მოგზაურობა ბევრი ადამიანის ჰობი ან უბრალოდ ოცნებაა. ყველას უნდა, მსოფლიოს ყველა კუთხე მოინახულოს და ბოლომდე შეიცნოს სამყაროს სილამაზე. რის მიხედვით ვირჩევთ ამა თუ იმ ადგილს?  მოგზაურობისას ყოველთვის ვცდილობთ, შევარჩიოთ ისეთი ქვეყნები, სადაც განსხვავებული ბუნება, შთამბეჭდავი პეიზაჟები და ლამაზი სანაპიროებია. გარდა ზემოჩამოთვლილი კრიტერიუმებისა, ყურადღებას ვაქცევთ იმასაც, რა ისტორიის მატარებელია ქვეყანა, რომელში გამგზავრებასაც ვაპირებთ, რადგან ამით განვსაზაღღვრათ, არის თუ არა იქ განსხვავებული არქიტექტურული ნამუშევრები, ისტორიული ძეგლები და სხვადასხვა კულტურული თავისებურება, რომელიც შეიძლება, მხოლოდ ამ ერთ ქვეყანას ახასიათებდეს.

როცა ამ კრიტერიუმებს გავივლით, მივდივართ ერთ-ერთ მნიშვნელოვან საკითხთან- ბიუჯეტი :) რა თქმა უნდა, ბოლოს ყველაფერი იმის მიხედვით იგეგმება, რამდენია ჩვენი ბიუჯეტი - სწორედ ამის მიხედვით იწყება კონკრეტული მიმართულებისა და ტურის მიმდინარეობის დაგეგმვა. 

ყველა ადამიანი ერთნაირი ფინანსური შესაძლებლობებით ვერ დაიკვეხნის და ყველა თავისი ბიუჯეტიდან გამომდინარე არჩევს სამოგზაურო მიმართულებას. 

 Oktravel.ge შემოგთავაზებთ რამდენიმე ევროპულ ქვეყანას, სადაც შეგიძლიათ, დაბალი ბიუჯეტითაც ძალიან სასიამოვნო მოგზაურობა მოიწყოთ:

საბერძნეთი

ულამაზესი სანაპიროები, თვალწარმტაცი ბუნება, უგემრიელესი სამზარეულო, საუკუნოვანი კულტურა და ისტორია - ეს საბერძნეთია! ევროპისა და მსოფლიოს ერთ-ერთი უძველესი სახელმწიფო, რომელიც მოგზაურებს გულგრილს არასოდეს ტოვებს. ათენი, კრეტა, სანტორინი, ჰალკიდიკი, სალონიკი, როდოსი, მიკონოსი - საკურორტე ზონები საბერძნეთში მართლაც რომ მრავლადაა და მოგზაურობის მსურველებსაც ფართო არჩევანი აქვს. რაც მთავარია, ამ ქვეყანაში დასვენება მცირე ბიუჯეტითაც კი შესაძლებელია, რადგან დღეის მდგომარეობით, საბერძნეთის ტურის ღირებულება 1 ადამიანისთვის 450 ლარიდან იწყება.

ჩეხეთი

„ლუდის სახელმწიფო“ - ასე მოიხსენიებენ ხშირად ჩეხეთს ლუდისა და მოგზაურობის მოყვარული ადამიანები, რომლებიც ერთხელ მაინც ყოფილან მსოფლიოს ერთ-ერთ ყველაზე მომნუსხველ და ლამაზ ქვეყანა ჩეხეთში. მისი დედაქალაქი პრაღა კი უდავოდ გასაოცარი, ბოჰემური და მაგიურად ზღაპრულია.  ულამაზესი, კოპწია და დახვეწილი არქიტექტურა საოცრად იზიდავს მოგზაურობის მოყვარულებს და გამომდინარე იქიდან, რომ ამ ქვეყანაში მოგზაურობა ძალიან დაბალ ფასადაც კი შესაძლებელია, ყველა ცდილობს, ხელიდან არ გაუშვას შანსი, მსოფლიოს ულამაზესი სახელმწიფოს მონახულებისა. მოემზადეთ და დაგეგმეთ ტური ჩეხეთის მიმართულებით, საოცარი მოგზაურობა ხომ სულ რაღაც 650 ლარად შეგიძლიათ!

უნგრეთი

შემდეგი დაბალბიუჯეტიანი ევროპული ქვეყანა, სამოგზაუროდ, გახლავთ უნგრეთი; უფრო კონკრეტულად კი მისი დედაქალაქი ბუდაპეშტი, რომელიც მოგზაურთა ერთ-ერთი ფავორიტი ქალაქია და ყოველ წელს უფრო მეტ ადამიანს იზიდავს. მდინარე დუნაის სანაპიროზე გაშენებული ეს ქალაქი მისი არქიტექტურით, დახვეწილი ქუჩებითა და ღირსშესანიშნაობებით გულგრილს არავის ტოვებს. ყველა, ვინც ერთხელ მაინც ყოფილა ბუდაპეშტში, აღნიშნავს, რომ ეს ქალაქი ერთი მთლიანი ღირსშესანიშანაობაა - მსოფლიოს მემკვიდრეობის სიაში შეტანილი შენობა-ნაგებობები და ათასობით სანახაობა, რომელიც აუცილებლად უნდა მოინახულოთ, თუკი გინდათ, რომ ჭეშმარიტ მოგზაურთა სიაში ჩაეწეროთ, ერთხელ მაინც უნდა იმოგზაუროთ ბუდაპეშტში!

მსოფლიოს ტურიზმის ორგანიზაციის მონაცემებზე დაყრდნობით, ცნობილია იმ ქვეყნების სია, რომლებიც 2019 წელს სამოგზაუროდ ყველაზე პოპულარული იქნება. მონაცემები რამდენიმე ინფორმაციაზე დაყრდნობით დაჯამდა. ეს მონაცემებია 2017-2018 წლის ყველაზე პოპულარული და აგრეთვე ის სახელმწიფოებიც, სადაც ბოლო წლებში ყველაზე მეტი ტურისტი ჩავიდა.

 აღნიშნულ მონაცემებზე დაყრდნობით, რეიტინგის ლიდერი მონღოლეთი გახდა. საქმე ის არის, რომ აქ ტურიზმის ზრდამ 2006-2017 წლამდე 16.1% შეადგინა. ამ სტუმართმოყვარე და ტურისტული თვალსაზრისით სწრაფად განვითარებულ ქვეყანაში ტურისტებისთვის ერთ-ერთი ყველაზე პოპულარული მოვლენა ზაფხულის ფესტივალია, რომელიც  ყოველწლიურად ტარდება და თანდათან უფრო მეტ ტურისტს იზიდავს.

 რეიტინგში მეორე ადგილზე ურუგვაი გავიდა, მესამე კი პარაგვაიმ დაიკავა. რეიტინგში ასევე მოხვდნენ ომანი, ბუტანი და სეიშელის კუნძულები.

