა, რომელიც თეირანიდან იასუჯში მიფრინავდა ისპაჰანის პროვინციაში ქალაქ სემირომის რაიონში ავიაკატასტროფა განიცადა. ავიაკატასტროფის შედეგად ყველა მგზავრი დაიღუპა. აღნიშნული ინფორმაცია ავიაკომპანიამ დაადასტურა. დაზუსტებული ინფორმაციით, თვითმფრინავში 66 ადამიანი იმყოფებოდა, მათ შორის ერთი ბავშვი.

 

ვრცლად ნახვა
რომელ ქალაქში გაერთობით ყველაზე კარგად?-2018 წლის კვლევის შედეგები

როგორც აქამდე აღმინიშნავს, მთელი წლის განმავლობაში სხვადასხვა ორგანიზაციები უამრავი ტიპის კვლევებს აწარმოებენ მოგზაურობასთან დაკავშირებით. ეს იქნება სასტუმროები, რომანტიკული ადგილები, ლამაქი ქუჩები, ზამთრის აქტივობები, ულამაზესი ქალაქები, საუკეთესო სამზარეულო და სხვ. ამჯერად ბრიტანული სამოგზაურო გამოცემა „ტაიმაუტი“  City Life Index-ის რეიტინგს გვთავაზობს, ეს კვლევა  მსოფლიოს საუკეთესო გასართობ ქალაქებს უკავშირდება. ექსპერტებმა 32 ქალაქი შეისწავლეს. რეიტინგის შედგენისას 15 ათასზე მეტი ტურისტის მოსაზრება გაითვალისწინეს. მაშ ასე, ვნახოთ რას გვირჩევენ გამოცდილი რედაქტორები და როგორ გამოიყურება ტოპ 10 ქალაქი:

 

1. ჩიკაგო, ამერიკა

2. პორტო, პორტუგალია

3. ნიუ-იორკი, ამერიკა

4. მელბურნი, ავსტრალია

5. ლონდონი, ინგლისი

6. მადრიდი, ესპანეთი

7. მანჩესტერი, ინგლისი

8. ლისაბონი, პორტუგალია

9. ფილადელფია, ამერიკა

10. ბარსელონა, ესპანეთი.

 

რეიტინგში ასევე შევიდნენ-პარიზი, მოსკოვი, სტამბოლი, ლოს-ანჯელესი, სიდნეი, დუბაი, ბერლინი, ედინბურგი, თელ ავივი, ოსტინი, მეხიკო, შანხაი, სან ფრანცისკო, ტოკიო, ციურიხი, ვაშინგტონი, ბანგკოკი, ჰონგ კონგი,მაიამი, ბოსტონი და სინგაპური.

 

ვრცლად ნახვა
ბორჯომ-ბაკურიანის გზაზე, ე.წ. “კუკუშკა“ რელსებიდან გადავიდა

ბორჯომ-ბაკურიანის მატარებელი, ე.წ. კუკუშკა მოძრაობისას რელსებიდან გადავიდა, - ამის შესახებ ინფორმაციას ბაკურიანის მუნიციპალიტეტის წარმომადგენელი გოჩა გობრონიძე პირველ არხს უდასტურებს. შემთხვევის შედეგად არავინ დაშავებულა. მატარებლის ბორბალი ლიანდაგებს შორის ჩავარდა და მიზეზი ჯერჯერობით დაუდგენელია. მგზავრებს  საფასური უკან დაუბრუნდათ და სხვა ტრანსპორტი მოემსახურათ. საქართველოს რკინიგზის ინფორმაციით, მოძრაობა დღესვე აღდგება. 

 

ვრცლად ნახვა