ადამ მიცკევიჩის ქუჩა N11

info@oktravel.ge

10 საინტერესო ფაქტი, რომელიც ბულგარეთში მოგზაურობას მოგანდომებთ

ბულგარეთი სამხრეთ-აღმოსავლეთ ევროპაში მდებარეობს და აღმოსავლეთიდან შავი ზღვის სანაპირო აკრავს. მართალია, დიდი ტერიტორიით არ გამოირჩევა, თუმცა, ბულგარელები მარტივად ახერხებენ, რომ მსოფლიოს ნებისმიერი კუთხიდან ჩასული ტურისტი, თავისი უძველესი და ძალიან საინტერესო კულტურით გააოცონ.

თუ შემოდგომის მიწურულს მოგზაურობა გადაწყვიტეთ და გაუსაძლისად ცივი ამინდების მოსვლამდე კიდევ ერთხელ გინდათ სტუმართმოყვარე გარემოში სასიამოვნო დრო გაატაროთ, მაშინ, ბულგარეთი ერთ-ერთი საუკეთესო დანიშნულების ადგილი იქნება.

აი, რატომ:

1. ბულგარეთი ევროპის ერთ-ერთი უძველესი სახელმწიფოა

 

დიახ, ბულგარეთი ევროპის ერთ-ერთი ყველაზე ძველი სახელმწიფოა, რომელიც მეშვიდე საუკუნეში დაარსდა და აღსანიშნავია, რომ ერთადერთი, რომელსაც დაარსებიდან დღემდე, სახელწოდება არ შეუცვლია.

2. მსოფლიოს უძველესი ოქროს ნაკეთობა ბულგარეთის ტერიტორიაზეა აღმოჩენილი

 

მსოფლიოს უძველესი ძვირფასეულობა, რომელიც ოქროსგანაა დამზადებული ბულგარეთის ტერიტორიაზე, ქალაქ ვარნას დასავლეთ ნაწილშია აღმოჩენილი. გათხრების დროს 6 ათასზე მეტი ნიმუში იპოვეს, რომლებიც ძვ.წ. 4560-4450 თარიღდება.

3. გუდასტვირი ბულგარელების ნაციონალური ინსტრუმენტია

 

შოტლანდიელებისა და ირლანდიელების გარდა, ბულგარეთი კიდევ ერთი სახელმწიფოა სადაც გუდასტვირი ნაციონალურ მუსიკალურ ინსტრუმენტად ითვლება.

4. ბულგარეთი ვარდების ქვეყანაა

ბულგარეთიდან არამხოლოდ ვარდების, არამედ მისი ზეთის ექსპორტიც ხდება, რომელსაც მსოფლიო ბაზრის 85% უკავია. ეს ყველაფერი კი გვაფიქრებინებს, რომ ვარდი ბულგარეთის სიმბოლოა.

5. იქ საუკეთესო იოგურტს აკეთებენ

 

ბულგარელების იოგურტი მსოფლიოშია სახელგანთქმული და თუ არასდროს გაგისინჯავთ, მაშინ იქ ჩასვლისას პირველი რაც უნდა ქნათ, არის, რომ ეს უგემრიელესი დესერტი ჭამოთ. მოდი დავწეროთ ამ უნიაკლურ გემოს კი იოგურტს სპეციფიკური ბაქტერიები აძლევენ.

6. მათი ნაციონალური კერძი კიტრი-პომიდვრის სალათაა

ის ფაქტი, რომ ბულგარელების ერთ-ერთი ნაციონალური კერძის მთავარი ინგრედიენტები კიტრი და პომიდორია, კიდევ ერთ მიზეზია, რომ ამ ქვეყანას აუცილებლად უნდა ესტუმროთ.

მართალია ქართული სალათისგან განსხვავებით, ბულგარულ ვერსიას ყველიც აქვს, თუმცა, დარწმუნებული ვართ, რომ ქართულ ორეულს გემოთი არ ჩამოუვარდება.

7. ბულგარეთში იმდენი ღვინოა, რამდენსაც ვერსად ნახავთ

 

მართალია, საქართველო ღვინის სამშობლოდ არის აღიარებული, თუმცა, ბულგარეთში არაჩვეულებრივი კლიმატია, რათა ბევრი ყურძენი და შესაბამისად ჩვენზე ბევრად მეტი ღვინო ჰქონდეთ.

სწორედ ეს ქვეყანაა მსოფლიოში ყველაზე დიდი ღვინის მწარმოებელი, რომელიც წელიწადში დაახლოებით 200 ათას ტონა ყურძენს გადაამუშავებს.

8. ბულგარეთის დედაქალაქი, სოფია ევროპის მეორე ყველაზე ძველი ქალაქია

 

საბერძნეთის ათენის შემდეგ, ბულგარეთის დედაქალაქი ევროპის მეორე უძველესი ქალაქია. ქალაქის ისტორია 2 000 წელზე მეტ ხანს ითვლის.

9. ბულგარეთის ტერიტორიის მესამედს ტყე ფარავს

კი, ბულგარეთში ძალიან ბევრი ტყეა, სადაც პლანეტის ერთ-ერთი უძველესი ხეებია შემორჩენილი. მათი მონახულება კი დედამიწის არსებობის ისტორიის უძველეს მონაკვეთში გამოგზაურებთ.

10. თანხმობის ნიშნად ბულგარელები თავს აქეთ-იქით აქნევენ, უარყოფის ნიშნად კი ზევით-ქვევით

 

ეს ფაქტი ხშირად ხდება ხუმრობის საგანი ადგილობრივებსა და უცხოელ სტუმრებს შორის და შეიძლება თქვენთვისაც სახალისო გამოცდილება აღმოჩნდეს. ეს ტრადიცია ჯერ კიდევ იმ დროიდან მომდინარეობს, როცა ბულგარეთი ოსმალეთის იმპერიის ნაწილად იქცა.

 

წყარო:on.ge

ვრცლად ნახვა
8 ავიაკომპანიიდან, სადაც მგზავრებს ყველაზე გემრიელ კერძებს სთავაზობენ, 3 საქართველოში დაფრინავს

Turkish Airlines-ი, Aegean Airlines-ი და Pegasus Airlines-ი ის ავიაკომპანიებია, რომლებიც საქართველოში დაფრინავენ და რომლებიც South China Morning Post-ის ექსპერტის ნიკ ლუკასის შეფასებით, მგზავრებს ბორტზე ყველაზე გემრიელ კერძებს სთავაზობენ. ამავე რეიტინგში კიდევ 5 ავიაკომპანია მოხვდა. South China Morning Post-ის ექსპერტმა ანტირეიტინგიც შეადგინა, უგემური სადილების ჩამონათვალში ნიკ ლუკასმა მხოლოდ 3 ავიაკომპანია შეიყვანა, საიდანაც ერთი – „უკრაინის საერთაშორისო ავიახაზები“ საქართველოში დაფრინავს.

South China Morning Post-ის ექსპერტმა ნიკ ლუკასმა ამ რეიტინგის შედგენა მას შემდეგ გადაწყვიტა, რაც მსოფლიოს 147 აეროპორტიდან 600-ჯერ იფრინა და 50 ქვეყანა მოინახულა.გთავაზობთ ავიაკომპანიებს ყველაზე გემრიელი და უგემური კერძებით.

„უკრაინის საერთაშორისო ავიახაზები“

ექსპერტმა ამ ავიახაზებით ამსტერდამიდან კიევის მიმართულებით იმგზავრა. მას შესთავაზეს ქათამი ღია-ყავისფერი სოუსით, კარტოფილის პიურე და ბოსტნეული. ექსპერტის თქმით, კერძი საერთოდ არ გამოიყურებოდა მადის აღმძვრელად, ამიტომ ის საერთოდ არ გასინჯა, მაგრამ ყველაზე მეტად ის აღფრთოვანდა ფაქტით, რომ ამ სადილში 9 ევრო გადაიხადა.

Air India

ლუკასი ამ ავიახაზებით დელიდან პარიზში გადაფრინდა. საუზმეზე მას კრუასანი, 1 ნაჭერი შოკოლადის პეროგი და დაჭრილი ხილი შესთავაზეს. ნიკ ლუკასის თქმით, ეს იყო ყველაზე გამხმარი და გამომშრალი კრუასანი მის ცხოვრებაში. როგორც ექსპერტი ამბობს, მას არც ბორტის თანამშრომლები მოეწონა.