თუ რა იზიდავთ ტურისტებს ამ ქვეყნებში, გაეცანიოთ ფოტორეპორტაჟს:

მონღოლეთი:

ურუგვაი:

პარაგვაი:

ომანი

ბუტანი

სეიშელის კუნძულები

ზამთარი თოვლთან, სიცივესთან და  თხილამურებთან ასოცირდება, მაგრამ შესაძლოა სეზონი ისე გავიდეს, რომ ვერც თოვლი ნახო და ვერც თხილამურები, მაგრამ ნათქვამია- „ თუ თოვლი არ მოდის შენთან, შენ მიდი თოვლთან“ ჩაიცვი თბილად, დაიხურე ქუდი, გაიკეთე კაშნე და ავსტრიას ესტუმრე. ეს უნივერსალური ქვეყანა, რომელიც დამსვენებლებს ნებისმიერ სეზონზე იზიდავს ცენტრალურ ევროპაში მდებარეობს. ქვეყნის ეკონომიკის მნიშვნელოვან ნაწილს, სწორედ ტურიზმი აყალიბებს, ამ პროცესში უდიდესი წვლილი მის უდიდებულესობა ალპებს მიუძღვის. ავსტრიის დედაქალაქის შემდეგ, ტურისტული თვალსაზრისით წინ დასავლეთ ავსტრიის ზამთრის სპორტის კურორტებია. უდიდესი ტურისტული მნიშვნელობა აქვს ავსტრიის სათხილამურო, ფეხით სამოგზაურო და ალპინიზმის კურორტებს, ისევე როგორც საოჯახო-სამეგობრო რეკრეაციულ არეალებს. იმავეს თქმა შეიძლება ავსტრიის მრავალრიცხოვან ტბებზე.

შესანიშნავი ბუნება, განუმეორებელი ხედები, დახვეწილი არქიტექტურის მქონე სახლები, თანამედროვე სტანდარტების მომსახურება, მოვლილი ფერდობები, კარგად გამართული სათხილამურო ტრასები, ეს იმ უპირატესობათა მცირე ჩამონათვალია, რომლითაც ავსტრიის სამთო-სათხილამურო რეგიონები იზიდავენ სტუმრებს.

ავსტრიის სამთო კურორტები თხილამურების მოყვარულებს ან უბრალოდ დამსვენებლებს უამრავ აქტივობას სთავაზობენ. ფუნქციურად დატვირთული რეგიონები უზრუნველყოფენ, არა მხოლოდ გარე სანახაობებს და ღონისძიებებს, არამედ  სტუმრებს უგემრიელესი სამზარეულოთიც უმასპინძლდებიან,  თქვენ, ასევე, შეგიძლიათ დასვენება კულტურული ღონისძიებებით გაიმრავალფეროვნოთ და  ესტუმროთ ადგილობრივ ღირსშესანიშნაობებს.

ესთეტიკური სიამოვნების მისაღებად საკმარისია ქუჩებში და სკვერებში ისეირნოთ, უყუროთ ალპებს და ღამით ერთ პატარა სოფელში ლამპიონების შუქით „აბრჭყვიალებულ“ თოვლზე წამოწვეთ, თეთრი  „ანგელოზები“ გააკეთოთ და უჩვეულოდ დაბლა ჩამოსულ თანავარსკვლავედს საკუთარი სახელი დაარქვათ.  გემოვნებით მოწყობილი ეზოები, ყვავილებით მორთული ტერასები, შუასაუკუნეების  შენობების ტრადიციული სტილი, რომელიც დიზაინის თანამედროვე მეთოდებითაა გაფორმებული, ეს ყველაფერი კი კომპოზიციურად ერწყმის ადგილობრივ ლანდშაფტს და ავსტრიას ცოცხალ მუზეუმად წარმოაჩენს.

ავსტრიის სამთო-სათხილამურო კურორტები მართალც მრავალფეროვანია: აქ მოიძებნება ადგილი, როგორც ოჯახებისთვის და ბავშვებთან ერთად დასვენების მსურველთათვის, ასევე გართობის მოყვარული ახალგაზრდებისთვისაც. არანაკლებ მრავალფეროვანია საცხოვრებელიც, თქვენ  შეგიძლიათ შეარჩიოთ, როგორც მდიდრული, ისე პატარა კერძო სასტუმროები, რაც დამეთანხმებით სწორი გათვლაა იმისთვის, რომ დააინტერესოთ და დააკმაყოფილოთ  ნებისმიერი სოციალური ფენის წარმომადგენელი.

Arlberg-ის რეგიონი დამსვენებლებს უამრავ სერვისს სთავაზობს, ზღვის დონიდან  1300 დან 2800 მეტრზე გაშენებული კურორტი გამოირჩევა კეთილმოწყობილი ტრასებით, მრავალფუნქციური ადგილებით, ყინულის სასრიალო მოედნიებით, ტალღოვანი ბილიკებით, ასევე შესაძლებელია ცხენით სეირნობაც.

 St. Anton ერთ-ერთი ყველაზე მასშტაბური და პრესტიჟული კურორტია ალბერგის რაიონში. თუმცა გაითვალისწინეთ, რომ იგი ყველასთვის არაა განკუთვნილი. ტრასების უმრავლესობა აქ გამოცდილ მოთხილამურეებზეა გათვლილი.

Kitzbuhel - ერთ-ერთი ყველაზე ლამაზი და ფეშენებელური კურორტია.  შუასაუკუნეების დროინდელი  უზარმაზარი ეზოები, უძველესი სახლები ულამაზესი სახურავებით, რომლებიც საღამოობით ფერად-ფერადი ილუმინაციებით ირთვება, ზღპრების წიგნს მოგაგაონებთ. ფაქტობრივად არ არსებობს ზამთრის სპორტის სახეობა, რომელსაც ეს კურორტი არ გვთავაზობს.

Solden - ავსტრიის ერთ-ერთი ყველაზე პოპულარული და წამყვანი კურორტია. აქ თქვენ გელოდებათ შესანიშნავი ფართო ტრასები და გარანტირებული თოვლი ნოემბრიდან მაისის ჩათვლით.

დაგეგმეთ თქვენი დასვენება ავსტრიაში, დაეშვით თხილამურებით ალპების მთებიდან და ეზიარეთ ზამთრის სპორტის სახეობების ნამდვილ ხელოვნებას.

 ტურისტულ კომპანია Oktravel-ს „პეგას ტურისტიკი“-სგან წლის საუკეთესო გაყიდვების ტიტული გადაეცა! კომპანია ოქეი თრეველი მადლობას უხდის პეგას ტურისტიკს თანამშრომლობისთვის და გადაცემული ჯილდოსთვის. „ჩვენთვის დიდი სტიმულია, რომ ვყოთ კიდევ უფრო წარმატებულები და ბაზარზე ყოველთვის მოწინავე პოზიცია გვეკავოს! 

 შემოდგომის პირველი თვე მიიწურა, ბუნება ფერს იცვლის, იცვლება ამინდი და გარემოც ოქროსფერი ხდება. მოგზაურობის მოყვარულთა აზრით, შემოდგომის სეზონი სამოგზაუროდ ისეთივე სასიამოვნოა, როგორიც ცხელი ზაფხული. ზომიერი კლიმატი, ცისფერი ზეცა, მზიანი დღეები და გრილი ღამეები -  რა უნდა უნდოდეს დასასვენებლად წასულ ადამიანს ამაზე უკეთესი! მაშ ასე, დროა, შევარჩიოთ რამდენიმე განსაკუთრებული ადგილი, სადაც შემოდგომით დასვენება ყველაზე უფრო მოსახერხებელი და რაც მთავარია, სასიამოვნოა. ამჯერად, არჩევანს ევროპაზე შევაჩერებთ, რადგან რამდენიმე ქვეყანა/რამდენიმე ქალაქი შემოდგომით საოცრად მიმზიდველი და რომანტიკულია.

1. რომი, იტალია  - იტალია და განსაკუთრებით მისი დედაქალი, რომი რომ სამოგზაუროდ ერთ-ერთი ყველაზე კარგი ადგილია, ეს ყველასთვის ცნობილია. მისი დიდებულება წელიწადის ყველა სეზონზე ძალიან ლამაზია, თუმცა, თუკი მის მონახულებას გადაწყვეტთ, გირჩევთ, რომ ამისთვის სექტემბერ-ოქტომბერი გამოიყენოთ, რადგან ამ პერიოდში რომში იდეალური ამინდები და გადასარევი ფერებია, ამიტომ, დაგვერწმუნეთ, რომ შემოდგომის რომის ქუჩებში გასეირნება თქვენს მოგზაურობას ათმაგად სასიამოვნოს გახდის.
    