Air Serbia

კიდევ ერთი საშინელი საუზმე შესთავაზეს ლუკასს Air Serbia-ს თვითმფრინავით მგზავრობისას, როცა ის ბელგრადიდან ნიუ-იორკში ეკონომ-კლასით მიფრინავდა: ერბოკვერცხი ყველით, ლორი და შემწვარი ბოსტნეული. ექსპერტის თქმით, კვერცხი ზედმეტად იყო შემწვარი, ერთადერთი რამ, რაც მან გასინჯა, იყო ხილი. როგორც ექსპერტი აღნიშნავს, დიდი მოთმინებით ელოდა როდის დასრულდებოდა ფრენა, რათა შემდეგ, გემრიელი კერძი დაეგემოვნებია.

ცუდი შეფასებების შემდეგ, ექსპერტი სტატიაში საუბრობს ავიაკომპანიებზე, რომლებიც მგზავრებს უმაღლესი კლასის კერძებს სთავაზობს როგორც ზემოთ აღვნიშნეთ, ამ ავიაკომპანიათაგან 3 საქართველოში დაფრინავს.

Turkish Airlines

ექსპერტის შეფასებით, Turkish Airlines-ის ეკონომ-კლასში საუკეთესო კერძებს ამზადებს. თუ თქვენ აქ გადაწყვეტთ სადილობას, მაშინ ნამდვილი დღესასწაული გელოდებათ. ლუკასი მგზავრებს ურჩევს, აუცილებლად შეუკვეთონ ლიმონათი, რომელსაც სახლში მომზადებული სასმლის გემო აქვს.

Austrian Airlines

ნიკ ლუკასის ინფორმაციით, ავსტრიის ავიახაზები აქტიურად თანამშრომლობენ Do&Co-სთან, რომელიც გარანტიას იძლევა, რომ თქვენ ბორტზე უმაღლესი კლასის კერძები დაგხვდებათ. ლუკასი მის ყველაზე საყვარელ კერძებს იხსენებს, რომელიც ფრენისას შესთავაზეს. ესენია: სუში, ორაგულის ტარტი ავოკადოთი, იხვით მომზადებული კერძი და შოკოლადის მუსი. ეს სადილი მან ფრანკპურტიდან ვენაში ფრენისას მიირთვა.

EVA Air

გაგიგიათ აქამდე, რომ Hello Kitty-ს თვითმფრინავი არსებობდა? ლუკასმა სწორედ ამ თვითმფრინავით პარიზიდან ტაიბეიმდე იმგზავრა. მას Hello Kitty-ს სტილში, საბავშვო კერძები შესთავაზეს. ექსპერტის თქმით, ეს სადილი მის ცხოვრებაში ყველაზე გემრიელი და საყვარელი იყო. თუმცა როგორც ის სტატიაში აღნიშნავს, ბორტგამცილებლები თავს უხერხულად გრძნობდნენ, რადგან ზრდასრულ მამაკაცს ბავშვის საჭმელი მიუტანეს.

Vanilla Air

ექსპერტი ხაზგასმით აღნიშნავს, რომ მას განსაკუთრებით მოსწონს აზიური კომპანიები, მათ შორისაა Vanilla Air, რადგან ისინი მგზავრებს მაღალი კლასის სერვისს სთავაზობენ. ტაიბეიდან ტოკიოში ფრენისას სულ რაღაც 8 ევროდ, მას კარგად მომზადებული და მრავალფეროვანი კერძები შესთავაზეს.

Japan Airlines

Japan Airlines-ი სწორედ ის ავიაკომპანიაა, რომელიც ექსპერტის აზრით, ეკონომ და ბიზნეს კლასში მგზავრებს საუკეთესო კერძებს სთავაზობს. ნიკ ლუკასმა ბიზნეს-კლასის კერძებში გამოარჩია: საშიმი თინუსით, პიურე ყვავილოვანი კომბოსტოთი და სკუმბრიის შტრუდელი. ეს ყველაფერი ხაზგასმით ამბობს, რომ Japan Airlines-ი მგზავრებს უმაღლესი ხარისხის მომსახურებას სთავაზობს.

ვრცლად ნახვა
10 ადგილი ევროპაში, რომელსაც შემოდგომაზე აუცილებლად უნდა ეწვიოთ

ახალი ამბავი არ არის, რომ ზაფხულის თვეებში ევროპაში ტურისტულად ყველაზე დატვირთულია. მართლაც, ამ დროს კულტურული და ისტორიული ძეგლები სავსეა ტურისტებით, ბარები და რესტორნები გადაჭედილია, სიცოცხლე ჩქეფს, თუმცა, ამ დროს ასევე ძალიან ცხელა და ხშირად ხალხმრავლობაც შემაწუხებელია.

ნელ-ნელა უამრავმა ადამიანმა გაიაზრა, რომ მათთვის მოგზაურობისთვის საუკეთესო დრო, შესაძლოა, შემოდგომა იყოს. ამ დროს ფასებიც უფრო დაბალია, არც გაუსაძლისად ცხელა და ქუჩაში სიარულსაც უფრო მარტივად შეძლებთ.

წარმოგიდგენთ ა ქალაქს, რომელიც შემოდგომაზე განსაკუთრებით ლამაზია.

1. ბრიუგე, ბელგია

ფოტო: Kevin McCarthy

ბრიუგე შემოდგომაზე ევროპის ერთ-ერთ ყველაზე ლამაზ ქალაქად იქცევა, სახლები ოქროსფერი და მოწითალო ფერის ფოთლებით ფერადდება. არხებში არეკლილი სცენები კი განსაკუთრებით რომანტიკულ გარემოს ქმნის. რა თქმა უნდა, ბრიუგეში ინსტაგრამისთვის იდეალური ფოტოების გადაღებასაც შეძლებთ.

2. ბავარია, გერმანია

სამხრეთ გერმანიაში თქვენ ევროპის ერთ-ერთი ყველაზე შთამბეჭდავი პეიზაჟები დაგხვდებათ. აქ თოვლით დაფარული მთების ფონზე ოქროსფრად შეღებილ ტყეებს შეხვდებით. შემოდგომაზე ბავარიაში მრავალი ფესტივალიც იმართება, მათ შორის Oktoberfest. მოსანახულებელი სასახლეების ჩამოსათვლელად კი ორი ხელი არ გეყოფათ.

3. პიდმონტი, იტალია

ფოტო: BigStock

შემოდგომა, განსაკუთრებით კი ოქტომბერი იტალიაში საკვებისა და ღვინის სეზონია. ტრუფელი, წაბლი, შოკოლადი, ამ დროს თითოეულ საკვებს საკუთარი ფესტივალი აქვს. რა თქმა უნდა, ამ დროს ხდება ყურძნის დაკრეფაც. პიდმონტი ჩრდილოეთიდან ალპებითაა შემოსაზღვრული. ამ რეგიონში უთვალავ ბილიკს იპოვით და არაერთ ზღაპრულ ადგილს აღმოაჩენთ.

4. პრაღა, ჩეხეთი

ფოტო: Getty Images/Christer Fredriksson

შემოდგომაზე პრაღა განსაკუთრებით შთამბეჭდავია. ტურისტების რაოდენობა ნაკლებია, თუმცა ლამაზი დღეები და პეიზაჟები საკმარისზე მეტია. შემოდგომის ოქროსფერი ელფერი ისტორიულ ქალაქს იდეალურად ერწყმის, თანაც, შემოდგომაზე ქალაქის ღირსშესანიშნაობებს წყნარად და მშვიდად, ქაოსური ხალხმრავლობის გარეშე დაათვალიერებთ.

5. ლუგანო, შვეიცარია

ფოტო: Alex Polli

ლუგანო შვეიცარიის სამხრეთ რეგიონში, ლუგანოს ტბის პირას ალპების ქვეშ მოქცეული პატარა ქალაქია. ლუგანო წელიწადის ნებისმიერ დროს ულამაზესია, თუმცა შემოდგომაზე აქ ჩასვლა ნიშნავს, რომ ზაფხულის ძლიერი სიცხე არ შეგაწუხებთ. ოქტომბრის პირველ კვირაში ჩასვლით კი შემოდგომის ფესტივალსაც დაესწრებით, სადაც ადგილობრივ ფოლკლორს გაეცნობით და ყურძნის კრეფის დაწყებასაც იზეიმებთ.