2. სტოკჰოლმი, შვედეთი - სტოკჰოლმი ეს არის ევროპის ერთ-ერთი ულამაზესი ქალაქი, რომელიც როგორც წესი მკაცრი კლიმატური პირობებით გამოირჩევა და მისი ტურისტული პოტენციალიც სწორედ ამინდებზეა დამოკიდებული. ამის გამოა, რომ ყველა, ვინც სტოკჰოლმში მოგზაურობას გეგმავს, ცდილობს, გასამგზავრელად სწორი სეზონი შეარჩიოს, წინააღმდეგ შემთხვევაში, შესაძლოა, მთელი დღეები სასტუმროს ნომერში გაატაროს და ქალაქის სილამაზეებით ტკბობა ვერც შეძლოს. როგორც წესი, სტოკჰოლმში მოგზაურობისთვის ყველაზე კარგი პერიოდი ივნისი-აგვისტო და ასევე შემოდგომის შუა პერიოდია. ამიტომ, ჩვენი რეკომენდაცია იქნება, რომ თუკი სტოკჰოლმში მოგზაურობას გადაწყვეტთ, ზამთრის დადგომას არ დაელოდოთ, რადგან შემოდგომის სტოკჰოლმი, რომლის თითქმის ნახევარი ნაწილი დასასვენებელ პარკებსა და ბაღებს უჭირავს, შემოდგომით საოცარი ოქროსფერებით ირთვება.
    
3. პარიზი, საფრანგეთი - მსოფლიოს რომანტიკულ ქალაქად აღიარებული პარიზი წელიწადის ნებისმიერ დროს ინარჩუნებს იმ აურას, რაც შეყვარებულ ადამიანებს განსაკუთრებით იზიდავს. მართლაც, არაფერი სჯობს, საყვარელ ადამიანთან ერთად პარიზულ თავგადასავალში „გადაშვებას“ და პარიზული ცხოვრების შეგრძნებას. შემოდგომის სეზონზე პარიზის რომანტიკულობა ერთი ორად იზრდება -  ოქროსფრად აჭრელებული პარიზი ნამდვილად რომატიკულობის მწვერვალია!  ასე რომ, თქვით, „Bonjour Paris!“ - შოკოლადიანი კრუასანების არომატით გაჟღენთილი შანზელიზეს გამზირზე სეირნობას ამქვეყნად ცოტა რამ თუ შეედრება!
    
4. ბრიუგე, ბელგია- „ჩრდილოეთის ვენეცია“-ასე უწოდებენ ბელგიის უძველეს ქალაქ ბრიუგეს, რომლის მთავარი სავიზიტო ბარათი ფერადი სახლები, შუა საუკუნეების არქიტექტურა, ძეგლები, კოშკები, მწვანე სკვერები ულამაზესი ხიდები და არხებია. ეს არის ქალაქი, რომელმაც უარი თქვა ცივილიზაციის ისეთ მიღწევებზე, როგორიც არის ცათამბჯენები, ავტობანები, შოპინგ-მოლები და თითქოს მე-15 საუკუნეში დარჩა. შემოდგომით არხების და ხიდების ქალაქი,  ულამაზესი ფერებით იფარება, მდინარეც ფერადდება და ჰაერში შემწვარი წაბლის სურნელი ტრიალებს. თანაც, ცივ სეზონზე, ზღაპრულ ბრიუგეში,  დამღლელი ტურისტული დღის შემდეგ კაფეში ჩამოჯდომა და ცნობილი ბელგიური შოკოლადით დამზადებული ცხელი შოკოლადის გასინჯვა ცხოვრების საუკეთესო მოგონებად დაგრჩებათ. ასე რომ შემოდგომის ბრიუგეს ნახვა არავითარ შემთხვევაში არ უნდა გამოტოვოთ და დროა, ტურის დაჯავშნაზეც კი იფიქროთ!

Hola Madrid!

 სამხრეთ  ევროპის სურვერენული სახელმწიფო, რომელიც პირენეის ნახევარკუნძულზე, კანარისა და ბალეარის კუნძულებზეა გაშენებული მოგზაურობის მოყვარულთა ერთ-ერთი ყველაზე საყვარელი ადგილია.

 მეგობრული მოსახლეობა, მშვიდი ცხოვრების რიტმი, რომელსაც ღამით აქტიურად გარდაიქმება, გენიალური სამზარეულო, ფოლკლორი -  დიახ, ეს ესპანეთია - მრავალფეროვანი და თავის მხრივ ეგზოტიკური ქვეყანა, რომელიც ვიზიტორებს გულგრილს არასოდეს ტოვებს! ესპანეთზე თამამად შეიძლება, თქვას, რომ უამრავ მოსანახულებელ ადგილთა შორის ყველაზე განსაკუთრებულია.

რატომ?

იმიტომ, რომ ესპანეთი  არა მარტო ტურისტებით გავსებული ბარსელონა და მადრიდის მუზეუმებია, არამედ უამრავი ბრწყინვალე ადგილი, სადაც ფანტასტიკურად შეიძლება დასვენება და დროის გატარება. კოსტა ბრავას კურორტები და ანდალუსიის თეთრი ქალაქები, პლაჟები გიბრალტარის ყურეს ხედებით და გალისიის კლდოვანი სანაპიროები – მრავალფეროვანი ესპანეთის აბსოლუტურად ნებისმიერი გემოვნების მოგზაურს დააკმაყოფილებს.

  მაშ ასე, გაინტერესებთ, რას ნახავთ ესპანეთში ჩასვლისას? გამოგვყევით!

ტარიფა - Tarifa

 კონტინენტური ევროპის უკიდურეს ნაწილში მდებარე საზღვაო ქალაქი მისი მდებარეობიდან გამომდინარე, ნამდვილი საოცრებაა. აქ შეგიძლიათ, შეიგრძნოთ ევროპის სურნელში შერეული აფრიკული ჰავა და გიბრალტარის ყურის მეორე მხარეს არსებული ე.წ. შავი კონტინენტის დეტალურად შეცნობა.
 ამინდი აქ ყოველთვის იდეალურია და სწორედ ამიტომ არის, რომ ამ პატარა ქალაქის ათეულობით პლაჟი და ქუჩები მუდმივად გადავსებულია ტურისტებით.

 თუკი სერფინგი გიზიდავთ, ტარიფა ამ სპორტისთვის ნამდვილად იდეალური ადგილია, რადგან ძირითადად აქ ქარიანი ამინდებია, რაც შესაძლებლობას იძლევა, ზამთარშიც კი იხილოთ ადგილობრივი ვინდ და კაიტსერფინგის მოყვარულები.

რონდა-Ronda

 რონდას ხშირად ანდალუსიის გულსაც ეძახიან, რასაც მისი მდებარეობით ხსნიან: მაღალ კლდეებზე გაშენებული თეთრი ქალაქი ღრმა ხეობითა და მასზე გადაჭიმული პუენტე ნუევოს  ხიდით ორ ნაწილად არის გაყოფილი. მიუხედავად იმისა, რომ რონდა იმ პატარა ქალაქების სიაში შედის, რომელთა ფეხით შემოვლაც კი თავისუფლად არის შესაძლებელი, აქ მაინც უამრავი ღირსშესანიშნაობა გელოდებათ. გასაოცარი ლანდშაფტი და ბრწყინვალე ბუნებრივი ხედები, შუასაუკუნეების ტაძრები და რაც მთავარია, ესპანეთის ყველაზე ძველი და პრესტიჟული კორიდას არენა - რეალ მაესტრანსა, სადაც სექტემბრის თვეში ტრადიციული სანახაობა იმართება.