6. კარვენდელის ნაკრძალი, ავსტრია

ფოტო: Stephan Westenberger
Follow

ეს ქალაქ ინსბრუკთან არსებული პატარა ტერიტორიაა, რომელიც ზღვის დონიდან 1200 მეტრის სიმაღლეზე მდებარეობს. აქ შეხვდებით ალპურ მდელოს, რომელიც ათასობით ნეკერჩხლის ხითაა დაფარული, თითოეული მათგანი კი შემოდგომაზე ოქროსფრად ბრწყინავს. ზოგიერთი ხის ასაკი 600 წელსაც აჭარბებს. ეს ლაშქრობებისთვის საუკეთესო ადგილია.

7. ლუარის ხეობა, საფრანგეთი

ფოტო: Matteo Colombo

ლუარის ხეობაში თვალუწვდენელ ვენახებს შეხვდებით, რომელთა საერთო ფართობი 75 000 ჰექტარს აჭარბებს. დამთვალიერებლების თქმით, თუ შემოდგომის ფერების სრულად აღქმა გსურთ, ლუარის ხეობა ამისათვის საუკეთესო ადგილია.

8. ჰალშტატი, ავსტრია

ფოტო: Earth Trekkers

ავსტრია ამ სიაში უკვე მეორედ მოხვდა, რაც ალბათ ამ ქვეყანაზე თავისთავად მეტყველებს. ჰალშტატი იუნესკოს მსოფლიო მემკვიდრეობის სიაშია შესული. ჰალშტატი ამავე სახელობის ტბის ნაპირზე არსებული პატარა ქალაქია და ის ტურისტებისთვის ერთ-ერთი ყველაზე პოპულარული ადგილია. ამ ადგილზე საუბრით თავს აღარ შეგაწყენთ და მოგცემთ საშუალებს, რომ ზემოთ მოცემული ფოტოებით დატკბეთ.

9. ბლედის ტბა, სლოვაკეთი

ეს ულამაზესი ტბა სლოვაკეთში, ლიუბლიანასთან ახლოს მდებარეობს, რის გამოც მას შეგიძლიათ დღის განმავლობაში ეწვიოთ.

შემოდგომაზე სტუმრობისას ყველაზე კარგი გადაწყვეტილება ტბის გარშემო არსებულ მთებზე ლაშქრობაა, საიდანაც თქვენს წინაშე ულამაზესი ხედები გადაიშლება. ხოლო თუ ფოტოგრაფებს გუმართლებთ, მათ, შესაძლოა, წყალში ულამაზესი ანარეკლების გადაღებაც შეძლონ.

10. ამსტერდამი, ნიდერლანდები

სექტემბერი, ოქტომბერი და ნოემბერი ამსტერდამის მოსანახულებლად ყველაზე ჯადოსნური დროა. გარშემო შედარებით სიმშვიდეა, ქალაქის არხები და პარკები ოქროსფერი ფოთლებითაა მოფენილი, ქუჩებზე გვერდიგვერდ ჩალაგებული ბარები და რესტორნები კი სიმყუდროვისა და კომფორტის განცდას აჩენს.

ვრცლად ნახვა
ცნობილი მწერლების სახლ-მუზეუმები, რომელთა მონახულებაც მოგზაურობისას შეგიძლიათ

მოზაურობისას ყველას თავისი მიზეზი აქვს, თუ რატომ სურს კონკრეტულად რომელიმე ადგილის მონახულება: ზოგიერთს ამა თუ იმ ქვეყნის კლიმატი და ბუნება იზიდავს, სხვას კულტურული ღირსშესანიშნაობები და ისტორიული ძეგლების დათვალიერება ხიბლავს, გურმანებს კი ერთი სული აქვთ ადგილობრივი სამზარეულო დააგემოვნონ. აი, ლიტერატურის მოყვარულების სამოგზაურო მიზნებზე კი იშვიათად ამახვილებენ ყურადღებას, არადა, გარდა იმისა, რომ მოგზაურობა ახალი წიგნების წასაკითხად ზედგამოჭრილი საბაბია, ამასთანავე ერთგულ მკითხველებს შესაძლებლობა აქვთ, მათთვის საყვარელი ან ლიტერატურის ისტორიაში მნიშვნელოვანი მწერლების სახლ-მუზეუმები მოინახულონ.

აი, რამდენიმე მათგანი, რომლებიც თქვენს სამოგზაურო დანიშნულების ადგილების შეგიძლიათ შემატოთ:

ანე ფრანკის სახლ-მუზეუმი, ამსტერდამი, ჰოლანდია

ფოტო: 360 Stories

ალბათ, სულაც არ გადავაჭარბებთ, თუ ვიტყვით, რომ მწერლებს შორის ანე ფრანკის სახლი ყველაზე მეტ დაინტერესებას იწვევს და ყოველწლიურად მილიონობით დამთვალიერებელს მასპინძლობს. ამ პოპულარობის საიდუმლო მისი მსოფლიოში სახელგანთქმული დღიურია: 14 წლის ებრაელი გოგონა ამსტერდამში, ამ უკვე ცნობილ სახლში მეორე მსოფლიო ომის დროს ფაშისტებს ოჯახთან ერთად ემალებოდა და დღიურში სწორედ იქ მუდმივ შიშში გატარებული დღეების შესახებ გულახდილად გვიამბობს.

ფრანც კაფკას სახლ-მუზეუმი, პრაღა, ჩეხეთი

ფოტო: giggel

პრაღა დამთვალიერებლებს ყოველთვის იზიდავდა თავისი გამორჩეული არქიტექტურით, 2005 წლიდან კი ამ ქალაქში აუცილებლად სანახავ ადგილებს ფრანც კაფკას რესტავრირებული სახლ-მუზეუმიც შეემატა. თუ წაგიკითხავთ პროცესიმეტამორფოზა და ამერიკა, პრაღაში მოგზაურობისას შესაძლებლობა გაქვთ ის ადგილი მოინახულოთ, სადაც ეს საკულტო ნაწარმოებები შეიქმნა.

თომას მანის სახლ-მუზეუმი, ლიუბეკი, გერმანია

ფოტო: LUEBECKER MUSEEN

მეოცე საუკუნის ერთ-ერთ ყველაზე დიდებულ ნაწარმოებად აღიარებული ბუდენბროკები, როგორც ცნობილია, თავად მწერლის, თომას მანის ოჯახის ისტორიის ერთგვარი ინტერპრეტაციაა. გერმანიაში მოგზაურობისას კი შეგიძლიათ სწორედ ის როკოკოს სტილით ნაგები გრანდიოზული შენობა მოინახულოთ, რომელიც არა მხოლოდ ამ ცნობილი რომანის ერთგვარი შთაგონების წყაროა, არამედ ამ სახელოვანი მწერლის მშობლიური სახლიცაა.

მარსელ პრუსტის სახლ-მუზეუმი, ილიე-კომბრე, საფრანგეთი

ფოტო: Public Domain

ცნობილ ფრანგ მწერალს, მარსელ პრუსტს ბავშვობაში ასთმა აწუხებდა, რის გამოც ზაფხულისა და ზამთრის არდადეგებს ხშირად საფრანგეთის ჩრდილოეთით, ქალაქ ილიეში ატარებდა. იქაური მოგონებები იმდენად გარდამტეხი აღმოჩნდა მისთვის, რომ თავის შვიდი ნაწილისგან შემდგარ წიგნების სერიაში დაკარგული დროის ძიებაში მოქმედება ძირითადად სწორედ იქ ვითარდება, ოღონდ მწერალი წიგნში მას კომბრედ მოიხსენიებდა. ეს სახელი კი მკითხველებში იმდენად პოპულარული გახდა, რომ 1971 წელს მწერლის საპატივცემოლოდ იქაურობას ილიე-კომბრე დაარქვეს.

ვირჯინია ვულფის სახლ-მუზეუმი, როდმელი, ინგლისი

ფოტო: Oliver Mallinson Lewis

ინგლისის ისტორიულ რეგიონში, აღმოსავლეთ სასექსში არის ერთი პატარა სოფელი როდმელი, რომელშიც 1919 წელს ვირჯინია ვულფმა და მისმა ქმარმა, ლეონარდ ვულფმა მეთექვსმეტე საუკუნეში აგებული სახლი შეიძინეს და ლონდონიდან იქ გადაცხოვრდნენ. სწორედ ამ სახლში ხდებოდა ხშირად ცნობილი "ბლუმსბერის ჯგუფის" შეხვედრები და მძიმე დეპრესიით დაავადებული ვირჯინია ვულფიც სიცოცხლის ბოლომდე იქ ცხოვრობდა.

 

წყარო: On.ge

ვრცლად ნახვა
რატომაა აკრძალული ტელეფონების გამოყენება ფრენისას?

თუ თვითმფრინავით გიფრენიათ, თქვენთვის ნაცნობი იქნება ფრაზა, რომლითაც აფრენამდე ტელეფონების გამორთვას, ან მათ ფრენის რეჟიმში გადაყვანას გთხოვენ. მაგრამ, რატომ?

როდესაც ზარის მიღებას ან წამოწყებას ცდილობთ თქვენი მობილური ტელეფონი კავშირგაბმულობის ყველაზე ახლო ანძას უკავშირდება. თეორიულად ამან, შესაძლოა, თვითმფრინავის სისტემებზე გარკვეული გავლენა მოახდინოს. ეს განსაკუთრებით შესამჩნევი, შესაძლოა, მაშინ იყოს, როდესაც 100 ან მეტი მგზავრის მობილური სატელეფონო ანძებთან დაკავშირებას ერთდროულად ცდილობს.

ისიც უნდა ითქვას, რომ თუ 9 კილომეტრის სიმაღლეზე თქვენი ტელეფონის ქსელს ჩართულს დატოვებთ, დიდი ალბათობით, არც არაფერი მოხდება. დღემდე არ დაფიქსირებულა არც ერთი პრეცენდენტი, როდესაც მობილურებმა რაიმე სახიფათო შემთხვევა გამოიწვიეს. რისკი მინიმალურია, თუმცა, ავიაკომპანიებს და აშშ-ს ფედერალური ავიაციის ადმინისტრაციას, რა თქმა უნდა, ურჩევნია, რომ თავი მაქსიმალურად დაიზღვიოს.

მობილურ ტელეფონებს ურთერთქმედების გამოწვევის პოტენციალი მაშინაც აქვთ, როდესაც თქვენ მათ აქტიურად არ იყენებთ. სწორედ ამიტომ გთხოვენ თვითმფრინავში ტელეფონის გამორთვას (ან ფრენის რეჟიმში გადაყვანას) იმ შემთხვევაშიც კი, თუ თქვენ მის გამოყენებას არ აპირებთ.

აღსანიშნავია, რომ თვითმფრინავებში Wi-Fi უფრო და უფრო ხელმისაწვდომი ხდება, შესაბამისად, მალე, ფრენისას იმეილების შემოწმება და იუთუბის თვალიერება პრობლემა აღარ იქნება.

რა თქმა უნდა, თვითმფრინავიდან Wi-Fi-ს საშუალებით ზარების განხორციელებაც სავსებით შესაძლებელია. თუმცა, გასათვალისწინებელია მეორე ფაქტორიც, წარმოიდგინეთ თვითმფრინავი, რომელშიც ათეულობით ადამიანი ტელეფონზე ერთდროულად საუბრობს. ეს სასიამოვნო გამოცდილება ნამდვილად არ იქნება.

 

ვრცლად ნახვა
World Economic Forum-ი მოგზაურობისთვის 25 საუკეთესო ქვეყანას ასახელებს

World Economic Forum-ი მოგზაურობისთვის 25 საუკეთესო ქვეყანას ასახელებს. კვლევის ჩატარებისას მათ მსოფლიოს 140 ქვეყნის შესახებ საერთაშორისო ორგანიზაციების მიერ შეგროვებული ინფორმაცია გამოიყენეს.

საუკეთესო ქვეყნების გამოსავლენად მათ რამდენიმე ფაქტორი გითვალისწინეს. ესენია: ბიზნეს გარემო, უსაფრთხოება, ჯანდაცვა და ჰიგიენა, შრომითი ბაზარი და საინფორმაციო და საკომუნიკაციო ტექნოლიგიები, ტურისტული ინფრასტრუქტურა, ქვეყნის ღიაობა, კულტურა, ბუნებრივი რესურსები და ფასები.

თითოეულ მიმართულებაში ისინი ქვეყანას 1-დან 7 ქულამდე აფასებდნენ. გთავაზობთ კვლევის შედეგად გამოვლენილ 25 საუკეთესო ქვეყანას:

25. საბერძნეთი

24. ბელგია

23. ლუქსემბურგი

22. შვედეთი

21. დანია

20. ნორვეგია

19. მექსიკა

18. ახალი ზელანდია

17. სინგაპური

16. სამხრეთ კორეა

15. ნიდერლანდები

14. ჰონგ-კონგი (ჩინეთი)

13. ჩინეთი

12. პორტუგალია

11. ავსტრია

10. შვეიცარია

9. კანადა

8. იტალია

7. ავსტრალია

6. გაერთიანებული სამეფო

5. აშშ

4. იაპონია

3. გერმანია

2. საფრანგეთი

1. ესპანეთი

ვრცლად ნახვა
სად უნდა გასინჯოთ საუკეთესო „ქუჩის საკვები„ ფლორენციაში

ფლორენცია სთრით ფუდის მოყვარულების სამოთხეა, ქალაქის ცენტრი სავსეა კიოსკებით და ფასთ ფუდის მანქანებით, სადაც ფლორენციული დელიკატესების შეძენაა შესაძლებელი. აქ შეგიძლიათ ისეთი კერძები გასინჯოთ, რომლებიც იტალიის სხვა მხარეში, შესაძლოა, ვერც კი ნახოთ. შესაბამისად, ამ სტატიაში ფლორენციის საუკეთესო ფასთ ფუდ ადგილების სიას შემოგთავაზებთ.

Nerbone - მერკატო ცენტრალეს ბაზრობაზე

ფლორენციაში ყველაზე კარგი ადგილი სთრით ფუდის გასასინჯად ნერბონეა. ეს ისტორიული ადგილი ცენტრალური ბაზრობის G სართულზეა, სან ლორენცოს სამეზობლოში. მეყვავილეების, ყასბების და ადგილობრივი პროდუქტის ობიექტების მახლობლად, ძალიან ბევრი კერძის გასინჯვაა შესაძლებელი. ნერბონეს მენიუს იაფი და მრავალფეროვანია. თუ რიგი დაგხვდათ ნუ დანებდებით, ნერბონე დამსახურებულად გახდა ცნობილი, რადგანაც ეს ადგილი არაჩვეულებრივ, ავთენტურ ფლორენციულ კულინარიულ გამოცდილებას შემოგთავაზებთ.

 

 

All’Antico Vinaio

უფიცის მუზეუმის მახლობლად, ქუჩაზე, რომელიც პიაცა დელა სიგნორიასა და სანტა კროჩეს ერთმანეთთან აკავშირებს All’Antico Vinaio დაგხვდებათ, ეს ის ადგილია, სადაც ძალიან გემრიელი პანინის გასინჯვა შეგიძლიათ. საკვები ობიექტი ფლორენციის ღვინის ისტორიულ მაღაზიებს შორის არის მოქცეული და კარგი კეძებისა და სოციალური მედიის წყალობით ერთ-ერთ საუკეთესო ადგილად იქცა, თუმცა თუ რიგში დგომა გეზარებათ, ეს ადგილი თქვენთვის არ არის.

 

 

Da’ Vinattieri

ბარგელოს ნაციონალური მუზეუმიდან რამდენიმე ნაბიჯში, ფლორენციიის გულში ტრიპპასას და ლამპრედოტოს გასასინჯად საუკეთესო ადგილს — Da’ Vinattier-ს ნახავთ . ადგილობრივები აქ ძალიან ხშირად დადიან, რაც ნიშნავს იმას, რომ კერძები კარგი და ტოსკანასთვის ტიპურია. ფლორენციელები ამბობენ, რომ აქ საუკეთესო სჩიაჩატა შეგიძლიათ მიირთვათ, რომელიც ტოსკანური სალიამით იქნება სავსე. აქვე შეგიძლიათ მიირთვათ ტოსკანური სუპები, მაგალითად: რიბოლიტა, ან პაპა ალ პომოდორო, ორივე საუკეთესოა.

 

 

Antico Trippaio

ანტიკო ტრიპაიო ავთენტური ტოსკანური ფასთ ფუდის ჯიხურია, რომელიც პონტე ვეჩიოსთან, სანტა კროჩესა და პიაცა დელა რეპუბლიკასთან ახლოს მდებარეობს. აქ შეგიძლიათ ტრიპა ან ლამპრედოტო მიირთვათ, თანაც ფლორენციისთვის დამახასიათებელ სტილში: ფეხზე მდგარმა, ან ქუჩაში მდგომ მაგიდასთან. მფლობელი ძალიან მეგობრული ადამიანია, სენდვიჩებს კი ყოველთვის კლასიკური მწვანე სოუსით მოგართმევთ. აქვე შეგიძლიათ თქვენი ლანჩი ფინჯანი ყავით დაასრულოთ.