ბენიდორმი-Benidorm

  არა მარტო კოსტა-ბრავას, არამედ მთელი ესპანეთის ერთ-ერთი ყველაზე პოპულარული კურორტი შედარებით ახალგაზრდა, მაგრამ ტურიზმის თვალსაზრისით სწრაფად განვითარებული და მიმზიდველი ქალაქი სწორედ ბენიდორმია.

  ქალაქში, რომელიც გვიან იძინებს და ძალიან ადრე იღვიძებს (მხიარულება ქუჩებში დილის სამ-ოთხ საათამდე გრძელდება), ჰარმონიულად ერწყმის ერთმანეთს ძველი კვარტლები და თანამედროვე მაღალსართულიანი ნაგებობები, რომლთა წყალობითაც ბენიდორმმა „ესპანური მანჰეტენის“ სახელიც მიიღო. ქალაქის სტუმრობა განსაკუთრებით მათთვისაა ხელსაყრელი, ვისაც აქტიური დასვენება  და ძველთან შერწყმული თანამედროვე ინფრასტრუქტურა იზიდავს.

სევილია - Sevilla

  „ლაბირინთების ქალაქი“ -  ასე უწოდებენ ხშირად სევილიას, ქალაქს, რომლის მთავარი ღირსშესანიშნაობა სწორედ ვიწრო ლაბირინთებია. 

 მრავალფეროვანი და მომხიბვლელი ქალაქი ყველაზე უფრო გამოხატავს ესპანური ხასიათის თავისებურებებს თავისი შთამბეჭდავი კორიდათი და ცეცხლოვანი ფლამენკოთი! ეს არის ქალაქი, რომელიც აუცილებლად უნდა მოინახულოთ რადგან იგი გაუთავებელი დღესასწაულების ადგილია.

 თუ ამ ყველაფერთან ერთად კომფორტულად დასვენებაც გიზიდავთ, სევილია ამაზეც არ გაწყენინებთ, რადგან ქალააქის ცენტრში არსებული მავრიტანული სტილის ჰოსტელები საღამოს მშვიდად გასატარებლად იდეალური ადგილია - აივნებიდან გადაშლილი ულამაზესი ხედები და  პატარა მყუდრო ბარები,  სადაც დღესასწაულებზე ყოველთვის უფასოდ შეიძლება ფლამენკოს ნახვა და მოსმენა.

ვალენსია - Valencia

ესპანეთის სიდიდით მესამე ქალაქში არც მადრიდის საქმიანი ფუსფუსი იგრძნობა, არც სევილიის მომქანცველი სიცხე. სამაგიეროდ არის ზღვა და მიმზიდველი ქვიშის პლაჟები, გრაალის თასი კათედრალურ ტაძარში, პაელია (რომლის სამშობლოდ სწორედ სევილია ითვლება) ადგილობრივ რესტორნებში და მეცნიერებისა და ხელოვნების უნიკალური თანამედროვე ქალაქი, რომელიც ტურისტებისთვის ყოველთვის განსაკუთრებულად მიმზიდველია!

ეს რა თქმა უნდა, სრული ჩამონათვალი არ არის. ესპანეთი ხომ არის ქვეყანა, რომელიც ტურისტებს ამოუწურავ სანახაობებს ჰპირდება. 

ტოლედო, სეგოვია, არკოს-დე-ლა-ფრონტერა, სან-სებასტიანი, საარა-დე-ლა-სიერა, ბაიონა, ტოსა-დე-მარი და ა.შ.  - ჩამონათვალი ბევრია, თქვენ მხოლოდ ერთი რამ გაქვთ გადასაწყვეტი, მოიფიქროთ თარიღი, თუ როდის ეწვევით ქვეყანას, რომელიც  ნებისმიერი სქესის, ასაკის, გემოვნების და მისწრაფების ადამიანის სურვილს აკმაყოფილებს. თუ ოჯახთან, მეგობრებთან ან საყვარელ ადამიანთან ერთად გეგმავთ საინტერესო და კულტურულ-შემეცნებითი დროის გატარებას ესპანეთი ყოველთვის მზადაა მიგიღოთ, გიმასპინძლოთ და გაგაოცოთ!

 ცივი სეზონი ახლოვდება და უკვე ყველა, ვისაც ზამთარი განსაკუთრებით არ უყვარს, ფიქრობს, სად გაატაროს ცივი, ყინვიანი და ქარიანი დღეები.  მართალია, ზაფხული ჯერ ახლახან მიიწურა, მაგრამ „კაცია და გუნებაო“, ნათქვამია - ვერ შეედავები.

 ზამთრის ცივ სეზონზე ყველა სითბოს, მზეს, ზღვას და ბუნებრივ ნამზეურს ბევრი ნატრულობს; გინდა, როგორმე, თავი დააღწიო მომაბეზრებელ სიცივეს, გაწელილ ზამთარს და ერთფეროვნებას. ოქროსფერი ქვიშა, ლურჯი ზღვა, უძველესი ცივილიზაცია, მსოფლიოს საოცრებათაგან ერთ-ერთი, ეგზოტიკური სანახაობები და უდიდესი ისტორია, ეს იმ უპირატესობათა მცირე ჩამონათვალია, რომლებიც ეგვიპტეს ტურისტული თვალსაზრისით მიმზიდველს და სასურველს ხდის. مرحبا مصر (გამარჯობა, ეგვიპტე) !

ორ კონტინენტზე გადაჭიმული ეგვიპტე მოსახლეობის რაოდენობით პირველია აფრიკასა და დასავლეთ აზიაში. ქვეყანა მიმზიდველია, როგორც უძველესი ცივილიზაციით, არქიტექტურით და ეგზოტიკური სანახაობებით, ასევე თანამედროვე სასტუმროებით, პლაჟებით და მისაღები ფასებით. ნილოსის სანაპიროზე გაშენებული ეგვიპტის დედაქალაქი კაირო, არაბული სამყაროს კულტურული და კომერციული ცენტრია. აღსანიშნავია ის ფაქტიც, რომ ეგვიპტე ერთადერთი ისლამური ქვეყანაა, რომელიც აქტიურადაა ჩართული ტურისტულ სფეროში.

ქვეყნის სავიზიტო ბარათი, ეგვიპტური პირამიდებია. პირველი პირამიდა იყო „ჯოსერი“, რომელიც ფარაონ ჯოსერის პატივსაცემად, ქურუმმა იმჰოტეპმა ააგო. ასევე მნიშვნელოვანია ძვ.წ აღ. მესამე ათასწლეულით დათარიღებული გიზას პირამიდები. ყველაზე დიდია ხეოფსის პირამიდა. აღსანიშნავია რომ ის ერთადერთია შვიდ საოცრებას შორის, რომელმაც ჩვენამდე მოაღწია. აქვეა სფინქსი, ლომის ტანითა და ფარაონის თავით. ტურისტებს შორის პოპულარობით სარგებლობს ეგვიპტის უძველესი ქალაქები — მემფისი და საკარა.

აღსანიშნავია, რომ კაირო წარმოადგენს ერთგვარ ნაზავს სხავადასხვა არქიტექტურისა, ეპოქების შესაბამისად. აქ არის ეკლესიები, მეჩეთები, სინაგოგები, ამის პარალელურად ქალაქი სრულიად აკმაყოფილებს თანამედროვეობის მოთხოვნებს, არის უმრავი საშუალება ტურისტების გასართობად - კაზინოები, ღამის კლუბები, მაღაზიები და ა. შ. ტურისტების ყურადღებას მდინარე ნილოსზე მოსწყობილი მინი კრუიზები იქცევს.