 

 

ვრცლად ნახვა
10 კერძი, რომელიც საბერძნეთში მოგზაურობისას უნდა გასინჯოთ

ბერძნებს მდიდარ კულტურასთან ერთად, საკმაოდ მდიდარი სამზარეულოც აქვთ. თუ საბერძნეთში მოგზაურობას აპირებ, საკმაოდ საინტერესო გასტრონომიულ სიას შემოგთავაზებ, რომელიც მოშიებულს დროსაც დაგაზოგინებს და საკვების შეკვეთისას მოსალოდნელ უხერხულობასაც თავიდან აგაცილებს.

ყველისა და ისპანახის ღვეზელი: სპანაკოპიტა

ფოტო: Vicky Wasik

თქვენ, შესაძლოა, ბავშვობაში ისპანახი გეზიზღებოდათ, თუმცა სპანაკოპიტას დამსახურებით ბერძენი ბავშვებისთვის ეს ალბათ წარმოუდგენელია. ყველის და ისპანახის ღვეზელი საბერძნეთში ნაციონალური დელიკატესია, რომელიც სასარგებლო ბოსტნეულს, რომელსაც ადრე შეიძლება გაძალებდნენ, ახლა თქვენთვის სასურველს გახდის.

სპანაკოპიტას მთავარი ინგრედიენტებია: ისპანახი, ყველი, ხახვი, კვერცხი და კამა. მომზადებული მასა კი ფენოვან ცომში ცხვება. შედეგად, ერთ-ერთ საუკეთესო ღვეზელს ვღებულობთ.

სუვლაკი და გირო

ფოტო: Leabliab

ყველაზე ცნობილი ბერძნული კერძი ცეცხლზე ნელა მომზადებული ხორცია, რომელიც შეიძლება ცხვრის, ღორის, ან ქათმის იყოს. ცეცხლზე შემწვარი ხორცი სტუმრამდე სუვლაკის, ან გიროს სახით მიდის. ამ ორს შორის განსხვავება მხოლოდ ნამდვილმა ბერძნებმა იციან!

ანიტა ჰენდრიეკას თქმით, სუვლაკი გიროსგან იმით განსხვავდება, რომ ხორცი ცალკეა, სალათი და ბრტყელი პური კი მას თან ახლავს. გიროს შემთხვევაში, ეს ყველაფერი პურში ერთად არის მოქცეული, ხანდახან, შესაძლოა, ასეთ მიქსში კარტოფილი ფრიც იყოს დამატებული.

ბერძნული ხორცის ბურთები: კეფთეზესი

ფოტო: Elizabeth Lindemann

ბერძნები ხორცის ნამდვილი ოსტატები არიან. ერთ-ერთი პოპულარული კერძი, რომელიც საბერძნეთში აუცილებლად უნდა გასინჯოთ კეფთეზესია. ბურთულები ძირითადად აპეტაიზერის ფუნქციას ასრულებს ხოლმე, თუმცა, შესაძლოა, მთავარი კერძიც იყოს, თუ სალათითა და ბრინჯით მოგართმევენ.

ტრადიციულად ხორცის ბურთულებს ადუღებულ ზეთში წვავენ. მიირთმევენ მარილით, წიწაკით,ხახვით, ყველით, პიტნითა და ოხრახუშით შეკმაზულს. თუ ხორცის მოყვარული ხართ შეუძლებელია, ამ კერძმა იმედები გაგიცრუოთ.

ბერძნული სალათი: ჰორიატიკი

ფოტო: Olivetomato.com

ბერძნული სალათი, რომელსაც ადგილობრივები ჰორიატიკის უწოდებენ თითქმის ყველგან უყვართ, მისი მირთმევა კი მსოფლიოს მასშტაბით ალიან ბევრგან შეგიძლიათ. თუმცა ყველაზე ავთენტურ ვერსიას, რა თქმა უნდა, საბერძნეთში გასინჯავთ.

ბერძნებს ამ სალათის რამდენიმე ვარიაცია აქვთ, თუმცა ძირითადად ყველა ერთმანეთს ჰგავს. მთავარი რეცეპტის შემადგენლობა კი ასე გამოიყურება: პომიდორი, ყველი ფეტა, ზეთისხილი, კიტრი, ხახვი და ზეითუნის ზეთი. ასევე, შესაძლოა, დაამატონ პატარა ორცხობილები ან წიწაკა. ამ სალათის მისართმევად იდეალური დრო ზაფხულია, როდესაც ყველა ინგრედიენტის სეზონი და იდეალური დროა.

ტოლმა ვაზის ფოთოლში

ფოტო: Akis Petretzikis

ასეთი ტოლმა საბერძნეთში საწყის კერძად იოგურტთან ერთად მოაქვთ ხოლმე. ვაზის ფოთოლი ბრინჯით, ხორცითა და მწვანილითაა სავსე. ტოლმა, შესაძლოა, სხვა სახითაც შემოგხვდეთ, მაგალითად, პომიდორში, წიწაკაში, კომბოსტოში, ან სულაც კალმარში.

შემწვარი ყველის ბურთულები: ტიროკროკეტეს

ფოტო: Eli K. Giannopoulos

როგორც უკვე ვთქვით, ბერძნები ხორცის ოსტატები არიან, თუმცა როდესაც საქმე ყველს ეხება, აქაც რაღაც განსაკუთრებულ ძალებს ვაწყდებით. ყველამ იცის, რომ საბერძნეთში უგემრიელესი ფეტას მირთმევაა შესაძლებელი, თუმცა ძალიან ცოტას სმენია ყველის კერძების შესახებ. ერთ-ერთი ასეთი ტიროკროკეტესია.

ადუღებულ ზეთში შემწვარი ყველის ბურთულები... გაგრძელება საჭიროა? ეს კერძი საბერძნეთში ყოფნისას ერთხელ მაინც უნდა გასინჯოთ

პურის რგოლები: კოულოური

ფოტო: Aphrodite's Ambrosia

საბერძნეთში ბრტყელი პური საკმაოდ ბევრგან გხვდებათ, თუმცა არსებობს პურის განსხვავებული სახეობაც, რომელსაც კოულოური ჰქვია. ათენსა და სალონიკში საკმაოდ პოპულარულია, ხშირად შეამჩნევთ სამსახურში მიმავალ ადგილობრივებს, რომლებიც გზაში მრგვალ პურს მიირთმევენ.

კოულოური მრგვალი, რბილი პურია, რომელსაც სეზამის მარცვლები აქვს მოყრილი. იდეალურია ყავასთან ერთად, ან საუზმეზე.

დესერტი: ლოუკოუმადეს

ფოტო: Eli K. Giannopoulos

ბერძნული დესერტები ძირითადად მდიდარი გემოთი გამოირჩევა. ხშირად სიროფით და თხილით შეგხვდებათ და უფრო გემრიელია, თუ მიღებულ კალორიებს არ ითვლით. საბერძნეთში ყოფნისას მხოლოდ ერთი დესერტის გასინჯვის უფლება რომ გქონდეთ, ლოუკოყმადეს გირჩევდით. ეს დონატის მსგავსი ნამცხვარია, თაფლის სიროფით. ხანდახან, შესაძლოა, დარიჩინითაც შეხვდეთ, ან თავზე მოხეხილი თხილით.

ადგილობრივების საყვარელი კერძი: მოუსაკა

ფოტო: Karl Morley

ბერძნების ერთ-ერთი ყველაზე საყვარელი კერძი ლაზანიას მსგავსი მოუსაკაა, რომელსაც საბერძნეთის სასადილოებსა და ოჯახურ შეკრებებზე იოლად იპოვით. მოუსაკა ფენებად დალაგებული ფარში, ბადრიჯანი და ბეშამელის სოუსია. გემო საკმაოდ მდიდარი აქვს, დამატებით საწებლის, საკმაზის, ან რამე მსგავსის დამატება არ დაგჭირდებათ. ყველაფერთან ერთად კი ერთი ცუდი თვისება აქვს, შესაძლოა დამოკიდებული გახდეთ და ეს კერძი რამდენჯერმე ზედიზედ შეუკვეთოთ.