ტურისტების ყურადღებას იქცევს კაიროს ეროვნული მუზეუმი, რომელშიც ძველი ევიპტის ფარაონების, ბერძნულ-რომაული პერიოდის საგანძურია დაცული. 155 ათას ექსპონატს შორის არის ფარაონ ტუტანხამონის აკლდამის საგანძურიც.

ნილოსის აღმოსავლეთ სანაპიროზე არის ძველი ქალაქი, რომელიც წარმოდგენილია ვიწრო ლაბირინთული ქუჩებით, ბაზრებით, ფარდულებითა და სახელოსნოებით, იქ საყოფაცხოვრებო ნივთებთან ერთად ტურისტული სუვენირების შეძენაც შეგიძლიათ.

საინტერესოა უძველესი ციტადელი, (შუა საუკუნეების ფეოდალური ხანის არქიტექტურული ნაგებობა) ალებასტროს მეჩეთი, რომელიც კაიროს სიმბოლოდ ითვლება, ციტადელის პირდაპირ არის სულთან ჰასანის მეჩეთი, რომელიც ერთ-ერთ საუკეთესო ქმნილებაა არაბულ არქიტექტურაში. აქვეა პაპირუსის ინსტიტუტი, სადაც დაცულია სურათების კოლექცია ეგვიპტურ ისტორიაზე.

ალექსანდრია არის რიგით მეორე ყველაზე მსხვილი ქალაქი ქვეყანაში. ის დააარსა ალექსანდრე მაკედონელმა. მცირე ხნით ალექსანდრია იყო ეგვიპტის დედაქალაქი და ელინისტური კულტურის ცენტრი. ის მდიდარია კულტურული და ისტორიული ღირსშესანიშნაობებით.

ტურისტებისათვის მიმზიდველია წითელი ზღვა, სუფთა წყლითა და თბილი კლიმატით. სანაპიროზე არის პრესტიჟული კურორტები — ჰურგადა, იგივე ელ-გურდაკა, სადაც მთელი წლის განმავლობაში ანათებს მზე და ხელსაყრელი გარემოა სერფინგის მოყვარულთათვის.

შარმ-ელ-შეიხი არის ყველაზე ძვირადღირებული კურორტი, რომელიც მდებარეობს სინას ნახევარკუნძულის სამხრეთ ნაწილში. კურორტი გამოირჩევა ხელუხლებელი ბუნებით, ულამაზესი მთებით და მოელვარე ზღვით.

როგორც ვნახეთ, ეგვიპტური „ტურნეს“ დროს შესაძლებელია, ერთდროულად ეზიარო უძველეს და თანამედროვე ცივილიზაციას, ერთდროულად აღმოჩნდე ფარაონების და ძვირფასი სასტუმროების ეპოქაში. შენ შეგიძლია, დაუყვე ნილოსის მისტიკურ ნაპირებს და თავი ორი, ერთმანეთისგან რადიკალურად განსხვავებული, სამყაროს ნაწილად იგრძნო. ერთდროულად შეგძლია თვალი ააყოლო ეგვიპტის პირამიდებს და თანამედროვე არქიტექტურის ცათამბჯენებს. იმგზავრო, როგორც აქლემით, ასევე ძვირადღირებული თანამედროვე ტრანსპორტით. დედამიწაზე იშვიათია ისეთი ადგილი, სადაც ორ განზომილებაში ერთდროულად ყოფნაა შესაძლებელი, ამ პორტალის გახსნა კი არც თუ ისე ძნელია, მთავარია დროულად მოითხოვო შვებულება და ტური საოცნებო ეგვიპტეში დაგეგმო.

2019 წლის 2 აპრილს ქუთაისის საერთაშორისო აეროპორტიდან გდანსკის მიმართულებით რეგულარული ავიამიმოსვლა დაიწყება. საპორტო ქალაქი გდანსკი იქნება რიგით მეოთხე მიმართულება, სადაც ქუთაისის საერთაშორისო აეროპორტიდან პოლონეთის მიმართულებით და პირიქით, ავიარეისები შესრულდება. გადაწყვეტილება ამის შესახებ, ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანებამ“ უნგრულ დაბალბიუჯეტიან ავიაკომპანია Wizz Air-თან ნაყოფიერი თანამშრომლობის შედეგად მიიღო.

ახალი მიმართულება იქნება ერთადერთი პირდაპირი რეისი, რომელიც ქუთაისსა და საპორტო ქალაქ გდანსკ ერთმანეთთან დააკავშირებს. ბილეთების შეძენა ავიაკომპანიის ვებგვერდზე 59,99 ლარიდან უკვე შესაძლებელია.

დაბალბიუჯეტიანი უნგრული ავიაკომპანია Wizz Air ქუთაისის საერთაშორისო აეროპოტიდან ფრენებს ევროპის 14 ქვეყნის 21 მიმართულებით ასრულებს. 11 ოქტომბრიდან კიდევ ერთი პირდაპირი მიმართულება - ქუთაისი-ვენა ემატება.

2018 წლის პირველი რვა თვის განმავლობაში ავიაკომპანიამ საქართველოს რეისებზე 360,000-ზე მეტი მგზავრის გადაყვანა უზრუნველყო, რაც წინა წლის ანალოგიური პერიოდის მონაცემს 67%-ით აღემატება.

ჯამში კი 8 თვის მონაცემებით, ქუთაისის საერთაშორისო აეროპორტი 382325 მგზავრს მოემსახურა, რაც წინა წლის ანალოგიურ პერიოდთან შედარებით 35 %-ით მეტია. (2017 წლის 8 თვე - 283355 მგზავრი).

რომანტიკა ორ შეყვარებულ ადამიანს ყველგან თან დაჰყვება, სადაც არ უნდა წავიდეს, ეს იქნება ამაზონის ჯუნგლები, საჰარას უდაბნო, მალდივის კუნძულები, „შანზ-ელისე“ მანჰეტენი, საკურას ბაღები, შატილი თუ ომალო. თუმცა, არსებობს საყოველთაოდ აღიარებული და გამორჩეული ადგილები, რომელსაც რომანტიკის სავანეებად მიიჩნევენ.
Oktravel  გთავაზობთ 5 ყველაზე რომანტიკულ ადგილს მსოფლიოში: 

1.ბალი, ინდონეზია- ბალი მსოფლიოს აოცებს არა მხოლო ულამაზესი და შთამბეჭდავი ხედებით, არამედ მისი უნიკალური ტრადიციით და კულტურითაც. წმინდა ლურჯი  წყლის სანაპიროზე მზის ჩასვლის ყურება ტურისტებისათვის ერთ-ერთი საყვარელი საქმიანობაა. მთავარი სანახაობა მე-15 საუკუნის ტაძარი „Tanah Lot“-ია. არ გამოგრჩეთ  ბუდაგულსა და სინგარაას შორის მოქცეული  ხუთი ულამაზესი ჩანჩქერი. დამსვენებლებში დიდ ყურადღებას ბალის სამხრეთი სანაპიროები იქცევს.

2.ბრიუგე, ბელგია- ბრიუგე ნამდვილი ზღაპარია, ქალაქის ღია მოედნები, ქანდაკებები  და არხებში მოცურავე ნავები  წყვილებისათვის  რომანტიკულ ატმოსფეროს ქმნის. აიარეთ ბელფორტის 366 საფეხური და დატკით ულამაზესი ხედებით, იჯირითეთ ცხენებით და ისეირნეთ ულამაზეს ხიდებზე. აირჩიეთ ერთ-ერთი ულამაზესი და კეთილმოწყობილი სასტუმრო უგემრიელესი რესტორნით  და მიირთვით საუცხოო ბელგიური შოკოლადი.