ბერძნული ლაზანია: პასტიციო

ფოტო: Tablespoon Kitchens

კიდევ ერთი ბერძნული კერძი, რომელიც ლაზანიას მოუსაკაზე უფრო მეტად ჰგავს პასტიციოა. ეს კერძი გამოცხვარი მაკარონისაგან და სტანდარტული იტალიური ინგრედიენტებისგან შედგება: საქონლის ფარში და ბეშამელის სოუსი. საბერძნეთში პასტიციო, შესაძლოა, მწვანე სალათთან ერთად მოგართვან. პასტიციოში ყველაზე ხშირად პენეს, ან ზიტის იყენებენ ხოლმე.

 

 © on.ge

ვრცლად ნახვა
პოზნანი – ახალი მიმართულება ქუთაისის საერთაშორისო აეროპორტიდან

ქუთაისის საერთაშორისო აეროპორტიდან პოლონეთის ქალაქ პოზნანის მიმართულებით პირველი პირდაპირი რეგულარული რეისი შესრულდა. პირველი რეისის მგზავრებს ,,საქართველოს აეროპორტების გაერთიანების ორგანიზებით“ სიმბოლური საჩუქრები დაურიგდათ.

პოზნანი პოლონეთის რიგით მეექვსე მიმართულებაა, სადაც დღეიდან ქუთაისის საერთაშორისო აეროპორტიდან მოხვედრაა შესაძლებელი. პოლონეთის ,,მუსიკალურ დედაქალაქად წოდებულ“ ქალაქ პოზნანში რეისებს ქუთაისიდან კვირაში ორი სიხშირით უნგრული დაბალბიუჯეტიანი ავიაკომპანია Wizz Air ასრულებს.

“10 სექტემბრიდან ქუთაისის საერთაშორისო აეროპორტიდან ევროპის ყველაზე სწრაფად მზარდმა უნგრულმა დაბალბიუჯეტიანმა ავიაკომპანია Wizz Air-მა 7 ახალი მიმართულებით დაიწყო პირდაპირი რეისების განხორციელება.

პირდაპირი რეგულარული რეისები ბაზელის, კოპენჰაგენის, ბრიუსელის, ტალინის, ეინდჰოვენის, ბარის მიმართულებით სრულდება. მათ რიცხვს დღეიდან პოლონეთის ქალაქი პოზნანიც დაემატა. საერთო ჯამში, ამ მომენტისთვის ქუთაისის საერთაშორისო აეროპორტიდან ევროპის უკვე 28 ქალაქის მიმართულებით არის მოხვედრა შესაძლებელი. ქუთაისის საერთაშორისო აეროპორტი მნიშვნელოვან როლს ასრულებს საქართველოში ევროპიდან ახალი ტურისტული ნაკადის მოზიდვაში, რაც ჩვენი ქვეყნის ეკონომიკის განვითარების ერთ-ერთი მნიშვნელოვანი პრიორიტეტია”, – აცხადებენ საქართველოს აეროპორტების გაერთიანებაში.

ავიაკომპანია Wizz Air-მა ქუთაისის საეთაშორისო აეროპორტიდან ოპერირება 2012 წელს დაიწყო. 2016 წლის სექტემბერში ქუთაისის საერთაშორისო აეროპორტში, რეგიონში ავიაკომპანია ვიზეარის პირველი ბაზა გაიხსნა. 2017 წლის მაისში ქუთაისის საერთაშორისო აეროპორტს ვიზეარის მეორე ბაზირებული საჰაერო ხომალდი და ევროპის 5 ყველაზე მოთხოვნადი მიმართულება დაემატა. 2018 წელს ვიზეარმა ქუთაისის საერთაშორისო აეროპორტის მგზავრთნაკადის 95 % გადაიყვანა ( 587,643 მგზავრი) და საქართველოს ავიაციის ისტორიაში პირველად, ვიზეარი ბაზრის ლიდერი გახდა.

ვრცლად ნახვა
საქართველოში მოქმედი ავიაკომპანიების რეიტინგი

2019 წლის პირველ ნახევარში საქართველოში მოქმედი ავიაკომპანიები 2,449,268 მგზავრს მოემსახურნენ. სამოქალაქო ავიაციის სააგენტოს მონაცემებით, ნახევარი წლის შედეგებით საქართველოს საავიაციო ბაზარზე პირველ ადგილზე უნგრულმა ავიაომპანია Wizz Air-მა გადაინაცვლა, რომელიც ფრენებს ქუთაისის საერთაშორისო აეროპორტიდან ახორციელებს, ავიაკომპანია წლის პირველ ნახევარში 348,850 მგზავრს მოემსახურა, რითიც ბაზრის 14% უჭირავს.

 

საქართველოში მოქმედი ავიაკომპანიების პირველი ათეული გადაყვანილი მგზავრების რაოდენობის მიხედვით:

 

  1. Wizzair - 348,850 მგზავრი, ბაზრის წილი 14%;
  2.  ჯორჯიან ეარვეისი - 260,776 მგზავრი, ბაზრის წილი 11%;
  3. Turkish Airlines - 255,066 მგზავრი, ბაზრის წილი 10%;
  4. ურალის ავიახაზები - 180,041 მგზავრი, ბაზრის წილი 7%
  5. პობედა - 175,474 მგზავრი, ბაზრის 7%;
  6.  უკრაინის საერთაშორისო ავიახაზები - 106,625 მგზავრი, ბაზრის წილი 4%;
  7.  Fly Dubai - 100,785 მგზავრი, ბაზრის წილი 4%;
  8. აეროფლოტი - 94,305 მგზავრი, ბაზრის წილი 4%
  9. ციმბირის ავიახაზები - 90,431 მგზავრი, ბაზრის წილი 4%;
  10. პეგასუსი - 80,556 მგზავრი, ბაზრის წილი 3%
ვრცლად ნახვა
ევროპის 12 საუკეთესო ქვეყანა ბავშვებთან ერთად სამოგზაუროდ

დღეს მსოფლიოში ყველაზე მარტივად, კომფორტულად და მოსახერხებლად მოგზაურობა ევროპის კონტინენტზეა შესაძლებელი, სადაც შეხვდებით როგორც მაღალ მთებს, ასევე დაბლობებს, დიდ ქალაქებსა თუ პატარა სოფლებს. ამასთანავე, გამართული სატრანპორტო სისტემა და საერთო ენაზე კომუნიკაციის შესაძლებლობა ევროპაში მოგზაურობას საკმაოდ ამარტივებს.

ცნობილია ამასთანვე ის ფაქტი, რომ ევროპა მოსახერხებელია ოჯახთან ერთად სამოგზაუროდ. გამოცემა WanderlustStoryTeller დაინტერესდა, თუ რომელია 12 საუკეთესო ქვეყანა ევროპაშვი ბავშვებთან ერთად სამოგზაუროდ.

1. შვედეთი

გამოკითხვის მიხედვით, პირველი ადგილი შვედეთმა დაიკავა. სკანდინავიის ეს ულამაზეს ქვეყანა ყველაზე მეტად მოსახერხებელია შვილებთან ერთად სამოგზაუროდ. შვედეთის დედაქალაქ სტოკჰოლმში ბავშვები ნამდვილად ვერ მოიწყენენ. აქ მათ ბევრი სხვადასხვა გასართობის ნახვა შეუძლიათ პარკებითა და ზოოპარკით დაწყებული, მუზეუმებითა და ზღვაში გასეირნებით დამთავრებული. თანაც, შვედეთში, უმეტესობა თავისუფლად საუბრობს ინგლისურად.

2. ავსტრია

გამოკითხვაში მე-2 ადგილზე ავსტრია გავიდა. ევროპის ეს მთიანი ქვეყანა ბავშვებთან ერთად სამოგზაუროდ ერთ-ერთი ყველა კარგი ვარიანტია. აქ შესაძლებელია მაღალმთიანი სოფლების, მსოფლიოში უდიდესი ყინულოვანი გამოქვაბულისა და დინოზავრების პარკის დათვალიერება.

3. ხორვატია

თუ გსურთ შვილებთან ერთად ულამაზეს ზღვის სანაპორებზე დაისვენოთ, მაშინ ხორვატიას აუცილებლად უნდა ესტუმროთ, განსაკუთრებით კი, სასურველია ზღვისპირა ქალაქის დუბროვნიკის მონახულება. ამასთანავე, ხორვატიის ზღვისპირეთში უამრავი საინტერესო ისტორიულ ციხესიმაგრე, კოშკი და მუზეუმია. გამოკითხვის მიხევით, ხორვატიის დასათვალიერებლად საუკეთესო თვე სექტემბერია.