3.ბუენოს აირესი, არგენტინა- ბუენოს აირესის მრავალფეროვანი ღამის ცხოვრების რიტმს ადვილად შეეჩვევით, თქვენ შეგიძლიათ გაერთოთ, როგორც ღამის კლუბეში, ასევე უკანა რიგებში, ხავერდის სკამზე მოკალათებულმა ისიამოვნოთ საოპერო და საბალეტო წარმოდგენებით. რესტორნები, ბარები, კლუბები, ქუჩის ცეკვები, ქალაქში ჩასულ ტურისტებს უამრავი გასართობი ელით. ქალაქი ნებისმიერ სეზონზე დაუვიწყარ შთაბეჭდილებებს გპირდებათ.

4. ჩარლზტონი, სამხრეთ კაროლინა- ხელუხლებელი ბაღები, ისტორიული გარემო და საერთო სამხრეთული ხიბლი, ჩარლზტონს რომანტიკულ ადგილად აქცევს. ვერანდიანი სახლებით  და მაგნოლიის ბაღებით გაწყობილ ქუჩებში სეირნობას არაფერი სჯობს.

5. იტალიური რივიერა- იტალიური რივიერა - ეს არის რომის დასავლეთით მდებარე ადგილი, გენუადან საფრანგეთის საზღვრამდე გადაჭიმული ტერიტორია.  აქ ბევრი საინტერესო ადგილი შეიძლება ნახოთ, ყურეში ფირუზისფერი წყალი  და ოქროსფერი მზე კომპოზიციურად ერწყმის ერთმანეთს.  ადგილობრივ სოფლებში გავრცელებულია თევზაობა,  ფერადი სახლები და ვენახები თქვენზე წარუშლელ შთაბეჭდილებას დატოვებს. თქვენ ვენახებში ველოსიპედით სეირნობასაც შეძლებთ.  ზღვის გასწვრივ მთელი ტერიტორიაზე კლდეებია გადაჭიმული.

ხანდახან გინდა, რომ მსოფლიო შენს დროზე გადაიყვანო, შენით დაიწყონ დროის ათვლა, შენს მაჯისცემას უსმინოს ყველამ და ეს, დამერწმუნეთ, სულაც არ არის რთული. თუ ოცნებები შენთან არ მოდიან, შენ მიდი ოცნებებთან.  „Hi, London”. სწორედ  დიდი ბრიტანეთის დედაქალაქი ლონდონია დროის და  გეოგრეფიული გრძედის ათვლის წერტილი. იმის გათვალისწინებით, რომ ლონდონი, პირობითად, 21-ე საუკუნის „მსოფლიოს დედაქალაქად“ დაასახელეს საინტერესო იქნება ქალაქში სტუმრობა, მისი დათვალიერება, უპირატესობების გამოკვეთა და ჩვენეული შეფასება-იმსახურებს თუ არა  ლონდონი „მსოფლიოს დედაქალაქის“ სტატუსის ტარებას. სანამ მოგზაურობას დაგეგმავთ და გეზს სამხრეთ-აღმოსავლეთი ინგლისისაკენ აიღებთ, აუცილებლად გაეცანით ლონდონური „ტურნეს“ დეტალებს და უპირატესობებს.

აღსანიშნავია, რომ ლონდონი ევროკავშირში სიდიდით პირველი ქალაქია, მსოფლიოს ქალაქებიდან კი სიძვირით მესამე, ქალაქი უცხოელ სტუმართა რაოდენობით პირველ ადგილს იკავებს მსოფლიოში.  მსოფლიოს ერთ-ერთი უძველესი ქალაქი  დიდი ბრიტანეთის ფინანსური ცენტრია, მას, ასევე, წამყვანი ადგილი უჭირავს მსოფლიოს მოდის ინდუსტრიაში (ვივიენ ვესტვუდი, სტელა მაკარტნი, თომას ბარბერი, ალექსანდრ მაკქუინი) სატრანსპორტო და საბანკო სისტემებში. 

მდინარე ტემზის ჩრდილოეთ სანაპიროზე უესტმინსტერის სასახლე, ორპალატიანი  პარლამენტი მდებარეობს. ბრიტანეთის მონარქის ოფიციალურ რეზიდენციას კი „ბაკინგემის სასახლე“ წარმოადგენს, სწორედ ამ სასახლეში იმართება სახელმწიფო ღონისძიებები და სამეფო დღესასწაულები. ლონდონის ერთ-ერთ მთავარ ღირსშესანიშნაობად ბიგ-ბენი ითვლება, ის უესტმისტერის სასახლის ექვსი ზარიდან ყველაზე დიდია, ხშირად ამ სახელს, თვითონ საათის კოშკსაც მიაკუთვნებენ, სინამდვილეში ამ კოშკს, „ელისაბედის კოშკი“ ჰქვია. ნაგებობას მსოფლიოში ყველაზე დიდი, ოთხივე მხარეს მიმართული, ზარის მრეკავი საათი აქვს. რელიგიური ნაგებობებიდან აღსანიშნავია უესტმისტერის სააბატო, რომელიც წმინდა პეტრეს სახელს ატარებს, კათედრალი გოთურ სტილშია აშენებული, სწორედ ეს ხდის ტაძრის იერს მისტიკურს, განსაკუთრებით ნისლის პერიოდში (რაც არც თუ იშვიათია ლონდონისათვის). ტრადიციულად, სწორედ აქ ტარდება ინგლისის მონარქთა კორონაცია და დაკრძალვის ცერემონიები, აღსანიშნავია ის ფაქტიც რომ მე-16 საუკუნეში აგებული ტაძარი იუნესკოს მსოფლიოს მემკვიდრეობის ძეგლთა სიაშია შეყვანილი. კათედრალი უესტმისტერის სასახლიდან დასავლეთით მდებარეობს.

ყველაზე პოპულარულ, ფასიან ტურისტულ სანახაობას ლონდონში „ათასწლეულის ბორბალი“, იგივე ლონდონის თვალი წარმოადგენს, ეს ყველაზე მაღალი სათვალთვალო ბორბალია ევროპაში.

გარდა კულტურულ-არქიტექტული უკინალურობისა, ინგლისი ცნობილია ჩაის სმის კულტურით,  დახვეწილი გემოების მოყვარულებს, ქვეყანა ჭეშმარიტი ჩაის გემოს გაზიარებთ.  სანახაობრივი და სპორტული თვალსაზრისით ინგლისში ცხენოსნობას დიდი ყურადღება ეთმობა, ინგლისური ცხენები დახვეწილი გარეგნობით, სიმაღლით და ინგლისელთათვის დამახასიათებელი „პედანტიზმით“ გამოირჩევიან. ცხენების და ჯირითის მოყვარულთათვის ინგლისური „თავლის“ კარი ყოველთვის ღიაა.

ლონდონი დამსვენებლებს სამეფო დახვედრას, სამეფო მასპინძლობას და სამეფო სანახაობას გპირდებათ.

ქართული ავიაკომპანია MyWay Airlines-ი ევროპის მიმართულებით იწყებს ფრენებს. როგორც თბილისისა და ბათუმის საერთაშორისო აეროპორტების მმართველ კომპანია „ტავ ჯორჯიაში“ განმარტავენ, MyWay Airlines-ი თბილისიდან ბუდაპეშტის მიმართულებით პირდაპირ რეისებს განახორციელებს.

აღსანიშნავია, რომ დღეისათვის თბილისიდან ბუდაპეშტის მიმართულებით პირდაპირი ავიარეისები არ ხორციელდება.

„28 ოქტომბრიდან MyWay Airlines თბილისი-ბუდაპეშტის მიმართულებით ფრენების შესრულებას იწყებს. რეისები კვირაში სამი სიხშირით, სამშაბათს, ხუთშაბათსა და კვირას ბოინგ 737-800 ტიპის საჰაერო ხომალდებით შეასრულებს”, აცხადებენ „ტავ ჯორჯიაში“.

ოქტომბერი ახლოვდება და გერმანიაც ლუდის ფესტივალის, „ოქტომბერფესტ“-ისთვის ტრდიციისამებრ გრანდიოზულად ემზადება! ფესტივალი, რომელიც სექტემბრის ბოლოსა და ოქტომბრის დასაწყისში ტარდება, მსოფლიოს ერთ-ერთი ყველაზე გამორჩეული დღესასწაულია და მას ყოველწლიოურად 6 მილიონამდე ადამიანი ესწრება.

2018 წლის ოქტომბერფესტის ჩატარების თარიღი უკვე ცნობილია - ფესტივალის ოფიციალური ვებ-გვერდის მიხედვით, წვეულება 22 სექტემბერს  გრანდიოზულად გაიხსნება და 7 ოქტომბრამდე გასტანს.

 ფესტივალი, როგორც წესი გერმანიის სხვადასხვა ქალაქში  ტარდება, თუმცა, წვეულების გამორჩეული მასპინძელი მაინც მიუნხენია, რადგან სწორედ ამ უკანასკნელში დაედო საფუძველი „ოქტომბერფესტ“-ს, 1810 წლის 12 ოქტომბერს, ბავარიის პრინც ლუდვიგისა და პრინცესა ტერესას ქორწილში.

 ლუდის და „აპეტაიზერების“ მოყვარულთათვის ეს ფესტივალი მიწიერი სამოთხეა! სპეციალურად ამ ღონისძიებისთვის, იხარშება 5.8-6.3 გრადუსის სიძლიერის ლუდი, რაც ლუდის მოყვარულებისთვის განსაკუთრებული დღესასწაულია! გარდა ლუდის უნიკალური სახეობებისა, ფესტივალს ტრადიციულ სამოსში გამოწყობილი ქალები აძლევენ ხიბლს, ღონისძიების ფარგლებში ასევე შეხვდებით სხვადასხვა კოსტიუმში გამოწყობილ ადამიანებსაც.

 მაშ ასე, ლუდის მოყვარულებო, მოემზადეთ თქვენი საყვარელი სასმელის დასაგემოვნებლად და არ დაგავიწყდეთ  ბავარიის დედაქალაქის ოფიციალური დევიზი - „მიუნხენს უყვარხართ თქვენ“!

დასვენება შემოდგომის სეზონზე ყოველწლიურად უფრო პოპულარული ხდება. ნათქვამია, შემოდგომით დასვენება ჭკვიანი ადამიანების მოგონილიაო. რატომ? ამას გარკვეული მიზეზებით ხსნიან;

 მოგეხსენებათ, შემოდგომაზე საკურორტო სეზონი ფაქტობრივად, დასრულებულია და სამოგზაუროდ წამსვლელთა პროცენტულობაც 90%-ით არის შემცირებული, შესაბამისად, ყველა საკურორტო ზონაც ხალხისგან დაცლილი.

 საინტერესეოა, რატომ არის ადამიანთა გარკვეული ნაწილისთვის შემოდგომით დასვენება უფრო სასიამოვნო? გთავაზობთ იმ ადამიანთა მოსაზრებებს, რომლებიც შემოდგომით მოგზაურობას ანიჭებენ უპირატესობას:

ხალხი ნაკლებია - როგორც ზემოთ აღვნითნეთ, შემოდგომაზე საკურორტო სეზონი დასრულებულია, შესაბამისად, დამსვენებელთა რაოდენობაც შემცირებული. ტურისტების რაოდენობა რესტორნებსა და ბარებში,პლაჟებსა და ქუჩებში ბევრად ნაკლებია, რაც იმას ნიშნავს, რომ ირგვლივ ყველაფერი უფრო მოწესრიგებულია. პლაჟი თავისუფალია და ცურავთ ან ირუჯებით იქ, სადაც გინდა. კომფორტია რესტორნებსა და ბარებშიც - რამდენიმე კვირის წინანდელ ხმაურს მშვიდი მუსიკა ანაცვლებს და თქვენც მაქსიმალურად ამაღლებულ გარემოში ხართ.

ფასები შემცირებულია - რაც უფრო ნაკლებია ხალხი, მით უფრო დაბალია ფასი ნებისმიერი სახის მომსახურებაზე, ავიაბილეთებითა და სასტუმროებში განთავსებით დაწყებული, თავად ადგილობრივ ბარ-რესტორნებსა თუ სხვადასხვა მომსახურების სფეროში.

ტემპერატურა იდეალური  - ადამიანთა გარკვეულ ნაწილს მცხუნვარე მზე და  40° სიცხე სულაც არ იზიდავს და ურჩევნია, დასვენების დღეები ნეიტრალურ ტემპერატურაში გაატაროს. და თუ ასეა, შემოდგომის სეზონზე სამოგზაუროდ დედამიწის ჩრდილოეთ ნაწილს ნუ აირჩევთ, სადაც ზაფხულშიც გრილი ტემპერატურაა, - ასეთ დროს ყველაზე ოპტიმალური ცენტრალური ევროპის ქვეყნებია, სადაც თბილი ამინდი დაგხვდებათ მოგზაურობასაც სასიამოვნოდ გაატარებთ.

სასტუმროს ღირებულება იკლებს -  როგორც აღმოჩნდა, ერთ-ერთი მიზეზი, თუ რატომ არის მოგზაურობა შემოდგომით უფრო ხელსაყრელი, ყოფილა ის, რომ სასტუმროებზე ფასები საგრძნობლად იკლებს და რაც მთავარი, არჩევანიც იზრდება. ასე რომ, შეგიძლიათ, შემოდგომით ბევრად უფრო  კომფორტულადაც დაისვენოთ და რაც მთავარია, ხარჯებიც დაზოგოთ.  

საინტერესო სანახაობები - მოგზაურობა უცხო ქვეყანაში საინტერესო რომ არის, ეს უკვე ყველამ იცის. ყველა ქვეყნის კულტურა, არქიტექტურა, ისტორია და ა.შ. ადამიანებს განსაკუთრებულად იზიდავს, თუმცა ამ ყველაფრის ნახვა და შეცნობა ადამიანს წელიწადის ნებისმიერ დროს შეუძლია. აი, შემოდგომას კი ერთი მნიშვნელოვანი რამ განასხვავებს სხვა სეზონებისგან  - ეს არის ფესტივალები. როგორც აღმოჩნდა, თითქმის ყველა ქვეყანაში,  სადაც ფესტივალები ყოველწლიურად იმართება, ეს უკანასკნელი აუცილებლად შემოდგომის სეზონზეა დაგეგმილი. ასე რომ, ნუ გაუშვებთ შანსს, მოგზაურობა სხვადასხვა ფესტივალების დამახასიათებელი მხიარულების გარეშე გაატაროთ!

მეცნიერებმა დაამტკიცეს, რომ მოგზაურობა ადამიანის ტვინის მუშაობას მნიშვნელოვნად აუმჯობესებს, რადგან მოგზაურობა მას დასვენების გარდა, ცხოვრების გამრავალფეროვნებაში ეხმარება, რაც შემდგომში მას შესაძლებლობას აძლევს, მეტად აქტიური და სიახლეებისკენ მიდრეკილი იყოს.

უამრავი მიზეზი არსებობს, როს გამოც მოგზაურობა სასარგებლო, საინტერესო და აუცლიებელიც კია. ეს არის ერთ-ერთი საუკეთესო სიამოვნება, რაც მთელი ცხოვრება გემახსოვრება.

- მოგზაურობა აცოცხლებს, ახალისებს, გასწავლის ახალს, გაცნობს ახალ ხალხს, მოგზაურობისას შეიძენ ახალ უნარებს, გიტოვებს წარუშლელ შთაბეჭდილებებსა და მოგონებებს, გაბედნიერებს!