4. ინგლისი

ბავშვებთან ერთად სამოგზაუროდ ერთ-ერთ საუკეთესო ქვეყანას ინგლისი წარმოადგენს. ლონდონში შვილებთან ერთად შეგიძლიათ ქალაქის ისტორიული ნაწილი დაათვალიეროდ და ეწვიოთ ჰარი პოტერის მუზეუმს ან Legoland-ს.

5. იტალია

იტალიაში უამრავი ადგილია, სადაც შვილებთან ერთად სამოგზაუროდ წასვლა შეგიძლიათ. თუმცა, უნდა გაითვალისწინოთ, რომ სხვადასხვა ქალაქებს შორის გადაადგილება შესაძლოა 10 საათზე მეტ ხანსაც გაგრძელდეს, რაც მცირეწლოვანი მოგზაურებისთვის შესაძლოა დამღლელი აღმოჩნდეს. გამოკითხვის მიხედვით ბავშვებთან ერთად საუკეთესო ტურისტულ მარშრუტებად რომი და ვენეცია სახელდება.

6. ბელგია

თუ ბელგიაში შვილებთან ერთად გადაწყვეტთ მოგზაურობას, აუცილებლად მოინახულეთ ულამაზესი ქალაქი ბრუგე, რომელიც ბრიუსელიდან არც ისე შორს მდებარეობს. გადაადგილებისთვის კი ყველაზე კომფორტული საშუალება ბელგიაში მატარებელია. ბავშვებს ბელგიაში მოგზაურობა განსაკუთრებით იმიტომაც მოსწონთ, რომ აქ შეუძლიათ უგემრიელესი ბელგიური შოკოლადი და ვაფლი დააგემოვნონ.

7. ესპანეთი

ესპანეთში ბავშებთან ერთად მოგზაურობისას აუცილებლად უნდა ეწვიოთ ქალაქ ბარსელონას, სადაც უამრავი პარკი, მწვანე სივრცე და ზოოპარკია. ამასთანავე, ესპანეთი კარგი არჩევანია ზღვის სანაპიროზე დასვენების მსურველთათვის.

8. გერმანია

გერმანიაში ბავშვებთან ერთად მოგზაურობისთვის საუკეთესო პერიოდი დეკემბერია, მაშინ, როდესაც ბერლინში უზარმაზარი საშობაო ბაზრობა იხსნება. ამასთანავე, მოწესრიგებული სატრანსპორტო გადაადგილება თქვენს მოგზაურობას გაცილებით უფრო გაამარტივებს.

9. საფრანგეთი

პარიზის გარდა ევროპის ამ ულამაზეს ისტორიულ ქვეყანაში სანახავი ძალიან ბევრია. ბავშვებთან ერთად მოგზაურობისათვის საუკეთესო ფრანგულ ქალაქებს შორის ნიცა და კოლმარი მოხვდნენ. ამასთანვე, შეგიძლიათ საფრანგეთის ალპებში მდებარე სოფლებიც მოინახულოთ.

10. ჩეხეთი

ჩეხეთი ბავშვებთან ერთად სამოგზაუროდ ერთ-ერთ სასურველ ქვეყანად ითვლება. ცენტრალური ევროპის ამ ქვეყანაში მოზარდებისთვის ბილეთების უმეტესობა უფასოა, ან დიდი ფასდაკლება მოქმედებს. ჩეხეთში ბავშვებთან ერთად შეგიძლიათ პრაღის ისტორიული ნაწილი და ციხესიმაგრეები მოინახულოთ.

ვრცლად ნახვა
6 ქალაქი, რომელთა შემოვლაც ფეხითაა შესაძლებელი

გამოცემა Kiwi.com ასახელებს 6 ქალაქს, სადაც ფეხით მოგზაურობა ყველანიარი ტრანსპორტის გარეშე გაცილებით უფრო კომფორტულია.

ბოსტონი, აშშ

მიუხედავად იმისა, რომ ბოსტონი აშშ-ში ერთ-ერთი უდიდესი ქალაქია, ფეხით გადაადგილების მსურველთათვის ის საკმაოდ კომფორტულია. ქალაქის ღირსშესანიშნაობები ერთმანეთთან ახლოს, მის ცენტრალურ ნაწილშია განთავსებული. ბოსტონი აშშ-ს ერთ-ერთ ყველაზე ძველ და მთავარ კულტურულ ქალაქად მიიჩნევა. ქალაქი 1630 დაარსდა და შენარჩუნებული აქვს იმ პერიოდისთვის დამახასიათებელი არქიტექტურული სტილი.

სინგაპური

ქალაქ-სახელმწიფო სინგაპური სამხრეთ-აღმოსავლეთ აზიაში მდებარეობს. მიუხედავად მისი მცირე ფართობისა, დღესდღეობით სინგაპური მსოფლიოს ერთ-ერთი უმდიდრესი და განვითარებული ქვეყანაა. აქ თქვენ ნახავთ თანამედროვე შენონებსა და მეცნიერების უახლეს მიღწევებს. თუმცა, ამასთანავე ქალაქი გამოირჩევა გამწვანებითა და რეკრეაციული ზონების სიმრავლით. სინგაპურის დათვალიერება ტრანპორტის გარეშე ფეხით გადაადგილებისთვისაც საკმაოდ მოსახეხებელია.

ზალცბურგი, ავსტრია

ზალცბურგი ავსტრიის სიდიდით მე-4 ქალაქია და ალპების მთიან რეგიონში მდებარეობს. სწორედ ზალცბურგში დაიბადა მსოფლის უდიდესი კომპოზიტორი ვოლფგანგ ამადეუს მოცარტი და აქ გადაიღეს ცნობილი ფილმი „მუსიკის ჰანგები“. ამასთანავე, ქალაქი ცნობილია ულამაზესი ციხესიმაგრეებითა და სასახლეებით, რომლებიც ქალაქის ცენტრალურ ნაწილში მდებარეობს და მათი დათვალიერება ფეხით გადაადგილების დროსაც შეგიძლიათ.

კატმანდუ, ნეპალი

ნეპალის დედაქლაქი კატმანდუ ჰიმალაის მთებში მდებაროებს. ტურისტული თვალსაზრისით ქალაქი გემრიელი საკვებითა და ფერთა სიუხვით გამოირჩევა. ქალაქის ღირსშესანიშნაობებს შორის გამოირჩევა ცენტრალური ბურბარის მოედანი, სადაც ტრადიციული არქიტექტურის ნახვას შეძლებთ. ამასთანავე, კატმანდუში მდებარეობს მეფეთა სასახლე. ქალაქის ვიწრო ქუჩებისა და ადგილობრივი სამზარეულოს გასაცნობად ფეხით მოგზაურობა საუკეთესო გამოსავალია.

კარტახენა, კოლუმბია

კარტახენა კოლუმბიის ერთ-ერთი უძველესი ქალაქია. საუკუნეების წინ კარტახენა სახმრეთ ამერიკის რეგიონში ესპანეთის სამეფოს მთავარ დასაყრდენსა და უდიდეს ქალაქს წარმოადგენდა. ქალაქი ცნობილია თავისი მუსიკით, ცეკვებით, გემრიელი საკვებითა და ფერთა სიუხვით. კარტახენა ჯერ კიდევაა შემორენილი ძველი ციხესიმაგრისა და გალავნის ნანგრევები.

ბრიუსელი, ბელგია

ბელგიის დედაქალაქი ბრიუსელი ქვეყნის ცენტრალურ ნაწილში, მის ორ რეგიონს ფლანდირასა და ვალონიას შორის მდებარეობს. ქალაქი ძველისა და ახლის საინტერესო კომბინაციას წარმოადგენს. არაერთი ისტორიული და ტრადიციული შენობის გვერდით აქ ევროკავშირისა და სხვა საერთაშორისო ინსტიტუტების შტაბ-ბინებს ნახავთ. ბრიუსელის დათვალიერება აუცილებლად მისი ცენტრალური მოედნიდან „გრანდ პლაცედან“ უნდა დაიწყოთ. ქალაქის ერთ-ერთ სიმბოლოს კი პატარა ბიჭუნას ცნობილი ქანდაკება წარმოადგენს. ბრიუსელის მთავარი ღირსშესანიშნაობების დათვალიერება ფეხით მოგზაურობის დროს განსაკუთრებით კომფორტულია.