ამ და სხვა მიზეზების გამო, ერთხელაც უნდა ადგე, ჩაალაგო ნივთები და წახვიდე!

თუმცა, იმისთვის, რომ მაქსიმალურად მიიღო ყველა ის სიკეთე, რაც მოგზაურობას ახლავს, აუცილებელია, სწორად, საკუთარ ინტერესებზე მორგებულად დაგეგმო შენი მოგზაურობა.

თუმცა, აქ ვაწყდებით ერთ მნიშვნელოვან საკითხს, როგორ უნდა დაგეგმოთ მოგზაურობა ისე, რომ მოსალოდნელ რისკებს თავი აარიდოთ? რისკები ტყუილად არ გვიხსენებია- საქმე ის არის, რომ მოგზაურობას გარკვეულწილად ახლავს ეს უკანასკნელი, რადგან:
1. სამოგზაუროდ მიდიხარ უცხო ქვეყანაში, არ იცი იქაური კულტურა, არ იცი სად მდებარეობს ასსტუმრო, გასართობი ადგილები, სამედიცინო ცენტრი და ა.შ. ყველაფერი, რაც იქ ყოფნისას შეიძლება, დაგჭირდეს.

იმისთვის, რომ მოგზაურობა საინტერესოსთან ერთად მაქსიმალურად უსაფრთხო იყოს თქვენთვის, უნდა მიმართოთ ტურისტულ სააგენტოს.  ამ შემთხვევაში კი გირჩევთ ტურისტულ სააგენტო Oktravel-ს, რომელიც პროფესიონალი და მეგობრული გუნდით არის დაკომპლექტებული!

რატომ Oktravel?

იმიტომ, რომ :

- ჩვენი გამოცდილი და პასუხისმგებლიანი კადრები ზრუნავენ, მომხმარებლისთვის მაქსიმალური კომფორტის შექმნაზე.

- ტურის ჩვენთან შეძენის შემთხვევაში, შეგიძლიათ, თავიდან აიცილოთ პრობლემები რომლებიც შეგექმნებათ ონლაინ სისტემებში შეძენილ ავიაბილეთებსა და სასტუმროებზე.

- ჩვენი უპირატესობა ის არის, რომ შეგვიძლია, ავიაკომპანიებთან თანამშრომლობით მოგაწოდოთ ზუსტი ინფორმაცია რეისების, ცვლილებების შესახებ (სახელის, გვარის, თარიღის), რის საშუალებასაც ონლაინ სისტემები არ იძლევიან.

- ჩვენ გამგზავრების დღიდან ტურისტული პაკეტის დასრულებამდე უზრუნველვყოფთ თქვენს კომფორტულსა და საიმედო მოგზაურობას.

- ვითვალისწინებთ ყველა დეტალს, გაძლევთ რჩევებს და მოგზაურობის დასრულებამდე თქვენს სამსახურში ვართ;

- გიქმნით კომფორტულ გარემოს და ვმუშაობთ ონლაინ რეჟიმში;

-ვცდილობთ, თქვენი მოგზაურობა იყოს იმაზე იაფი და ხელმისაწვდომი, ვიდრე სხვაგან;

და რაც მთავარია, თუკი თქვენს მოგზაურობას Oktravel-ის მეშვეობით დაგეგმავთ, მიიღებთ მოგზაურობისთვის საჭირო საჩუქრებს!

Ok Travel-თან ერთად, თქვენ შეგიძლიათ იმოგზაუროთ მსოფლიოს ნებისმიერი მიმართულებით. ჩვენთან შეძენილი ტურებით შეგიძლიათ იმგზავროთ საიმედოდ, თავიდან აიცილოთ მგზავრობასთან დაკავშირებული გაუგებრობები. ჩვენთან შეგიძლიათ, შეიძინოთ :

> ავიაბილეთები

> სასტუმრო

> ტრანსფერი

> მატარებლის და ავტობუსის ბილეთები

> კონცერტის ბილეთები

> ექსკურსიები

> სამოგზაურო დაზღვევა

> სავიზო მხარდაჭერა (აშშ, დიდი ბრიტანეთი, კუბა, ინდოეთი და სხვა)

აქ შეგიძლიათ, ისარგებლოთ 0% განვადებით.

Ok Travel მუდმივად ცდილობს, გაანებივროს მომხმარებელი სხვადასხვა სააქციო თუ სუპერ ფასდაკლების შეთავაზებით;

ჩვენ ვგეგმავთ სხვადასხვა ტიპის ტურს, სპეციალური ფასდაკლებით:

- სტუდენტებისთვის;
- ახალდაქორწინებულთათვის;
- ჯგუფური ტურებისთვის;

არ გაუშვა საინტერესო, შთამბეჭდავი და მოგონებებით სავსე მოგზაურობის შანსი!

Ok Travel - იმოგზაურეთ პოზიტივთან ერთად!

Tbilisi, the capital of Georgia, rich in culture, history and many attractions, where various cultures are intertwined, has many things to offer for free. Every newcomer who does not have a local friend or wonders what to see in the city can check out these helpful tips and organize a free tour throughout the city for oneself. 

1.Old Tbilisi – Narikala Fortress

Narikala fortress
Tbilisi is a very hilly city, so you can enjoy the most fabulous views from certain points. Old part of Tbilisi and fascinating Narikala fortress are must see  sights of Georgia’s capital. The 4th century fortress stands on a hill that is dotted with colorful houses offering fascinating view of Mtkvari River and the city in general. The easiest way to get there is by cable car from Rike Park,or walk up on foot as well. As you are up, you can take a walk to Georgia’s national monument Mother of Georgia, welcoming guests with a bowl of wine and warning the enemies with her sword.

Mother of Georgia

2.Sulfur baths

Sulfur baths
Next destination is sulfur baths in Abanotubani (the Bath District) located in Old Tbilisi. Hot thermal springs here were discovered in the 5th century and the city was built around them. The city was called after these hot waters; ‘Tbili’ in Georgian means ‘warm’. Thermal water bath is perfect for skin diseases and nervous system. After undergoing this procedure you’ll have the skin like baby’s and feel extremely refreshed. If you are not ready to experiencing hot baths then you can simply walk around, explore souvenir shops and take memorable photos. Near baths you can walk through famous Leghvtakhevi or fig gorge, where beautiful waterfall comes down as well. 

Leghvtakhevi Gorge

3.Sameba Cathedral

Sameba Cathedral 

The Holy Trinity Cathedral of Tbilisi commonly known as Sameba is the main cathedral of the Georgian Orthodox Church located in Avlabari district. It is the third-tallest Eastern Orthodox cathedral in the world and considered to be one of the largest religious buildings in the South Caucasus.The height of the cathedral is 86.1 meters. This spectacular temple is one of the most famous tourist attractions in Georgia.

4.Funicular

Funicular (Mtatsminda)
Funicular on Mtatsminda hill (Holy Mountain) is one of the most frequently visited tourist sites, since it offers magnificent views over entire city. The place is notable for the famous TV Tower and Ferris wheel lit in various colors that stand on the hill and can be seen almost from any part of the city. You can easily get there by cable railway as well as by car. Originally funicular cable railway was built in 1903-1905 to connect “Upper Tbilisi” with the “Lower Tbilisi”.

5.Dry Bridge Flea Market

Dry Bridge
Another inseparable and colorful feature of Tbilisi is its Dry Bridge Market where one can find plenty of interesting items, starting from soviet coins ending with antique silverware and porcelain tea cups and plates. In other words it is a demonstration of Georgia’s history and culture in an unusual way. 

©  https://www.georgianjournal.ge/discover-georgia/33208-top-5-attractions-to-visit-in-tbilisi-for-free.html