ვრცლად ნახვა
20 ულამაზესი ევროპული ქალაქი, რომელსაც ტურისტები ნაკლებად სტუმრობენ

დღეისათვის ევროპის ისეთ დიდ ქალაქებს, როგორიაცაა პარიზი, რომი, ფლორენცია და ამსტერდამი ყოველწლიურად მილიონობით ადამიანი სტუმრობს და ტურისტული სეზონის დროს ამ ქალაქებში გადაადგილება თუ სასტუმროს პოვნაც კი რთულია. თუმცა, ამასთანავე ევროპაში არსებობს არაერთი ულამაზესი, მაგრამ ნაკლებად ცნობილი ქალაქი, რომელსაც ტურისტები იშვიათად სტუმრობენ. CNN ასეთ 10 საუკეთესო ევროპულ ქალაქს ასახელებს.

ორანჟი, საფრანგეთი

ამ ულამაზეს ფრანგულ ქალაქში ბევრ ისტორიულ და საინტერესო შენობას ნახავთ. მათ შორის გამორჩეულია 1-ელ საუკუნეში აშენებული რომაული თეატრი და მე-17 საუკუნის ორანჟის მუზეუმი. ამასთანავე, ქალაქში ყოველ ზაფხულს იმართება მუსიკალური ფესტივალი.ანტვერპენი, ბელგია

ბელგიაში ჩასული ტურისტების უმეტესობა ბრიუსელსა და ბრუგეს სტუმრობს. თუმცა, ასევე გამორჩეული ქალაქია ანტვერპენი, სადაც UNESCO-ს მიერ დაცული ღვთისმშობლის ტაძარი მდებარეობს. ისტორიის მოყვარულებს საშუალებს აქვთ მოინახულონ მე-15 საუკუნის ალმასების გადამამუშავებელი საამქრო და იმ პერიოდის ისტორიას გაეცნონ.

ჰააგა, ნიდერლანდები

ჰოლანდიაში სტუმრობისას ტურისტების უმეტესობა დედაქალაქ ამსტერდამს სტუმრობს, თუმცა არანაკლებ საინტერესო ქალაქია ჰააგა. ის განსაკუთრებით დახვეწილი არქიტექტურითა და მუზეუმებით გამოირჩევა. ამასთანავე ქალაქში უამრავი არხია.

მალმო, შვედეთი

მალმო შვედეთის ერთ-ერთი ქალაქია, რომელიც ქვეყნის სამხრეთ ნაწილში, დანიის დედაქალაქ კოპენჰაგენიდან სულ რაღაც 1 საათის სავალი მანძილითაა დაშორებული. მალმო შვედეთის ერთ-ერთ უმთავრეს კულტურულ და საგანმანათლებლო ცენტრს წარმოადგენს. ქალაქი ზღვის პირას მდებარეობს და საუკეთესო პლაჟებით გამოირჩევა.

ბერნი, შვეიცარია

შვეიცარიაში მოგზაურობისას ციურიხისა და ჟენევის გარდა აუცილებლად უნდა ესტომროთ ქალაქ ბერნს. ეს ულამაზესი ქალაქი ალპების მთებში მდებარეობს და მთაში დასვენების მოყვარულებმა ის აუცილებლად უნდა მოინახულონ.

ვროცლავი, პოლონეთი

ვროცლავი პოლონეთის დასავლეთ ნაწილში მდებარეობს და 2016 წელს ის ევროპის კულტურულ დედაქალაქად აღიარეს. ქალაქის ისტორიული ცენტრი გამოირჩევა გოთიკური არქიტექტურითა და ძველი ტაძრებით.

დებრეცენი, უნგრეთი

ბუდაპეშტის შემდეგ დებრეცენი უნგრეთის სიდიდით მეორე ქალაქია. ქალაქის ისტორიულ ნაწილში ულამაზესი კალვინიტური ტაძარი მდებარეობს. ამასთანავე დებრეცენში უამრავი თერმული წყაროა, რომელისაც ტურისტები ხშირად სტუმრობენ.

პლოვდივი, ბულგარეთი

ბულგარეთის ქალაქი პლოვდივი წელს ევროპის კულტურულ დედაქალაქად აირჩიეს. ამ ისტორიულ ქალაქში მე-2 საუკუნის რომაული ამფითეატრისა და 5 000 წლის წინანდელი თრაკიული ქალაქის ნანგრევების ხილვაა შესაძლებელი.

ვრცლად ნახვა
ქუთაისის აეროპროტიდან ჰოლანდიაში რეგულარული ავიამიმოსვლის განხორციელება დაიწყო

დღეს,  ქუთაისის საერთაშორისო აეროპორტიდან ეინდჰოვენის მიმართულებით პირველი პირდაპირი რეგულარული რეისი შესრულდა.

პირველი რეისის მგზავრებს დავით აღმაშენებლის სახელობის აეროპორტში სიმბოლური საჩუქრები დაურიგდათ.

დღეიდან, ავიაკომპანია Wizz Air-მა ეტაპობრივად, 7 ახალი მიმართულებით დაიწყო ფრების განხორციელება. პირდაპირი რეგულარული რეისები ბაზელის, კოპენჰაგენის, ბრიუსელის, ტალინის, ეინდჰოვენის, ბარისა და პოზნანის მიმართულებით შესრულდება.

აღსანიშნავია, რომ ამ მომენტისთვის საქართველოდან შვეიცარიაში, დანიის სამეფოსა და ესტონეთში პირდაპირ საჰაერო მიმოსვლა არ სრულდება.

ქუთაისის საერთაშორისო აეროპორტში ავიაკომპანიის ბაზაზე, რიგით მესამე თანამედროვე, AIRBUS A 320 ტიპის საჰაერო ხომალდმა დაიწყო ოპერირება, რაც იმას ნიშნავს, რომ ახალ რეისებზე ეკიპაჟი მთლიანად ადგილობრივებისგან იქნება დაკომპლექტებული.

ავიაკომპანია Wizz Air-მა ქუთაისის საეთაშორისო აეროპორტიდან ოპერირება 2012 წელს დაიწყო. 2016 წლის სექტემბერში ქუთაისის საერთაშორისო აეროპორტში, რეგიონში ავიაკომპანია ვიზეარის პირველი ბაზა გაიხსნა. 2017 წლის მაისში ქუთაისის საერთაშორისო აეროპორტს ვიზეარის მეორე ბაზირებული საჰაერო ხომალდი და ევროპის 5 ყველაზე მოთხოვნადი მიმართულება დაემატა. 2018 წელს ვიზეარმა ქუთაისის საერთაშორისო აეროპორტის მგზავრთნაკადის 95 % გადაიყვანა ( 587,643 მგზავრი) და საქართველოს ავიაციის ისტორიაში პირველად, ვიზეარი ბაზრის ლიდერი გახდა.

ვრცლად ნახვა
საუდის არაბეთმა ტურისტული ვიზების გაცემა დაიწყო

საუდის არაბეთი სტუმრებს ელოდება - ქვეყანამ ტურისტული ვიზების გაცემა დაიწყო და ამ მიზნით სექტემბრის ბოლოდან მასშტაბურ საინფორმაციო კამპანიას იწყებს.წინასწარი ინფორმაციით, ტურისტული ვიზის მიღება 27 სექტემებრიდან 50 ქვეყნის წარმომადგენელს შეეძლება ონლაინ ან ადგილზე ჩასვლის დროს.

გამოცემა Okaz-ის პირველადი ინფორმაციით, ტურისტებს ვიზაში 440 რიალის (117 დოლარის) გადახდა მოუწევთ. თუმცა, როგორც Bloomberg-ი წერს, აღნიშნულმა გამოცემამ შემდეგ ეს ინფორმაცია ამოიღო და დაწერა, რომ საბოლოო ტარიფი დადგენილი არ არის.

მიუხედავად ამისა, უკვე ცნობილია, თვის ბოლოდან ელ-რიადი აპირებს მსხვილი საინფორმაციო კამპანიის დაწყებას ლოზუნგით - „საუდის არაბეთი ღიაა ტურისტებისთვის“. კამპანიის ფარგლებში წარმოდგენილი იქნება ქვეყნის ღირშესანიშნაობები. გარდა ამისა, ხელისუფლება გეგმავს მსოფლიო ტურიზმის წამყვანი ექსპერტების დახმარებასაც.

სააგენტოს ცნობით, ეს კონსერვატიული ისლამური სახელმწიფო დიდი ხნის განმავლობაში იყო დაკეტილი ტურისტებისთვის. თუმცა 2016 წელს სამეფოს ხელმძღვანელობა სერიოზულად დაფიქრდა პოლიტიკის გადახედვაზე და ტურიზმის სექტორის განვითარებაზე ფიქრი დაიწყო.

ვრცლად ნახვა